149 കൂടെപ്പിറപ്പുകൾ! പേര് ഓർത്തുവയ്ക്കാൻ അച്ഛന്റെ ഐഡിയ വെളിപ്പെടുത്തി യുവാവ്

നിങ്ങൾക്ക് എത്ര കൂടെപ്പിറപ്പുകളുണ്ട്? ഒന്ന് അല്ലെങ്കിൽ രണ്ട് എന്നാവും മിക്കവരുടെയും ഉത്തരം. അതെ സമയം കാനഡ സ്വദേശിയായ മുറെ ബ്ലാക്ക്മോറിന് 149 കൂടെപ്പിറപ്പുകളാണുള്ളത്. 64 വയസുള്ള മുറേയുടെ പിതാവിന് 27 ഭാര്യമാരിൽ നിന്നായി 150 കുട്ടികളാണുള്ളത്. ബ്രിട്ടീഷ് കൊളംബിയയിലെ ബൗണ്ടിഫുളിലെ ബഹുഭാര്യത്വം പിന്തുണയ്ക്കുന്ന കുപ്രസിദ്ധമായ ലാറ്റർ ഡേ സെന്റ് മതഗ്രൂപ്പിന്റെ നേതാവാണ് 64 വയസുള്ള വിൻസ്റ്റൺ ബ്ലാക്ക്മോർ.



മുറെ വിൻസ്‌റ്റണിന്റെ 67മത് കുട്ടിയാണ്. സമൂഹ മാധ്യമങ്ങളിൽ സജീവമായ മുറെ വിൻസ്റ്റൺ ഒരു വിഡിയോയിൽ എങ്ങനെയാണ് പിതാവ് ഇത്രയും മക്കൾക്ക് പേരിട്ടത് എന്നും എങ്ങനെ പേരുകൾ ഓർത്തിരിക്കുന്നു എന്നും വ്യക്തമാക്കിയിട്ടിട്ടുണ്ട്. ഒരു വർഷം ജനിച്ച കുട്ടികൾക്കൊക്കെ ഒരേ ഇംഗ്ലീഷ് അക്ഷരങ്ങളിൽ ആരംഭിക്കുന്ന പേരുകളാണ് മാതാപിതാക്കൾ നല്കിയിരിക്കുന്നതത്രെ. ഉദാഹരണത്തിന് 2001ൽ ജനിച്ച മുറെ അടക്കമുള്ള 12 കുട്ടികളുടെ പേരുകൾ ആരംഭിക്കുന്നത് M എന്ന ഇംഗ്ലീഷ് അക്ഷരത്തിലാണ്. മുറെ ജനിച്ച വർഷം ആകെ 3 ആൺകുട്ടികളും 9 പെൺകുട്ടികൾക്കാണ് വിവിധ ഭാര്യമാരിൽ വിൻസ്റ്റൺ ബ്ലാക്ക്മോറിനുണ്ടായത്.

മുങ്ങിത്താഴുന്ന ‘സ്ത്രീയെ’ രക്ഷിച്ച് ഫയർഫോഴ്‌സ്… പക്ഷെ ട്വിസ്റ്റ്

സമാന രീതിയിൽ ഒരു വർഷം ജനിച്ച കുട്ടികൾക്കൊക്കെ R വാക്കിലും, മറ്റു വർഷങ്ങളിൽ ജനിച്ച കുട്ടികൾക്കൊക്കെ O,J എന്നീ വാക്കുകളിലൊക്കെ പേരുകൾ നൽകിയിട്ടുണ്ടത്രെ. തന്റെ 149 കൂടെപ്പിറപ്പുകളുടെയും പേര് അറിയാമെങ്കിലും ഒറ്റയടിക്ക് പറയാൻ ബുദ്ധിമുട്ടാണ് എന്ന് മുറെ പറയുന്നു.

കൂടെപ്പിറപ്പുകൾ എല്ലാവരുമായി ഊഷ്മളമായ ബന്ധമാണോ എന്ന ചോദ്യത്തിന് എല്ലാവരെയും അറിയാം എന്നും പക്ഷെ കുറച്ചു പേരോട് മാത്രമേ ആത്മബന്ധമുള്ളൂ എന്നും മുറെ പറയുന്നു. തന്റെ മാതാവിൽ മാത്രം 10 കുട്ടികൾ പിതാവിനുണ്ടെന്നും, അതുകൊണ്ട് തന്നെ നേരിട്ട് 9 കൂടപ്പിറപ്പുകൾ താന്നിക്കുണ്ട് എന്നും മുറെ പറഞ്ഞു.

നിരവധി സ്ത്രീകളുമായി ബന്ധം വേണം, സെക്‌സ് ഡോളുകൾ വാങ്ങിക്കൂട്ടി ഹെഫ്നർ

44 വയസുള്ള കക്ഷിയാണ് തന്റെ കൂടെപ്പിറപ്പുകളിൽ ഏറ്റവും മൂത്തത് എന്നും ഏറ്റവും ഇളയ കക്ഷിയ്ക്ക് ഒരു വയസ്സാവുന്നതേയുള്ളൂ. വലിയ കുടുംബത്തിൽ ഇനിയും കുട്ടികളെ പ്രതീക്ഷിക്കുനുണ്ട് എന്നും മുറെ പറഞ്ഞു. ” കുടുംബത്തിൽ മറ്റൊരു ഗർഭ വാർത്ത വന്നിട്ടുണ്ട്. ഇതോടെ എന്റെ സഹോദരങ്ങളുടെ എണ്ണം 151 ആയി ഉയരും. ഇത് അവസാനത്തേതാണോ എന്നെനിക്ക് ഉറപ്പില്ല”, മുറെ പറയുന്നു.