ആൺകുട്ടിയെ പ്രസവിച്ചില്ല; യുവാവ് ഭാര്യയെയും മക്കളെയും കിണറ്റിലെറിഞ്ഞു, ഒരു കുട്ടി മരിച്ചു

ഭോപ്പാൽ: ആൺകുട്ടിയെ പ്രസവിക്കാൻ കഴിയുന്നില്ലെന്ന് ആരോപിച്ച് യുവാവ് ഭാര്യയെയും രണ്ട് മക്കളെയും കിണറ്റിലെറിഞ്ഞു. എട്ട് വയസുള്ള കുട്ടി മരിച്ചു. ആറ് മാസം പ്രായുള്ള കുട്ടിയും യുവതിയും പരിക്കുകളോടെ രക്ഷപ്പെട്ടു. മധ്യപ്രദേശിലെ ഛത്തർപുരിൽ ഞായറാഴ്‌ച വൈകുന്നേരമാണ് സംഭവം.

ഓപ്പറേഷൻ പി ഹണ്ട്: കുട്ടികളുടെ ലൈംഗികദൃശ്യങ്ങള്‍ പ്രചരിപ്പിച്ച 28 പേര്‍ സംസ്ഥാനത്ത് അറസ്റ്റിൽ

സംഭവത്തിൽ ഛന്ദാല പോലീസ് കേസെടുത്ത് അന്വേഷണം ആരംഭിച്ചു. യുവതിയെയും മക്കളെയും തിരികെ വീട്ടിലേക്ക് കൊണ്ട് പോകുന്നതിനിടെ റോഡിനോട് ചേർന്നുള്ള ആളൊഴിഞ്ഞ പ്രദേശത്ത് ബൈക്ക് നിർത്തുകയും യുവതിയെയും മക്കളെയും ഭീഷണിപ്പെടുത്തി ചുറ്റുമതിൽ ഇല്ലാത്ത കിണറ്റിലേക്ക് തള്ളിയിടുകയായിരുന്നു.

സംഭവശേഷം യുവാവ് സ്ഥലത്ത് നിന്ന് രക്ഷപ്പെട്ടു. രക്ഷിക്കണമെന്ന് ആവശ്യപ്പെട്ട് യുവതി ബഹളം വെച്ചെങ്കിലും ആളൊഴിഞ്ഞ പ്രദേശമായിരുന്നതിനാൽ ആരും ശബ്‌ദം കേട്ടില്ല. യുവതി കിണറിന് മുകളിൽ എത്തി സമീപവാസികളെ വിവരമറിയിച്ചതോടെയാണ് സംഭവം പുറത്തായത്. ഇളയ കുട്ടിയെ രക്ഷിക്കാൻ സാധിച്ചെങ്കിലും മൂത്ത കുട്ടി മരിച്ചിരുന്നു.

ഗ്ലാസിൽ വെള്ളമെടുത്ത് കുടിച്ചു; ബിഹാറിൽ ഭിന്നശേഷിക്കാരനെ തല്ലിക്കൊന്നു

ആൺകുട്ടി ഉണ്ടാകാത്തതിൻ്റെ പേരിൽ ഭർത്താവ് പതിവായി ഉപദ്രവിക്കാറുണ്ടായിരുന്നുവെന്ന് യുവതി പോലീസിനോട് പറഞ്ഞു. മൂന്നാമതും പെൺകുഞ്ഞ് ഉണ്ടായതോടെ ഉപദ്രവം വർധിച്ചു. സ്വന്തം വീട്ടിലേക്ക് പറഞ്ഞയക്കുകയും ചെയ്‌തു. ഇവിടെ നിന്ന് കൂട്ടിക്കൊണ്ട് പോകുന്നതിനിടെയാണ് കൊല്ലാൻ ശ്രമം നടന്നതെന്നും യുവതി പറഞ്ഞു. സംഭവം നടക്കുമ്പോൾ ദമ്പതികളുടെ മറ്റൊരു കുട്ടി വീട്ടിലായിരുന്നു.