ടോക്കിയോ ഒളിംപിക്സിൽ നേടിയ വെള്ളിമെഡൽ ലേലത്തിന് വച്ച് പോളിഷ് ജാവലിൻ ത്രോ താരം

ഒളിംപിക്‌സിൽ ഒരു മെഡൽ നേടാൻ വർഷങ്ങളുടെ പരിശ്രമവും കഠിനാധ്വാനവും വേണം. നിരവധി ത്യാഗങ്ങൾ ചെയ്ത് സ്വന്തമാക്കുന്ന ഒളിമ്പിക് മെഡലിന്റെ മൂല്യം വിലമതിക്കാനാകാത്തതാണ്. ലോകത്തിലെ ഏറ്റവും വിലപ്പിടിപ്പുള്ള എന്തിനെക്കാൾ വിലപിടിപ്പുള്ളതാണ് കായീക താരങ്ങൾക്ക് ഒളിമ്പിക് മെഡൽ. അതെ സമയം തനിക്ക് കിട്ടിയ ഒളിംപിക്‌സ് വെള്ളി മെഡൽ ലേലത്തിന് വയ്ക്കുകയാണ് പോളണ്ട് ജാവലിൻ ത്രോ താരം മരിയ ആൻഡ്രെസിക്ക്.



ഇക്കഴിഞ്ഞ ടോക്കിയോ ഒളിംപിക്‌സിലാണ് സ്ത്രീകളുടെ ജാവലിൻ ത്രോയിൽ മരിയ ആൻഡ്രെസിക്ക് വെള്ളി നേടിയത്. 2016ൽ നടന്ന റിയോ ഒളിമ്പിക്സിൽ പങ്കെടുത്തിരുന്നു എങ്കിലും മരിയയ്ക്ക് മെഡൽ നേടാനായില്ല. പിന്നീട് 2017 ൽ തോളിന് പരിക്കേറ്റ മരിയയ്ക്ക് 2018ൽ അസ്ഥിയിൽ കാൻസർ പിടിപെട്ടു. നീണ്ട ചികിത്സയ്ക്ക് ശേഷം സുഖം പ്രാപിച്ച ശേഷം മാറിയ ഗംഭീര തിരിച്ചുവരവാണ് നടത്തിയത്.

പാഴ്‌വസ്തുക്കൾ ശേഖരിച്ച് വിൽക്കും, കിടിലം ഇംഗ്ലീഷിൽ സംസാരവും! സിസിലിയ ഹീറോയാണ്

ടോക്കിയോയിൽ വെള്ളി മെഡൽ നേടിയതിന് ശേഷം ഒരു അപരിചിതനെ സഹായിക്കാൻ മരിയ തീരുമാനിച്ചു. ഫേസ്ബുക്കിലൂടെയാണ് മിലോസെക്ക് എന്ന് പേരുള്ള കുട്ടിയപ്പറ്റി മനസിലാക്കിയത്. ടോട്ടൽ അനോമാലസ് പൾമണറി വെനസ് കണക്ഷൻ (ടിഎപിവിസി) എന്ന അപൂർവ രോഗം ബാധിച്ച മിലോസെക്കിന് ആവശ്യമായ ചികിത്സയ്ക്ക് പണം കണ്ടെത്താൻ മരിയ തുനിഞ്ഞിറങ്ങി. ശ്വാസകോശ സിരകളുടെ പ്രവർത്തനത്തെ ബാധിക്കുന്ന അസുഖം ഗുരുതരമായതിനാൽ അടിയന്തിര ഹൃദയ ശസ്ത്രക്രിയ ആവശ്യമാണ്.

കുഞ്ഞിന്റെ ചികിത്സയ്ക്കും ശാസ്ത്രകീയയ്ക്കുമായി 1.5 ദശലക്ഷം പോളിഷ് സ്ലോട്ടി (2.86 കോടി രൂപ) ആവശ്യമാണ് എന്ന് മനസ്സിലാക്കിയതോടെയാണ് തന്റെ മെഡൽ ലേലത്തിന് വയ്ക്കാൻ മരിയ തീരുമാനിച്ചത്. ലേലം ചെയ്യുന്നതിലൂടെ പകുതി തുക സമാഹരിക്കാനാകുമെന്ന് മരിയ ഉറപ്പിച്ചു.

ഇതല്ലേ ഭാഗ്യം! ഓൺലൈനിൽ വാങ്ങിയ ഫ്രിഡ്ജിനടിയിൽ പ്ലാസ്റ്റിക് കവറിൽ 96 ലക്ഷം രൂപ

പോളിഷ് കൺവീനിയൻസ് സ്റ്റോർ സാബ്ക ഒടുവിൽ ലേലത്തിൽ മെഡൽ നേടിയതായും ഏകദേശം 1.4 കോടി രൂപ സമാഹരിച്ചതായും ആൻഡ്രെസിക് തിങ്കളാഴ്ച സ്ഥിരീകരിച്ചു. അതെ സമയം സൂപ്പർമാർക്കറ്റ് ശൃംഖലയായ സാബ്ക മരിയയ്ക്ക് മെഡൽ തിരികെ നൽകാൻ തീരുമാനിച്ചു. ഒപ്പം മിലോസെക്കിൻ്റെ ചികിത്സയ്ക്കാവശ്യമായ ഭീമമായ ഒരു തുക നൽകാനും സാബ്ക തീരുമാനിച്ചിട്ടുണ്ട്.