മടിയുണ്ടോ? ഇന്ന് നിങ്ങൾക്കുള്ള ദിവസമാണ്, അലസർക്കുള്ള ദിനം

അലസന്മാർക്കും ഒരു ദിവസമോ? എന്ന് ചിന്തിക്കല്ലേ. ലോകത്ത് എല്ലാത്തിനും ഒരു ദിവസം ഉള്ളപ്പോൾ മടിയുള്ളവർക്കും ഒരു ദിവസം മാറ്റിവച്ചാൽ എന്നതാണ് കുഴപ്പം. എല്ലാ വർഷവും ഓഗസ്റ്റ് 10 ആണ് അലസർക്കുള്ള ദിവസം (Lazy day) ആയി ആഘോഷിക്കുന്നത്. ഇന്നേ ദിവസം നിങ്ങൾക്ക് കിടക്കുന്ന ബെഡിൽ തന്നെ പുതച്ചുമൂടി വേണ്ടുവോളം ഉറങ്ങാം. ജോലിക്ക് പോവുക, വീട്ടുജോലികൾ ചെയ്യുക തുടങ്ങിയ എല്ലാ കാര്യങ്ങളിൽ നിന്നും ഒരു ബ്രേക്ക് എടുത്ത് ‘ചിൽ’ ചെയ്യാനുള്ള ദിവസമാണ് ഓഗസ്റ്റ് 10. വേണമെങ്കിൽ ഇഷ്ടപെട്ട ഭക്ഷണം ഓർഡർ ചെയ്തു വരുത്തുകയോ, ഒരു സ്പാ സന്ദർശിക്കുകയോ ഇന്ന് ചെയ്യാം.



എന്താണ് അലസർക്കുള്ള ദിവസം?

ഇടയ്ക്കിടക്ക് മടി പിടിച്ചിരിക്കുന്നത് ഒരു തരത്തിൽ നല്ലതാണ് എന്ന് നിങ്ങൾക്കറിയാമോ? മടിയന്മാർക്ക് നല്ല വിശ്രമം ലഭിക്കാനുള്ള സാധ്യത കൂടുതലാണ്. ആവശ്യത്തിന് ഉറക്കം ലഭിക്കുന്നതിന് നിരവധി ഗുണങ്ങളുണ്ട്. സമ്മർദ്ദം കുറയുന്നതിനും, ചെയ്യുന്ന കാര്യങ്ങളിൽ ശ്രദ്ധ ലഭിക്കുന്നതിനും, നല്ല ഓർമ്മശക്തിയ്ക്കും നല്ല ഉറക്കം അത്യാവശ്യമാണ്. ഉത്കണ്ഠ, വിഷാദം, രോഗങ്ങളെ ചെറുക്കാനുള്ള ശേഷിക്കുറവ്, ഹൃദ്രോഗം എന്നിവയ്ക്കെല്ലാം ഒരു പ്രധാന കാരണം ഉറക്കകുറവാണ്.

7 കിലോഗ്രാം സദ്യ, 1 മണിക്കൂറിൽ കഴിക്കണം! വെല്ലുവിളി ഏറ്റെടുക്കുന്നോ?

അൽപ്പം അലസനാവാനുള്ള ഒരു പ്രവണതയുണ്ടെങ്കിൽ അത് തെറ്റില്ല. ഇടയ്ക്കിടെ ഒരു ഇടവേള എടുത്ത് ഒരു പ്ലാനും ഇല്ലാതെ അലസനായിരിക്കാൻ നിങ്ങളെ തന്നെ അനുവദിക്കുന്നത് നിങ്ങളുടെ ശരീരത്തിന് നവോന്മേഷം നൽകും (ചിലരുടെ കാര്യത്തിൽ). ഒരുപാട് ജോലി ചെയ്യുന്നവർ ആണെങ്കിൽ തീർച്ചയായും ഇത്തരത്തിലുള്ള ‘മടി ഇടവേളകൾ’ കണ്ടെത്തണം.

മറ്റൊരു രസകരമായ കണ്ടുപിടുത്തം മടിയന്മാർ യഥാർത്ഥത്തിൽ ചെയ്യുന്ന കാര്യത്തിൽ കൂടുതൽ ശ്രദ്ധ പുലർത്തുന്നവർ ആണെന്നുള്ളതാണ്. തെറ്റിദ്ധരിക്കേണ്ട! മടിയുള്ളവർക്ക് ഒരു ജോലി കൊടുത്താൽ എത്രയും വേഗം അത് തീർത്ത് വെറുതെ ഇരിക്കാനാവും അവർ ശ്രമിക്കുക. ഇത് തന്നെ ഗുട്ടൻസ്. മാത്രമല്ല ജോലി ശരിയായി ചെയ്തില്ലെങ്കിൽ വീണ്ടും ചെയ്യേണ്ടി വരുമല്ലോ എന്ന പേടിയിൽ ആദ്യ തവണതന്നെ പരമാവധി കൃത്യമായി ഒരു ജോലി ചെയ്യാൻ അവർ ശ്രമിക്കും.

ഹോട്ടൽ ടോയ്‌ലറ്റിൽ ഭർത്താവിരുന്നത് 45 മിനുട്ട്! സഹികെട്ട ഭാര്യ ചെയ്തത്

അലസരായ ആളുകൾക്ക് അവരുടെ ദീർഘകാല ലക്ഷ്യങ്ങളിൽ കൂടുതൽ ശ്രദ്ധയുണ്ടെന്നും വിശ്വസിക്കപ്പെടുന്നു. ദീർഘകാലത്തേയും ഭാവിയേയും കുറിച്ചുള്ള നമ്മുടെ ലക്ഷ്യങ്ങളെക്കുറിച്ച് ചിന്തിക്കാൻ അലസർക്ക് സമയം ഏറെയുണ്ട്. അതിനാൽ, നിങ്ങളുടെ മനസ്സിന് ആവശ്യമായ ഒരു ഇടവേള നിങ്ങൾ നൽകുകയാണെങ്കിൽ, അത് ഭാവി ആസൂത്രണം ചെയ്യുന്നതിനും ലക്ഷ്യം ക്രമീകരിക്കുന്നതിനും കാരണമാവും.

അലസന്മാർക്കുള്ള ദിവസത്തിന്റെ ചരിത്രം

അലസതയുടെ ദിനത്തിന്റെ സ്ഥാപകർ ആരാണ് എന്നുള്ളത് അജ്ഞാതമാണ്. ദൈനംദിന സമ്മർദ്ദത്തിൽ നിന്ന് രക്ഷപ്പെടാനുള്ള അവസരമായി ആരുടെയോ തലയിൽ ഉദിച്ച ഒരു ഉപായമാണ് അലസർക്കുള്ള ദിവസം. അതിനാൽ ഈ ദിവസം കട്ടിലിൽ കിടക്കുക, നിങ്ങളുടെ ടിവി റിമോട്ട് കൺട്രോളിന് കുറച്ച് വ്യായാമം നൽകുക, നന്നായി വിശ്രമം ആസ്വദിക്കുക.

അലസന്മാർക്കുള്ള ദിവസം എങ്ങനെ ആഘോഷിക്കാം?

ഈ ദിവസം ആഘോഷിക്കാനുള്ള ഏറ്റവും നല്ല മാർഗം അലസതയാണ്. സോഫയിൽ വിശ്രമിക്കാനും ഒന്നും ചെയ്യാതെ ദിവസം ചെലവഴിക്കാനുമുള്ള നിങ്ങളുടെ മികച്ച അവസരമാണിത്. ഇത് ചെയ്യുന്നതിൽ നിങ്ങൾക്ക് കുറ്റബോധം തോന്നേണ്ടതില്ല. ഇന്നേ ദിവസം മാത്രം. നിങ്ങളുടെ പ്രിയപ്പെട്ട ടെലിവിഷൻ പരിപാടികൾ കാണാനും ദിവസം മുഴുവൻ ലഘുഭക്ഷണം കഴിക്കാനും ഇന്നേ ദിവസം ചിലവിടാം. അല്ലെങ്കിൽ ഒരു വെറൈറ്റി ഭക്ഷണം ട്രൈ ചെയ്യാം. അല്ലെങ്കിൽ ഇന്ന് ഇഷ്ടം പോലെ ഉറങ്ങാം. അതുമല്ലെങ്കിൽ നിങ്ങൾ കുറച്ചുകാലമായി കാണാൻ ആഗ്രഹിക്കുന്ന ടിവി പരമ്പരകൾ, സിനിമ കാണുന്നതിന് ഇന്നേ ദിവസം ഉപയോഗിക്കാം. ഏറ്റവും പ്രധാനം ഇന്ന് നിങ്ങൾ കുറച്ച് സമാധാനവും ശാന്തതയും നേടാൻ ശ്രമിക്കണം.