ജയിലിലേക്ക് മടങ്ങാൻ ആഗ്രഹം; മോദിയെ കൊല്ലുമെന്ന് ഭീഷണി, ജാമ്യത്തിലിറങ്ങിയ യുവാവ് വീണ്ടും അറസ്റ്റിൽ

ന്യൂഡല്‍ഹി: പ്രധാനമന്ത്രി നരേന്ദ്ര മോദിയെ കൊല്ലുമെന്ന് ഭീഷണിപ്പെടുത്തിയ 22കാരൻ അറസ്റ്റിൽ. ഡൽഹി ഖജുരി ഖാസ് സ്വദേശിയാണ് പ്രധാനമന്ത്രിയെ കൊല്ലുമെന്ന് പോലീസിനെ ഫോൺ വിളിച്ച് ഭീഷണിപ്പെടുത്തിയത്. യുവാവ് അടുത്തിടെയാണ് ജയിലിൽ നിന്ന് ജാമ്യത്തിലിറങ്ങിയതെന്നാണ് ഇംഗ്ലീഷ് വാർത്താ ചാനാലയ ഇന്ത്യാ ടുഡേ റിപ്പോർട്ട് ചെയ്യുന്നത്.

സൽമാൻ എന്ന യുവാവാണ് മോദിയ്ക്കെതിരെ വധഭീഷണി മുഴക്കിയത്. കഴിഞ്ഞദിവസം രാത്രി പോലീസ് സ്റ്റേഷനിലേക്ക് ഫോൺ ചെയ്ത യുവാവ് തനിക്ക് മോദിയെ കൊല്ലണമെന്ന് പറയുകയായിരുന്നു. തുടര്‍ന്ന് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞതും ചോദ്യം ചെയ്യാനായി സ്റ്റേഷനിലേക്ക് എത്തിക്കുന്നതും.

Also Read : സുരേന്ദ്രന്റെ ഹെലികോപ്റ്ററിൽ നിന്നും കാറിലേക്ക് മാറ്റിയ ബാഗുകളിൽ എന്താണ്? ചോദ്യവുമായി കോൺഗ്രസ്



ചോദ്യം ചെയ്യലിനിടെയാണ് ജയിലിൽ പോകാൻ ആഗ്രഹിക്കുന്നതിനാലാണ് താൻ ഭീഷണി ഫോൺ കോൾ ചെയ്തതെന്ന് സൽമാൻ പറയുന്നത്. ഇയാള്‍ നിരവധി കേസുകളില്‍ പ്രതിയാണെന്നാണ് പോലീസ് പറയുന്നത്.

Also Read : വിജിലൻസ് വന്നത് റെയ്ഡിനല്ല, അഴിമതി നടന്നിട്ടുണ്ട്, താൻ നിരപരാധി: അബ്ദുള്ളക്കുട്ടി



‘നിരവധിക്കേസുകളിൽ പ്രതിയായ സൽമാൻ അടുത്തിടെയാണ് ജാമ്യത്തിലിറങ്ങിയത്. ജയിലിലേക്ക് മടങ്ങിപ്പോകുന്നതിനായാണ് പ്രധാനമന്ത്രിയെ കൊല്ലുമെന്ന് ഭീഷണിപ്പെടുത്തിയത്’ പോലീസ് പറഞ്ഞു. അതേസമയം പ്രധാനമന്ത്രിക്കെതിരായ വധഭീഷണിയുമായി ബന്ധപ്പെട്ട് രഹസ്യാന്വേഷണ വിഭാഗം ഇയാളെ ചോദ്യം ചെയ്യുമെന്നും വൃത്തങ്ങളെ ഉദ്ധരിച്ച് ഇന്ത്യാ ടുഡേ റിപ്പോർട്ട് ചെയ്യുന്നു.