പ്രമോഷന്‍ ചടങ്ങ് നടത്തിയതിന് മൂന്ന് ലക്ഷം പിഴ
രാജ്യത്ത് കൊവിഡ് പ്രതിരോധത്തിന്റെ ഭാഗമായുള്ള നിയന്ത്രണങ്ങള്‍ നിലനില്‍ക്കെയാണ് അവ ലംഘിച്ച് ആഘോഷപൂര്‍വം ഉദ്ഘാടന പരിപാടി സംഘടിപ്പിച്ചത്. തലസ്ഥാന നഗരമായ റിയാദിലാണ് ഉദ്ഘാടനം കഴിഞ്ഞ ഉടനെ കഫെ അടച്ചുപൂട്ടേണ്ടിവന്നത്. കഴിഞ്ഞയാഴ്ച സോഷ്യല്‍ മീഡിയ സെലിബ്രിറ്റികളെ പങ്കെടുപ്പിച്ച് തങ്ങളുടെ ഉല്‍പ്പന്നത്തിന്റെ പ്രൊമോഷന്‍ ക്യാംപയിന്‍ സംഘടിച്ച കമ്പനിക്കെതിരേ സൗദി അധികൃതര്‍ മൂന്ന് ലക്ഷം റിയാല്‍ പിഴ ചുമത്തിയിരുന്നു. ആരോഗ്യ സുരക്ഷാ മുന്‍കരുതലുകള്‍ ലംഘിച്ച് മാസ്‌ക് ധരിക്കാതെയും സാൂഹ്യ അകലം പാലിക്കാതെയും പാട്ടും നൃത്തവുമായിട്ടായിരുന്നു പരിപാടി. ഇതില്‍ പങ്കെടുത്ത സാമൂഹ്യ മാധ്യമ താരങ്ങള്‍ക്കെതിരേ നടപടിയെടുക്കുമെന്നും അധികൃതര്‍ അറിയിച്ചിരുന്നു.
പരിശോധന കര്‍ശനമാക്കി വാണിജ്യമന്ത്രാലയം
കൊവിഡ് വ്യാപനം തടയുന്നതിന്റെ ഭാഗമായി അധികൃതര്‍ വ്യാപാര സ്ഥാപനങ്ങളില്‍ വ്യാപകമായ പരിശോധന നടത്തുകയും പെരുമാറ്റച്ചട്ട ലംഘനങ്ങള്‍ക്കെതിരേ കടകള്‍ അടപ്പിക്കുന്നത് ഉള്‍പ്പെടെയുള്ള ശക്തമായ നടപടികള്‍ സ്വീകരിക്കുകയും ചെയ്യുന്നതിനിടയിലാണ് കൂടുതല്‍ ആളുകളെ പങ്കെടുപ്പിച്ച് സ്ഥാപനങ്ങള്‍ ചടങ്ങുകള്‍ നടത്തിയത്. ഉപഭോക്താക്കളുടെ എണ്ണം നിയന്ത്രിക്കാത്ത സ്ഥാപനങ്ങള്‍ക്കെതിരേ കര്‍ശന നടപടികള്‍ സ്വീകരിക്കുമെന്നും വാണിജ്യ മന്ത്രാലയം മുന്നറിയിപ്പ് നല്‍കി.
നിയന്ത്രണങ്ങള്‍ ലംഘിച്ചാല്‍ 10,000 റിയാല്‍ പിഴ
വ്യാപാര സ്ഥാപനങ്ങളില്‍ പ്രവേശിക്കുന്നതിന് മുമ്പായി ജീവനക്കാരുടെയും ഉപഭോക്താക്കളുടെ ശരീരോഷ്മാവ് പരിശോധിക്കണമെന്നാണ് നിബന്ധന. തവക്കല്‍നാ ആപ്പ് പരിശോധിച്ച് കൊവിഡ് ബാധിതനോ സമ്പര്‍ക്ക പട്ടികയില്‍ പെട്ടയാളോ അല്ലെന്ന് ഉറപ്പുവരുത്തുകുയം ചെയ്ത ശേഷമേ സ്ഥാപനങ്ങളിലേക്ക് പ്രവേശനം അനുവദിക്കാവൂ. അതോടൊപ്പം ഉപഭോക്താക്കള്‍ക്ക് മാസ്‌ക്കും സാനിറ്റൈസറും കൈയുറകളും ലഭ്യമാക്കണം. സാമൂഹ്യ അകലം സൂക്ഷിക്കുന്നത് ഉള്‍പ്പെടെയുള്ള മറ്റ് നിയന്ത്രണങ്ങളും പാലിക്കണം. ഇവ ലംഘിച്ചാല്‍ 10,000 റിയാലാണ് പിഴ. നിയമലംഘനം ആവര്‍ത്തിച്ചാല്‍ പിഴ ഇരട്ടിയാക്കുകയും സ്ഥാപനം അടച്ചുപൂട്ടുകയും ചെയ്യുമെന്നും വാണിജ്യ മന്ത്രാലയം മുന്നറിയിപ്പ് നല്‍കി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : saudi authorities said on thursday they had shut down and levied a fine of 60,000 riyals on a coffee shop in riyadh
Malayalam News from malayalam.samayam.com, TIL Network
