ജീപ്പോടിച്ച് ഭർത്താവിന്റെ വീട്ടിലേക്ക് സ്റ്റൈലൻ എൻട്രി, വൈറലായി നവവധു

പലർക്കും ജീവിത്തിലെ നിർണായകമായ ഒരു മുഹൂർത്തമാണ് വിവാഹം. എന്നും ഓർമ്മിക്കാൻ തക്കവണ്ണം അന്നേ ദിവസത്തെ അവിസ്മരണീയമാക്കാൻ ഏറെക്കുറെ എല്ലാവരും ശ്രമിക്കും. കശ്മീരിലെ ബാരാമുള്ളയിൽ അടുത്തിടെ വിവാഹിതരായ സന ഷബ്നവും, ഷെയ്ക്ക് ആമിറും ഒരിക്കലും തങ്ങളുടെ വിവാഹ ദിവസം മറക്കില്ല. പരമ്പരാഗത സമ്പ്രദായങ്ങളെയെല്ലാം മാറ്റി മറിച്ച് സന ജീപ്പോടിച്ചതാണ് കല്യാണ ശേഷം തന്റെ ഭർത്താവിന്റെ വീട്ടിലെത്തിയത്. അതും തൊട്ടപ്പുറത്തെ സീറ്റിൽ അമീറിനെ ഇരുത്തികൊണ്ട് തന്നെ.



ഈ മാസം 22നായിരുന്നു സനയുടെയും ആമിറിന്റെയും വിവാഹം. മഹീന്ദ്ര ഥാർ എസ്‌യുവി ഓടിച്ചാണ് സന ഭർത്താവിന്റെ വീട് കയറിയത്. വിവാഹത്തിൽ പങ്കെടുത്ത അഹ്മദ് അലി ഫയാസ് എന്ന് പേരുള്ള വ്യക്തി വീഡിയോ ട്വിറ്ററിൽ പോസ്റ്റ് ചെയ്തതോടെ നവ വധുവിന്റെ മാസ്സ് എൻട്രി വൈറൽ. “ഒരു മണവാട്ടി ഭർത്താവിനൊപ്പം ഭർതൃഗൃഹത്തിലേക്ക് വണ്ടിയോടിച്ചെത്തുന്നു” എന്ന കുറിപ്പോടെയാണ് വീഡിയോ പോസ്റ്റ് ചെയ്തത്.

മൂന്നാം ദിവസം ഉയർത്തെഴുനേൽക്കാൻ ജീവനോടെ സ്വയം കുഴിച്ചുമൂടി പാസ്റ്റർ, സംഭവിച്ചത്

സാധാരണഗതിയിൽ ഒരു വധുവിനെ സംബന്ധിച്ചിടത്തോളം, വിവാഹദിനം പൊതുവെ കുടുംബത്തോട് വിടപറയുന്ന ദുഖകരമായ സന്ദർഭമാണ്. എന്നാൽ പരമ്പരാഗതമായ ഈ രീതിയിൽ നിന്നും എങ്ങനെ വ്യതിചലിക്കാം എന്ന ചിന്തയിലാണ് വധു വണ്ടിയോടിച്ചെത്തുന്ന രീതി ചിന്തിച്ചത്. എല്ലാവർക്കും സമ്മതമായതോടെ സനയുടെ മാസ്സ് എൻട്രിക്‌ട് വഴിയൊരുങ്ങി.

പ്രസാദം ന്യൂഡിൽസ്, ഇന്ത്യയിലെ ചൈനീസ് കാളി അമ്പലത്തിൽ പോയിട്ടുണ്ടോ?

വിവാഹ വസ്ത്രങ്ങളണിഞ്ഞ സന പൂർണ ആത്മവിശ്വാസത്തോടെ ആയാസരഹിതമായാണ് വണ്ടി ഓടിക്കുന്നത്. തൊട്ടടുത്തിരിക്കുന്ന വരൻ സേനയുടെ ശ്രമത്തെ പിന്തുണയ്ക്കുന്നതും ആസ്വദിക്കുന്നതും വിഡിയോയിൽ കാണാം. അഭിഭാഷകനും ബാരാമുള്ളയിൽ നിന്നുള്ള ഇന്ത്യൻ നാഷണൽ കോൺഗ്രസ് നേതാവുമായ ആമിർ ജീവിതത്തിലെ ഏറ്റവും പ്രധാനപ്പെട്ട ദിവസം ഭാര്യയ്ക്ക് സ്പെഷ്യൽ ആക്കാനാണ് വ്യത്യസ്തമായ ഈ രീതി പരീക്ഷിച്ചത് എന്ന് ഗ്രേറ്റർ കശ്മീർ പത്രത്തോട് പറഞ്ഞു,