ഹൈലൈറ്റ്:
- നേരിട്ടുള്ള ക്ലാസുകള്‍ പുനരാരംഭിക്കാന്‍ സൗദി.
- ഓഗസ്റ്റ് ഒന്നിന് മുമ്പ് വാക്‌സിന്‍ എടുക്കാന്‍ അധ്യാപകർക്ക് നിർദേശം.
- കൊവിഡ് വ്യാപനത്തിൻ്റെ തോത് കുറയുന്ന സാഹചര്യത്തിലാണ് നടപടി.
17 വയസുള്ള പെണ്‍കുട്ടികള്‍ക്കും താല്‍ക്കാലിക ഡ്രൈവിംഗ് ലൈസന്‍സ്; പ്രഖ്യാപനവുമായി സൗദി
വാക്‌സിനെടുത്തവരുടെ പട്ടിക തയ്യാറാക്കുന്നു
വിദ്യാലയങ്ങളില്‍ വാക്‌സിനെടുത്ത ജീവനക്കാര്‍ക്ക് മാത്രമായിരിക്കും പ്രവേശനം നല്‍കുകയെന്ന് മന്ത്രാലയം അറിയിച്ചു. ഇത് ഉറപ്പുവരുത്തുന്നതിനായി ഇതിനകം വാക്‌സിനെടുത്ത ജീവനക്കാരുടെ പട്ടിക അധികൃതര്‍ തയ്യാറാക്കി വരികയാണ്. ഇതിനായി ഓരോ വിദ്യാലയത്തിലെയും വാക്‌സിനെടുത്ത ജീവനക്കാരുടെ വിവരങ്ങള്‍ കൈമാറണമെന്നാവശ്യപ്പെട്ട് വിദ്യാഭ്യാസ മന്ത്രാലയം ബന്ധപ്പെട്ടവര്‍ക്ക് സര്‍ക്കുലര്‍ അയച്ചതായി പ്രാദേശിക ദിനപ്പത്രം റിപ്പോര്‍ട്ട് ചെയ്തു. വിദ്യാഭ്യാസ സ്ഥാപനങ്ങളിലെ ജീവനക്കാര്‍ക്ക് വാക്‌സിന്‍ എടുക്കുന്നതിനായി വാക്‌സിനേഷന്‍ വെബ്‌സൈറ്റില്‍ പ്രത്യേക ലിങ്ക് നല്‍കിയിരുന്നു. ഇവര്‍ക്ക് മുന്‍ഗണനാ ക്രമത്തില്‍ വാക്‌സിന്‍ ലഭ്യമാക്കുന്നതിന് വേണ്ടി വിദ്യാഭ്യാസ മന്ത്രിയുടെ നിര്‍ദേശപ്രകാരമായിരുന്നു നടപടി. ഓഗസ്റ്റ് അവസാനത്തോടെയാണ് സൗദിയില്‍ പുതിയ അക്കാദമിക വര്‍ഷം ആരംഭിക്കുക. വാക്സിനെടുത്തോ എന്ന കാര്യം തവക്കല്‍നാ, തബവ്വുദ് എന്നീ മൊബൈല്‍ ആപ്പുകള്‍ വഴി പരിശോധിച്ച് ശേഷം മാത്രമേ പ്രവേശനം അനുവദിക്കൂ.
ഹജ്ജ്, ഉംറ സേവനം; ഖത്തറില്‍ എട്ട് ട്രാവല്‍സുകള്‍ക്ക് അനുമതി
പുതിയ അധ്യയന വര്‍ഷത്തില്‍ മാറ്റങ്ങളേറെവന്‍ മാറ്റങ്ങളോടെയാണ് സൗദിയില്‍ പുതിയ അധ്യയന വര്‍ഷം ആരംഭിക്കുന്നത്. നിലവിലെ രണ്ടു സെമസ്റ്ററുകള്‍ക്കു പകരം സെമസ്റ്ററുകളുടെ എണ്ണം മൂന്നാക്കി മാറ്റുന്നത് ഉള്‍പ്പെടെയുള്ള കാതലായ പരിഷ്‌ക്കാരങ്ങള്‍ വരുത്തുമെന്ന് കഴിഞ്ഞ ദിവസം വിദ്യാഭ്യാസ മന്ത്രി ഡോ. ഹമദ് ബിന്‍ മുഹമ്മദ് ആലുശൈഖ് അറിയിച്ചിരുന്നു. ഓരോ സെമസ്റ്ററിൻ്റെയും ദൈര്‍ഘ്യം 13 ആഴ്ച വീതമാക്കും. ഓരോ സെമസ്റ്ററിനുമിടയില്‍ ഒരാഴ്ച നീളുന്ന അവധിയും ഉണ്ടാകും. ഓഗസ്റ്റ് 30 ന് ആരംഭിച്ച് ജൂലൈ ഒന്നിന് അവസാനിക്കുന്ന രീതിയിലായിരിക്കും അധ്യയന വര്‍ഷം ക്രമപ്പെടുത്തുക. അതോടൊപ്പം പുതിയ വിഷയങ്ങള്‍ പാഠ്യപദ്ധതിയില്‍ ഉള്‍പ്പെടുത്തും. ഒന്നാം ഗ്രേഡ് മുതല്‍ തന്നെ ആണ്‍കുട്ടികള്‍ക്കും പെണ്‍കുട്ടികള്‍ക്കും ഇംഗ്ലീഷിനൊപ്പം കായിക വിദ്യാഭ്യാസവും സ്വയം പ്രതിരോധ കഴിവുകളും അഭ്യസിപ്പിക്കും. നാലാം ഗ്രേഡ് മുതല്‍ അപ്ലൈഡ് ഡിജിറ്റല്‍ സ്‌കില്ലുകള്‍ പാഠ്യപദ്ധതിയുടെ ഭാഗമായി ഉള്‍പ്പെടുത്താനും തീരുമാനമുണ്ട്.
കെഎസ്ആര്‍ടിസിയുടെ മുഖം മിനുക്കാന്‍ പുതിയ പദ്ധതി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : ministry of education started work for resuming classes in saudi arabia
Malayalam News from malayalam.samayam.com, TIL Network
