നേരിട്ട് ഹാജരാകാൻ സാധിക്കില്ലെന്ന് വ്യക്തമാക്കിയതിനെത്തുടർന്നാണ് ഓൺലൈനായി മൊഴി രേഖപ്പെടുത്തുന്നത്. ലീനയെ ഭീഷണിപ്പെടുത്താൻ ആവശ്യപ്പെട്ടത് ഗുണ്ട നേതാവ് ജിയ ആണെന്ന് രവി പൂജാരി മൊഴി നൽകിയിരുന്നു.
ലീന മരിയ പോൾ |ET
ഹൈലൈറ്റ്:
- നേരിട്ട് ഹാജരാകാൻ ആവശ്യപ്പെട്ടിരുന്നു
- അസൗകര്യം കണക്കിലെടുത്താണ് ഓൺലൈനായി മൊഴി രേഖപ്പെടുത്തുന്നത്
- സാമ്പത്തിക ഇടപാടുകൾ സംബന്ധിച്ചാണ് മൊഴിയെടുക്കുന്നത്
ലീനയെ ഭീഷണിപ്പെടുത്താൻ ആവശ്യപ്പെട്ടത് ഗുണ്ട നേതാവ് ജിയ ആണെന്ന് രവി പൂജാരി മൊഴി നൽകിയിരുന്നു. ആക്രമണത്തിന് പ്രാദേശിക സഹായം ജിയ ഒരുക്കി നൽകിയെന്നും രവി പറഞ്ഞു. ജിയ അടക്കമുള്ള ഗുണ്ടകൾക്കായി കാസർഗോട്ടേക്ക് അന്വേഷണം വ്യാപിപ്പിച്ചു. അന്വേഷണ സംഘം ഇന്ന് കാസർഗോട്ടേക്ക് തിരിക്കും.
പ്രായപൂർത്തിയാകാത്ത പെൺകുട്ടിയെ പീഡിപ്പിച്ചു; നടൻ പേൾ പുരി അറസ്റ്റിൽ
രമേശ് ചെന്നിത്തല, പിസി ജോർജ്ജ് എന്നിവരെ വിളിച്ച് ഭീഷണിപ്പെടുത്തുന്നതിന് ഫോൺ നമ്പർ നൽകിയത് ജിയ ആണെന്നും രവി മൊഴി നൽകിയിട്ടുണ്ട്.
അതേസമയം, രവി പൂജാരിയെ ചോദ്യം ചെയ്യുന്നത് തുടരുകയാണ്. ഈ മാസം എട്ട് വരെയാണ് രവി പൂജാരിയെ കേരളാ പോലീസിന്റെ ഭീകര വിരുദ്ധ സേനയ്ക്ക് ചോദ്യം ചെയ്യലിനായി വിട്ടുകിട്ടിയിരിക്കുന്നത്.
സൗഹൃദം നടിച്ച് വിളിച്ചിറക്കി, സഹോദരിമാരെ നാലു പേര്‍ ചേര്‍ന്നു പീഡിപ്പിച്ചു; പ്രതികള്‍ക്കായി തെരച്ചിൽ
എറണാകുളം അഡീഷ്ണൽ ചീഫ് മജിസ്ട്രേറ്റ് കോടതിയുടെ അനുമതിയോടെ കഴിഞ്ഞ ദിവസം രവിയുടെ ശബ്ദ സാമ്പിൾ ശേഖരിച്ചിരുന്നു. തിങ്കളാഴ്ച ഇത് കോടതിക്ക് കൈമാറും.
ചോദ്യം ചെയ്യൽ പൂർത്തിയാകാത്തതിനാൽ പ്രതിയെ കൂടുതൽ ദിവസം കസ്റ്റഡിയിൽ വിട്ടു കിട്ടാനുള്ള അപേക്ഷ അന്വേഷണ സംഘം കോടതിയിൽ സമർപ്പിക്കും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kochi beauty parlour shooting actress leena maria paul s statement will be taken online
Malayalam News from malayalam.samayam.com, TIL Network
