പാഴ്‌വസ്തുക്കൾ ശേഖരിച്ച് വിൽക്കും, കിടിലം ഇംഗ്ലീഷിൽ സംസാരവും! സിസിലിയ ഹീറോയാണ്

Don’t judge a book by its cover, ഇംഗ്ലീഷിലെ ഈ പഴഞ്ചൊല്ല് അർത്ഥമാക്കുന്നത് ഒരാളുടെ രൂപമോ വസ്ത്രധാരണമോ കണ്ട് ആ വ്യക്തി ഇങ്ങനെയാണ് എന്ന് വിധിക്കരുത് എന്നാണ്. ബംഗളുരുവിലെ തെരുവുകളിൽ ഒരു പക്ഷെ നിങ്ങൾ കണ്ടുമുട്ടിയേക്കാവുന്ന സിസിലിയ മാർഗരറ്റ് ലോറൻസ് എന്നെ പ്രായമുള്ള സ്ത്രീയുടെ കാര്യത്തിൽ ഈ പഴഞ്ചൊല്ല് നൂറ് ശതമാനം അർത്ഥവത്താണ്.



പാഴ്‌വസ്തുക്കൾ ശേഖരിച്ച് വിട്ടു ഉപജീവനം നടത്തുന്ന സിസിലിയ മാർഗരറ്റ് ലോറൻസ് സംസാരിക്കുന്ന ഇംഗ്ലീഷ് കേട്ടാൽ ഒരു പക്ഷെ ഇംഗ്ലീഷിൽ പ്രാവീണ്യമുണ്ട് എന്ന് ഊറ്റം കൊള്ളുന്ന നമ്മളിൽ പലരും മാറി നിൽക്കേണ്ടി വരും. ഷചിന ഹെഗ്ഗർ എന്ന് പേരുള്ള ഇൻസ്റ്റാഗ്രാം അക്കൗണ്ട് ഉടമയാണ് സിസിലിയ മാർഗരറ്റ് ലോറൻസിനെ വഴിയിൽ വച്ച് കണ്ടത്. സംസാരിച്ചപ്പോൾ കിടിലൻ ഇംഗ്ലീഷ്. 2007 മുതൽ ഏഴ് വർഷം ജപ്പാനിൽ ബൈബിൾ കോളേജിൽ പഠിച്ച വ്യക്തിയാണ് താൻ എന്ന് സിസിലിയ ഷചിനയോട് പറയുന്നുണ്ട്.

തെരുവിൽ അലഞ്ഞ് നടന്ന് ചൈനീസ് വ്യവസായി വീട്ടിൽ വളർത്തുന്ന സിംഹം, വീഡിയോ

“അവൾ പ്ലാസ്റ്റിക് ശേഖരിക്കുകയായിരുന്നു, ഞാൻ അവരെ തടഞ്ഞപ്പോൾ അവൾ പള്ളി തൂത്തുവാരുകയും പ്ലാസ്റ്റിക് ശേഖരിക്കുകയും വിൽക്കുകയും ചെയ്യുകയാണ്” എന്ന് പറഞ്ഞതായി ഷചിന വെളിപ്പെടുത്തുന്നു. ഒറ്റക്കാണോ ജീവിക്കുന്നത് എന്ന ഷചിനയുടെ ചോദ്യത്തിന് നെഞ്ചിൽ സൂക്ഷിച്ച മറിയത്തിന്റെ ചിത്രം കാണിച്ചാണ് താൻ ഒരിക്കലും തനിച്ചാവില്ല എന്ന് മറുപടി. ബംഗളുരുവിലെ ഹോളി ഗോസ്റ്റ് പള്ളിയിൽ പോകുന്നവർക്ക് സുപരിചിതയാണ് സിസിലിയ.

അഞ്ച് വർഷത്തിനിടെ 335 സ്ത്രീകളുമായി ‘ഡേറ്റിങ്’, ലക്‌ഷ്യം 365! ശ്രദ്ധ നേടി തമിഴ് നടൻ

“കഥകൾ എപ്പോഴും നിങ്ങൾക്ക് ചുറ്റുമുണ്ട്. നിങ്ങൾ നിർത്തി ചുറ്റും നോക്കിയാൽ മതി. ചില മനോഹരവും വേദനാജനകവും, കുറച്ച് പൂക്കളില്ലാത്ത എന്ത് ജീവിതം,” എന്ന കുറിപ്പുമായാണ് ഷചിന ഇൻസ്റ്റാഗ്രാമിൽ സിസിലിയയുടെ വീഡിയോ പോസ്റ്റ് ചെയ്തത്. വൈറലായ വിഡിയോയിൽ ഷചിനയുമായി സംഭാഷണത്തിനിടെ സിസിലിയ ഒരു മനോഹരമായ ഗാനം ആലപിക്കുന്നതും കേൾക്കാം.