സ്ത്രീകളെ ശല്യം ചെയ്തു; യുവാവിനെ മൂത്രത്തില്‍ കുളിപ്പിച്ച് ചെരിപ്പുമാല അണിയിച്ച് നടത്തിച്ചു

ജയ്പുർ: സ്ത്രീകളെ ശല്യം ചെയ്തെന്ന് ആരോപിച്ച് യുവാവിനെ മർദ്ദിച്ച് മൂത്രത്തിൽ കുളിപ്പിച്ചു. രാജസ്ഥാനിലെ ഭിൽവാരയിൽ കഴിഞ്ഞ ശനിയാഴ്ചയാണ് സംഭവം. യുവാവിനെ ആക്രമിക്കുന്ന ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചതോടെയാണ് വിവരം പുറത്തായത്. മാധ്യമങ്ങളിൽ വാർത്തയെത്തിയെങ്കിലും പോലീസ് കേസെടുത്ത് അന്വേഷണം ആരംഭിച്ചോ എന്ന കാര്യത്തിൽ അവ്യക്തത തുടരുകയാണ്.



ഫോണും തോക്കും വാങ്ങാനെത്തി; സറ്റേറ്റ് ലെവൽ ഷൂട്ടർക്ക് പണത്തിന് പകരം കടലാസ് നൽകി കബളിപ്പിച്ചു

പരാതി ലഭിച്ചില്ലെന്ന വാദമാണ് പോലീസ് ഉയർത്തുന്നത്. ശനിയാഴ്ച വൈകിട്ട് ഗ്രാമത്തിലെ ഒരു വീട്ടിൽ അതിക്രമിച്ച് കയറിയ യുവാവ് സ്ത്രീയെ കടന്ന് പിടിക്കാൻ ശ്രമിച്ചെന്നാണ് ആരോപണം. സ്ത്രീ ബഹളം വെച്ചതോടെ കൂടുതൽ ആളുകൾ ഒത്തുകൂടുകയും യുവാവിനെ മർദ്ദിക്കുകയുമായിരുന്നു. മർദ്ദിച്ച് അവശനാക്കിയ ശേഷം മുഖത്ത് കരി ഓയിൽ ഒഴിക്കുകയും പാത്രത്തിലാക്കി കൊണ്ടുവന്ന മൂത്രം തലയിലൂടെ ശരീരത്തിൽ ഒഴിക്കുകയും ചെയ്തു. ഇതിന് ശേഷം ചെരിപ്പുമാല അണിയിച്ച് യുവാവിനെ ഗ്രാമത്തിലൂടെ നടത്തിച്ചു.

സംഭവത്തിൻ്റെ ദൃശ്യങ്ങൾ മൊബൈൽ ഫോണിൽ പകർത്തിയ പ്രദേശവാസികൾ സമൂഹമാധ്യമങ്ങളിലൂടെ വീഡിയോ പങ്കുവച്ചതോടെയാണ് വിവരം പുറത്തായത്. യുവാവ് മുൻപും സ്ത്രീകളോട് മോശമായി പെരുമാറിയിട്ടുണ്ടെന്ന ആരോപണവും പുറത്തുവന്നു.

ഇന്‍ഷുറന്‍സ് പണം തട്ടണം; ഒന്‍പത് വയസുകാരിയെ അമ്മയും രണ്ടാനച്ഛനും ചേർന്ന് കഴുത്തുഞെരിച്ച് കൊന്നു

ഗ്രാമവാസികളുടെ സഹായത്തോടെയാണ് യുവാവിനെ സ്ത്രീകൾ ആക്രമിച്ചതെന്നാണ് റിപ്പോർട്ട്. സംഭവത്തെക്കുറിച്ച് തനിക്കറിയില്ലെനും ആക്രമം നടക്കുമ്പോൾ ഗ്രാമത്തിന് പുറത്തായിരുന്നു എന്നുമാണ് ഗ്രാമമുഖ്യൻ വ്യക്തമാക്കുന്നത്. വീഡിയോ പുറത്തു വന്നിട്ടും കേസെടുക്കാത്ത പോലീസ് നടപടി ചോദ്യം ചെയ്യപ്പെടുന്നുണ്ട്.