ഹൈലൈറ്റ്:
- ഖത്തറിനോട് പൊരുതി കീഴടങ്ങി ഇന്ത്യ.
- ഖത്തറിന് വേണ്ടി അബ്ദുല്‍ അസീസ് ഹാതിമാണ് അവസാന ഗോൾ നേടിയത്.
- ഗംഭീര പ്രകടനവുമായി ഇന്ത്യന്‍ ഗോള്‍ കീപ്പര്‍ ഗുര്‍പ്രീത് സിങ് സന്ദു.
17-ാം മിനിറ്റില്‍ പ്രതിരോധ നിരയിലെ രാഹുല്‍ ബെകെ ചുവപ്പ് കാര്‍ഡ് കണ്ട് പുറത്തായതിനാല്‍ 10 പേരുമായാണ് അവസാനം വരെ പൊരുതിയത്. ഒരു തവണ ഒഴിച്ചാല്‍ ഖത്തറിന്റെ മൂര്‍ച്ചയേറിയ ആക്രമണങ്ങളെ മികച്ച രീതിയില്‍ പ്രതിരോധിക്കാന്‍ ഇന്ത്യയ്ക്ക് സാധിച്ചു.
ഖത്തറിലെത്തുന്ന യാത്രക്കാരെ സൗജന്യ റാന്‍ഡം ടെസ്റ്റിന് വിധേയരാക്കും
ഏഷ്യന്‍ ചാംപ്യന്‍മാരായ ഖത്തറിനോട് അവസാനം വരെ പൊരുതി നിന്ന സുനില്‍ ഛെത്രിയുടെ നേതൃത്വത്തിലുള്ള ഇന്ത്യന്‍ ടീമിന് കാണികളില്‍ നിന്ന് നല്ല കൈയടിയാണ് ലഭിച്ചത്. മത്സരത്തിന്റെ 74 ശതമാനം സമയവും ഖത്തറിന്റെ കൈയിലായിരുന്നു പന്ത്. ഇന്ത്യന്‍ പോസ്റ്റിലേക്ക് ഖത്തര്‍ 37 ഷോട്ടുകള്‍ പായിച്ചപ്പോള്‍ ഇന്ത്യക്ക് ആകെ ഒരു തവണ മാത്രമാണ് പോസ്റ്റിലേക്ക് ഷോട്ട് ഉതിര്‍ക്കാന്‍ സാധിച്ചത്. കളിയുടെ മിക്കവാറും സമയങ്ങളില്‍ ഖത്തറിന്റെ എട്ടോളം കളിക്കാന്‍ ഇന്ത്യന്‍ പകുതിയിലായിരുന്നു ഉണ്ടായിരുന്നതെങ്കിലും പ്രതിരോധ നിരയും ഗോള്‍ കീപ്പറും ചേര്‍ന്ന് അവരുടെ ആക്രമണങ്ങളുടെ മുനയൊടിക്കുകയായിരുന്നു. ഇന്ത്യയ്ക്കു വേണ്ടി മന്‍വീര്‍ സിംഗിൻ്റെ നേതൃത്വത്തില്‍ നടന്ന രണ്ട് മികച്ച നീക്കങ്ങള്‍ പക്ഷെ ഗോളാക്കാനായില്ല. കൊവിഡ് മുക്തനായി ടീമില്‍ തിരിച്ചെത്തിയ ക്യാപ്റ്റന്‍ സുനില്‍ ഛെത്രിക്കു പകരം രണ്ടാം പകുതിയില്‍ ഉദന്ത സിംഗാണ് കളിച്ചത്.
ഹജ്ജ്, ഉംറ സേവനം; ഖത്തറില്‍ എട്ട് ട്രാവല്‍സുകള്‍ക്ക് അനുമതി
2019 ല്‍ നടന്ന ആദ്യപാദ മത്സരത്തില്‍ ഗോള്‍ രഹിത സമനിലയില്‍ ഖത്തറിനെ പിടിച്ചു നിര്‍ത്താന്‍ ഇന്ത്യയ്ക്ക് സാധിച്ചിരുന്നു. നിലവില്‍ ആറു മല്‍സരങ്ങള്‍ കളിച്ച ഇന്ത്യ മൂന്ന് പോയിന്റുമായി ഇ ഗ്രൂപ്പില്‍ നാലാം സ്ഥാനത്താണ്. 30 ശതമാനം കാണികളുമായാണ് ജാസിം ബിന്‍ ഹമദ് സ്റ്റേഡിയത്തില്‍ ഇന്ത്യ-ഖത്തര്‍ മല്‍സരം നടന്നത്. മലയാളികള്‍ ഉള്‍പ്പെടെ ഇന്ത്യക്കാരായ നിരവധി പേര്‍ കളി കാണാനെത്തിയിരുന്നു. അതുകൊണ്ട് തന്നെ ഇന്ത്യന്‍ ടീമിന് ഗ്യാലറി പിന്തുണ ഒരു ഘട്ടത്തിലും കുറഞ്ഞില്ല.
കെഎസ്ആര്‍ടിസിയുടെ മുഖം മിനുക്കാന്‍ പുതിയ പദ്ധതി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : world cup qualifying round match india lose to qatar
Malayalam News from malayalam.samayam.com, TIL Network
