ഹൈലൈറ്റ്:
- മൂന്ന് പേര്‍ അറസ്റ്റിൽ
- പരാതി നല്‍കിയത് ഇരയായ യുവതി
- സംഭവം തമിഴ്നാട്ടിൽ
പ്രതിയായ എൽആര്‍ പാളയം സ്വദേശിയും ഇരയായ 21കാരിയും തമ്മിലുള്ള വിവാഹം 2018ലായിരുന്നു കഴിഞ്ഞത്. മദ്യപാനിയായ ഭര്‍ത്താവിന് കൊവിഡ് 19 ലോക്ക്ഡൗൺ തുടങ്ങിയതിനു ശേഷം കൃത്യമായി ജോലിയുണ്ടചായിരുന്നില്ലെന്നാണ് റിപ്പോര്‍ട്ടുകള്‍. ദമ്പതികള്‍ക്ക് രണ്ട് വയസ്സുള്ള ഒരു കുട്ടിയുമുണ്ട്. കൈയ്യിൽ പണമില്ലാതെ വന്നതോടെ സുന്ദരമൂര്‍ത്തി (25), മണികണ്ഠൻ (26) എന്നീ രണ്ട് സുഹൃത്തുക്കളിൽ നിന്നായി ഇയാള്‍ പലപ്പോഴായി പണം വാങ്ങുകയായിരുന്നു. എന്നാൽ തിരിച്ചു കൊടുക്കാൻ പണമില്ലാതെ വന്നതോടെ ഇയാള്‍ ഭാര്യയെ പീഡിപ്പിക്കാനായി വിട്ടുനൽകുകയായിരുന്നുവെന്നാണ് ദ ന്യൂ ഇന്ത്യൻ എക്സ്പ്രസ് റിപ്പോര്‍ട്ട്.
Also Read: കെഎസ്ആർടിസിയിലെ 100 കോടിയുടെ ക്രമക്കേട്; വിജിലൻസ് അന്വേഷണത്തിന് മുഖ്യമന്ത്രിയുടെ അനുമതി
യുവതിയ്ക്ക് മരുന്നു നല്‍കി ബോധരഹിതയാക്കിയ ശേഷമാണ് പീഡനം നടന്നതെന്നാണ് പോലീസ് പറയുന്നത്. വിറ്റാമിൻ ഗുളിക എന്ന പേരിൽ ഭര്‍ത്താവ് യുവതിയ്ക്ക് ഒരു ഗുളിക നല്‍കുകയായിരുന്നു. ഇതേത്തുടര്‍ന്ന് ബോധം നശിച്ച യുവതിയുമായി ലൈംഗികബന്ധത്തിൽ ഏര്‍പ്പെടാൻ യുവാവ് കേസിലെ പ്രതിയും സുഹൃത്തുമായ സുന്ദരമൂര്‍ത്തിയെ വിളിക്കുകയായിരുന്നു. എന്നാൽ ബോധം വീണ്ടെടുത്ത യുവതി താൻ പീഡിപ്പിക്കപ്പെട്ടതായി മനസ്സിലാക്കുകയായിരുന്നു.
പിന്നീട് മറ്റൊരു സന്ദര്‍ഭത്തിലും യുവതി പീഡനത്തിനിരയായി. സുഹൃത്തായ മണികണ്ഠനൊപ്പം യുവതിയുടെ ഭര്‍ത്താവ് സ്ഥിരമായി മദ്യപിച്ചു വീട്ടിലെത്തിയിരുന്നു. ഉറങ്ങിക്കിടക്കുന്ന ഭാര്യയെ ബലാത്സംഗം ചെയ്യാൻ ഇയാളെ ഭര്‍ത്താവ് അനുവദിക്കുകയായിരുന്നുവെന്ന് പോലീസ് പറഞ്ഞു. എന്നാൽ യുവതി ഞെട്ടിയെഴുന്നേറ്റതോടെ മണികണ്ഠൻ ഓടിരക്ഷപെട്ടു. യുവതി ഭര്‍ത്താവിനെ വടി എടുത്ത് ആക്രമിക്കുകയും ചെയ്തു.
Also Read: സുരേന്ദ്രൻ പ്രതിരോധത്തിൽ; സർക്കാരിനെതിരെ ‘മരംമുറി’ ആയുധമാക്കാൻ ബിജെപി; കേന്ദ്രമന്ത്രിയെ കാണും
സംഭവത്തിനു ശേഷം രണ്ട് വയസ്സുള്ള മകനുമായി യുവതി മാതാപിതാക്കളുടെ വീട്ടിലേയ്ക്ക് മടങ്ങുകയായിരുന്നു. എന്നാൽ ഭര്‍ത്താവ് നിരന്തം വീട്ടിലെത്തുകയും യുവതിയോടു സുഹൃത്തുക്കളുമായി സഹകരിക്കാൻ ആവശ്യപ്പെടുകയുംചെയ്തിരുന്നെന്നാണ് ദ ന്യൂ ഇന്ത്യൻ എക്സ്പ്രസ് റിപ്പോര്‍ട്ട്. ഇതേത്തുടര്‍ന്ന് യുവതി പോലീസ് സ്റ്റേഷനിൽ പരാതിയുമായി എത്തുകയായിരുന്നു. ഭര്‍ത്താവിൻ്റെയും സുഹൃത്തായ രണ്ട് പേരുടെയും പേരിലായിരുന്നു പരാതി. ഇവര്‍ക്കെതിരെ കേസെടുത്തതായി പോലീസ് അറിയിച്ചു.
ഭേഷജം, പുനര്‍ജനി പദ്ധതികളുമായി ആയുര്‍വേദ വിഭാഗത്തിന്‍റെ കൊവിഡ് കരുതല്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : police arrests three as tn man for allowing friends for molest wife after fails to repay debt
Malayalam News from malayalam.samayam.com, TIL Network
