സര്‍ക്കാര്‍ നടപടി വിവേചനപരമെന്ന് ആരോപണം
ഫെബ്രുവരി നാലിന് ഓക്‌സ്‌ഫോഡ് വാക്‌സിന്‍ ഫസ്റ്റ് ഡോസ് ലഭിച്ച തനിക്ക് ഷെഡ്യൂള്‍ പ്രകാരം ഏപ്രില്‍ മൂന്നിന് രണ്ടാം ഡോസ് ലഭിക്കേണ്ടതാണെന്നും എന്നാല്‍ അവധി കഴിഞ്ഞ് രണ്ട് മാസം പിന്നിട്ടിട്ടും തനിക്ക് അതു ലഭിച്ചില്ലെന്നും അദ്ദേഹം കോടതിയെ അറിയിച്ചു. അതേസമയം, ഫൈസര്‍ വാക്‌സിന്‍ എടുത്തവര്‍ക്ക് ഇതിനകം രണ്ട് ഡോസും ലഭിച്ചതായും ഇത് വിവേചനമാണെന്നും അഭിഭാഷകന്‍ ചൂണ്ടിക്കാട്ടി. രാജ്യത്തെ മുഴുവന്‍ സ്വദേശികള്‍ക്കും വിദേശികള്‍ക്കും നല്‍കുന്നതിനുള്ള ഫൈസര്‍ വാക്‌സിന്‍ രാജ്യത്തുണ്ട്. രണ്ടാമത്തെ ഡോസ് വാക്‌സിന്‍ ലഭിക്കാത്തത് കാരണം പല ആനുകൂല്യങ്ങളും സൗകര്യങ്ങളും തനിക്ക് നഷ്ടമാവുന്നതായും ഇതിന് സര്‍ക്കാരാണ് ഉത്തരവാദിയെന്നും അദ്ദേഹം കുറ്റപ്പെടുത്തി. ഏത് വാക്‌സിന്‍ വേണമെന്ന് തെരഞ്ഞെടുക്കാനുള്ള അധികാരം സര്‍ക്കാര്‍ ജനങ്ങള്‍ക്ക് നല്‍കിയിരുന്നില്ലെന്നും അത് സര്‍ക്കാര്‍ തീരുമാനിക്കുകയായിരുന്നുവെന്നും അദ്ദേഹം വ്യക്തമാക്കി.
രണ്ടാം ഡോസായി ഫൈസര്‍ മതി
അതേസമയം, ഓക്‌സ്‌ഫോഡ് ആസ്ട്രസെനെക്കയുടെ വാക്‌സിന്‍ ഒന്നാം ഡോസായി സ്വീകരിച്ചവര്‍ക്ക് രണ്ടാം ഡോസായി ഫൈസര്‍ ബയോണ്‍ടെക്ക് വാക്‌സിന്‍ എടുക്കാമെന്ന് ആരോഗ്യമന്ത്രി ഡോ. ബാസില്‍ അല്‍ സബാഹ് അറിയിച്ചു. ഓക്‌സ്‌ഫോഡ് വാക്‌സിന്റെ പുതിയ ബാച്ച് എത്താന്‍ വൈകുമെന്നതിനാലാണ് ഇത്തരമൊരു തീരുമാനം. ഈ രീതിയില്‍ മറ്റ് രാജ്യങ്ങളും വാക്‌സിനുകള്‍ ഇടകലര്‍ത്തി ഉപയോഗിക്കുന്നുണ്ടെന്നും അത് പ്രതിരോധ ശേഷിയെ ബാധിക്കില്ലെന്ന് പഠനങ്ങളില്‍ വ്യക്തമായതായും അദ്ദേഹം പറഞ്ഞു. കുവൈറ്റില്‍ മാത്രമല്ല, മറ്റ് ഗള്‍ഫ് രാജ്യങ്ങളിലും ഓക്‌സ്‌ഫോഡ് വാക്‌സിന്റെ ക്ഷാമമുണ്ട്. ഇക്കാര്യത്തില്‍ കുവൈറ്റ് സര്‍ക്കാരിനെ മാത്രം കുറ്റം പറയുന്നതില്‍ കാര്യമില്ലെന്നും അദ്ദേഹത്തെ ഉദ്ധരിച്ച് അല്‍ ഖബസ് പത്രം റിപ്പോര്‍ട്ട് ചെയ്തു. അതേസമയം, യുഎസ് വാക്‌സിന്‍ നിര്‍മാതാക്കളായ മൊഡേണ, ജോണ്‍സണ്‍ ആന്റ് ജോണ്‍സണ്‍ എന്നീ കമ്പനികളുമായി കുവൈറ്റ് കരാര്‍ ഒപ്പുവച്ചിട്ടുണ്ടെന്നും ഈ വര്‍ഷം അവസാനത്തോടെഈ വാക്‌സിനുകള്‍ കുവൈറ്റിലെത്തുമെന്നും അദ്ദേഹം അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : lawyer sues government for delaying second dose of astrazeneca at kuwait
Malayalam News from malayalam.samayam.com, TIL Network
