സിബിഐയിൽ നിന്ന് ‘ജീന്‍സും ടിഷര്‍ട്ടും’ പുറത്ത്; വിലക്കേർപ്പെടുത്തി ഡയറക്‌ടർ

ന്യൂഡൽഹി: ഉദ്യോഗസ്ഥരുടെ വസ്‌ത്രധാരണത്തിൽ പുതിയ നിർദേശങ്ങളുമായി സെൻട്രൽ ബ്യൂറോ ഇൻവെസ്‌റ്റിഗേഷൻ (സി.ബി.ഐ) ഡയറക്‌ടർ. പുരുഷന്മാർക്കും വനിത ജീവനക്കാർക്കും നിർദേശം ബാധകമായിരിക്കും. ഡ്യൂട്ടിയിൽ ഔദ്യോഗിക സ്വഭവമുള്ള വസ്‌ത്രങ്ങൾ ധരിച്ചാൽ മതിയെന്ന് ഡയറക്‌ടർ സുബോദ് കുമാർ ജയ്‌സ്വാൾ വ്യക്തമാക്കി.

5ജി നെറ്റ്‌വർക്ക്; ജൂഹി ചൗളയ്ക്ക് 20 ലക്ഷം രൂപ പിഴ ശിക്ഷ, ഹർജി തള്ളി ഹൈക്കോടതി

ജീൻസ്, ടി – ഷർട്ട്, സ്‌പോട്‌സ് ഷൂസ് എന്നീ വസ്‌ത്രങ്ങൾ ഇനിമുതൽ പുരുഷന്മാർ ധരിക്കാൻ പാടില്ല. ഷർട്ട്, ഫോർമൽ പാൻ്റ്സ്, ഷൂസ് എന്നിവ മാത്രമേ ധരിക്കാൻ അനുവാദമുള്ളൂ. സാരി, സ്യൂട്ട്, ഫോർമൽ ഷർട്ട്, പാൻ്റ്സ് തുടങ്ങിയവ മാത്രമേ വനിതാ ഉദ്യോഗസ്ഥർ ധരിക്കാൻ പാടുള്ളൂവെന്നും ഡറയ്‌കർടർ നിർദേശിച്ചതായി ഒരു ദേശീയ മാധ്യമം റിപ്പോർട്ട് ചെയ്‌തു.

ജീൻസ്, ടി – ഷർട്ട്, സ്‌പോട്‌സ് ഷൂസ്, ചപ്പൽ എന്നിവ ഉപയോഗിക്കുന്നതിൽ വനിത ഉദ്യോഗസ്ഥർക്കും വിലക്കുണ്ട്. പുരുഷന്മാർ മുഖം ഷേവ് ചെയ്‌തിരിക്കണം. പുതിയ നിർദേശം രാജ്യത്തെ എല്ലാ സിബിഐ ഉദ്യോഗസ്ഥർക്കും ബാധകമാണ്. നിർദേശത്തിൽ വീഴ്‌ചകൾ സംഭവിക്കുന്നുണ്ടോ എന്ന് പരിശോധിക്കെണ്ടത് ബ്രാഞ്ച് മേധാവികളുടെ ഉത്തരവാദിത്തമാണെന്നും ഉത്തരവിൽ വ്യക്തമാക്കുന്നുണ്ട്.

വസ്‌ത്രധാരണത്തിൽ നൽകിയത് പുതിയ നിർദേശങ്ങൾ അല്ലെന്നും നിലവിലുണ്ടായിരുന്ന നിർദേശം അദ്ദേഹം കർശനമാക്കുകയാണ് ചെയ്‌തതെന്നും ഉദ്യോഗസ്ഥർ പറയുന്നുണ്ട്. കഴിഞ്ഞ കുറച്ച് കാലമായി ഉദ്യോഗസ്ഥർ ടി – ഷർട്ട് അടക്കമുള്ള വസ്‌ത്രങ്ങൾ ധരിച്ച് ഓഫീസിലും ഡ്യൂട്ടിയിലും എത്തുന്നത് പതിവാണ്. ഇതേത്തുടർന്നാണ് പുതിയ നിർദേശമെന്നും ഇവർ വ്യക്തമാക്കുന്നുണ്ട്.

ആശ്വസമായി കൊവിഡ് മുക്തി നിരക്ക്; 5 സംസ്ഥാനങ്ങളിൽ 66 ശതമാനം കേസുകൾ, 257 ജില്ലകളിൽ പ്രതിദിനം നൂറിലധികം രോഗബാധ

സിബിഐയുടെ 33മത്തെ ഡയറക്‌ടറാണ് സുബോധ് കുമാർ ജയ്‌സ്വാൾ. 1985 ബാച്ച് മഹാരാഷ്ട്ര കേഡർ ഐപിഎസ് ഉദ്യോഗസ്ഥനായ അദ്ദേഹത്തിന് സിബിഐയിൽ പ്രവർത്തിച്ച് പരിചയമില്ല. ഇന്ത്യൻ രഹസ്യാന്വേഷണ ഏജൻസിയായ റോയിൽ പത്ത് വർഷം സേവനം ചെയ്‌ത വ്യക്തികൂടിയാണ് സുബോധ് കുമാർ ജയ്‌സ്വാൾ.