റഷ്യ വികസിപ്പിച്ച സ്പുട്നിക് 5 വാക്സിൻ വിവിധ നിര്‍മാതാക്കളുടെ സഹകരണത്തോടെ ഇന്ത്യയിൽ വ്യാവസായികാടിസ്ഥാനത്തിൽ നിര്‍മിക്കാനാണ് പദ്ധതിയിടുന്നത്.
സിറം ഇൻസ്റ്റിറ്റ്യൂട്ട് ഓഫ് ഇന്ത്യ Photo: BCCL/File
സ്പുട്നിക് 5 വാക്സിൻ നിര്‍മിക്കാനുള്ള ആദ്യഘട്ട അനുമതിയാണ് ലഭിച്ചിരിക്കുന്നതെന്നും എന്നാൽ വാക്സിൻ നിര്‍മാണം ആരംഭിക്കാൻ മാസങ്ങളെടുത്തേക്കുമെന്നും സിറം ഇൻസ്റ്റിറ്റ്യൂട്ട് വക്താവ് പറഞ്ഞതായി വാര്‍ത്താ ചാനലായ എൻഡിടിവി റിപ്പോര്‍ട്ട് ചെയ്തു. നിലവിലെ ശ്രദ്ധ കൊവിഷീൽഡ്, കൊവോവാക്സ് എന്നീ വാക്സിനുകള്‍ ഉത്പാദിപ്പിക്കുന്നതിലാണെന്നും അവര്‍ അറിയിച്ചു.
Also Read: അന്വേഷണസംഘം കോന്നിയിലും; കുഴൽപ്പണക്കേസിൽ സുരേന്ദ്രൻ്റെ സെക്രട്ടറിയെ ഇന്നു ചോദ്യം ചെയ്യും
മെയ് 14 ഡോ. റെഡ്ഡീസ് ലബോറട്ടറീസിൻ്റെ നേതൃത്വവത്തിൽ ഇന്ത്യയിൽ ആദ്യമായി സ്പുട്നിക് വാക്സിൻ കുത്തിവെച്ചിരുന്നു. റഷ്യയിൽ നിന്ന് നേരിട്ട് ഇറക്കുമതി ചെയ്ത 30 ലക്ഷത്തോളം ഡോസ് സ്പുട്നിക് വാക്സിനാണ് നിലവിൽ ഇന്ത്യയിലുള്ളത്. വരുംമാസങ്ങളിൽ ഇന്ത്യയിൽ വാക്സിൻ വ്യാവസായികാടിസ്ഥാനത്തിൽ ഉത്പാദിപ്പിക്കാനാണ് പദ്ധതി. 65 രാജ്യങ്ങള്‍ സ്പുട്നിക് വാക്സിൻ അംഗീകരിച്ചിട്ടുണ്ടെങ്കിലും റഷ്യയുടെ ആദ്യ വാക്സിൻ ഇതുവരെ യൂറോപ്യൻ യൂണിയനോ യുഎസോ അംഗീകരിച്ചിട്ടില്ല.
Also Read: 40 കഴിഞ്ഞവർക്ക് മുൻഗണനയില്ലാതെ വാക്സിൻ നൽകും; നിർദേശവുമായി ആരോഗ്യമന്ത്രി വീണാ ജോർജ്
91.6 ശതമാനം ഫലപ്രാപ്തിയുള്ള സ്പുട്നിക് വാക്സിൻ ഇന്ത്യയിൽ ഏറ്റവുമധികം ഉപയോഗിക്കുന്ന കൊവിഷീൽഡ് വാക്സിനെക്കാള്‍ മികച്ചതാണെന്നാണ് വിലയിരുത്തൽ. വാക്സിൻ രണ്ട് ഡോസ് സ്വീകരിച്ചാൽ ലക്ഷണങ്ങളോടു കൂടിയ കൊവിഡ് 19നെ പ്രതിരോധിക്കാൻ 90 ശതമാനത്തിലധികം സാധ്യതയുണ്ടെന്ന് ലാൻസറ്റ് ജേണലിൽ പ്രസിദ്ധീകരിച്ച ലേഖനത്തിൽ പറയുന്നു.
ഇതിനിടെ സ്പുട്നിക് വാക്സിൻ്റെ ഒറ്റ ഡോസ് വകഭേദമായ സ്പുട്നിക് ലൈറ്റ് വാക്സിനും ഉടൻ ഇന്ത്യയിലെത്തും. ഇന്ത്യയിൽ വിതരണത്തിനെത്തുന്ന ആദ്യ ഒറ്റ ഡോസ് കൊവിഡ് 19 വാക്സിനാണിത്. വിഷയത്തിൽ ഡോ. റെഡ്ഡീസും കേന്ദ്രസര്‍ക്കാരും തമ്മിൽ ചര്‍ച്ചകള്‍ തുടരുകയാണ്.
ചെറുവത്തൂരിൽ എത്തുന്നവര്‍ വിശന്നിരിക്കില്ല;പൊതിച്ചോറുമായി കാവുഞ്ഞി ഹാജിയും കുടുംബവുമുണ്ട്!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : dcgi preliminary nod for serum institute of india to produce russian sputnik v vaccine for covid 19
Malayalam News from malayalam.samayam.com, TIL Network
