ഹൈലൈറ്റ്:
- ഓപ്പറേഷൻ തിയേറ്ററിൽ ബലാത്സംഗത്തിനിരയായെന്ന് യുവതി.
- യുപിയിലെ പ്രയാഗ്രാജിലെ ആശുപത്രിക്കെതിരെയാണ് ആരോപണം.
- പരാതിയിൽ പോലീസ് കേസെടുത്ത് അന്വേഷണം ആരംഭിച്ചു.
ആറു വയസ്സുകാരൻ ഡെങ്കിപ്പനി മൂര്‍ച്ഛിച്ച് മരിച്ചു; കര്‍ണാടകയിൽ ഡോക്ടര്‍ക്ക് ക്രൂരമര്‍ദ്ദനം
നഗരത്തിലെ ആശുപത്രിക്കെതിരെയാണ് പോലീസിൽ പരാതി നൽകിയിരിക്കുന്നത്. കുടൽ സംബന്ധമായ പ്രശ്‌നങ്ങളെത്തുടർന്ന് കഴിഞ്ഞ ശനിയാഴ്‌ചയാണ് യുവതിയെ ആശുപത്രിയിൽ പ്രവേശിപ്പിച്ചത്. ഗുരുതര സാഹചര്യം പരിഗണിച്ച് അന്ന് തന്നെ അടിയന്തരമായി ശസ്‌ത്രക്രിയ നടത്താൻ തീരുമാനിക്കുകയായിരുന്നുവെന്നും യുവതിയുടെ സഹോദരൻ പറഞ്ഞു.
അടിയന്തരമായി ശസ്‌ത്രക്രിയ നടത്തണമെന്ന് ഡോക്‌ടർമാർ പറഞ്ഞതോടെയാണ് സമ്മതിച്ചത്. മൂന്ന് മണിക്കൂറിന് ശേഷമാണ് ഓപ്പറേഷൻ തിയേറ്ററിൽ നിന്നും സഹോദരിയെ പുറത്തേക്ക് കൊണ്ടുവന്നത്. ഓപ്പറേഷന് ശേഷം വേദനയും ശരീരിക പ്രശ്‌നങ്ങളും രൂക്ഷമായിരുന്നു. സംസാരിക്കാൻ ബുദ്ധിമുട്ട് അനുഭവപ്പെട്ടിരുന്നു. ഇതോടെ ഓപ്പറേഷൻ തിയേറ്ററിൽ വെച്ച് ബലാത്സംഗത്തിനിരയായ വിവരം സഹോദരി എഴുതി നൽകി.
നാല് ഡോക്‌ടർമാർ ചേർന്നാണ് ബാലാത്സംഗം ചെയ്‌തതെന്ന് കുറിപ്പിൽ സഹോദരി വ്യക്തമാക്കുന്നുണ്ടെന്ന് സഹോദരൻ പറഞ്ഞു. പരാതിയിൽ പോലീസ് അന്വേഷണം അരംഭിച്ചതോടെ ആരോപണം തള്ളി ആശുപത്രി അധികൃതർ രംഗത്തുവന്നു.
പ്ലസ് വൺ വിദ്യാർഥിക്കൊപ്പം അധ്യാപിക ഒളിച്ചോടി; തട്ടിക്കൊണ്ടുപോകലിന് കേസെടുത്ത് പോലീസ്
ആരോപണം അടിസ്ഥാനരഹിതമാണെന്ന് മെഡിക്കൽ കോളേജ് പ്രിൻസിപ്പൽ എസ് പി സിങ് പറഞ്ഞു. “ശസ്‌ത്രക്രിയ സംഘത്തിലുണ്ടായിരുന്നത് രണ്ട് വനിത ഡോക്‌ടർമാരാണ്. ആരോപണം അന്വേഷിക്കാൻ അഞ്ചംഗ സമിതിയെ ചുമതലപ്പെടുത്തി. ആശുപത്രിയുടെ പേര് നശിപ്പിക്കാനുള്ള കൂട്ടായ ശ്രമത്തിൻ്റെ ഭാഗമാണ് ഈ ആരോപണം. ആരോപണത്തിൻ്റെ പശ്ചാത്തലത്തിലാണ് അഞ്ചംഗ സമിതി ഇക്കാര്യം പരിശോധിക്കുന്നത്”- എന്നും അവർ പറഞ്ഞു.
സ്പുട്നിക് 5 വാക്സിൻ ഇന്ത്യയിൽ നിര്‍മിക്കാൻ അനുമതി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : women patient alleges four doctors abuse in up hospital
Malayalam News from malayalam.samayam.com, TIL Network
