ഭാരം കുറയ്ക്കാൻ ട്രെഡ്മില്ലിൽ എത്ര നേരം നടക്കണം?

ഏറ്റവും മികച്ച വ്യായാമങ്ങളിൽ ഒന്നാണ് നടത്തം എന്ന് നമുക്കെല്ലാം അറിയാം. അമിത ഭാരം കുറയ്ക്കാനും ആരോഗ്യത്തോടെ തുടരാനുമെല്ലാം ദിവസവും അൽപനേരം നടക്കുന്നത് വളരെയധികം ഗുണം ചെയ്യും. പുറത്ത് പോയി നടക്കാൻ സൗകര്യമില്ലാത്തവർക്ക് ഒരു ട്രെഡ്മില്ലിന്റെ സഹായം തേടാം.



കലോറിയും എരിച്ചു കളയുവാൻ നടത്തം സഹായിക്കില്ലെന്ന് മിക്കവരും കരുതുന്നു, ഇത് തികച്ചും തെറ്റാണ്. തീർച്ചയായും, ചില വ്യായാമങ്ങൾ ചെയ്യുന്നത് കൂടുതൽ കലോറി കത്തിക്കാൻ നിങ്ങളെ സഹായിക്കും. പക്ഷേ നിങ്ങൾ ശരീരഭാരം കുറയ്ക്കാനുള്ള ശ്രമത്തിലാണെങ്കിൽ നടത്തം നിങ്ങൾക്ക് ഒരു ഉത്തമ മാർഗ്ഗമാണ്. അതിലൂടെ നിങ്ങളുടെ വ്യായാമ ദിനചര്യയിൽ പ്രകടമായ വ്യത്യാസം കാണുവാനും കഴിയും.

ശരിയായ ശരീരഭാവം നിലനിർത്തുക, ശരിയായ വേഗത, മതിയായ ഇടവേള എന്നിവയാണ് ഫലപ്രദമായ നടത്തത്തിനുള്ള തന്ത്രം. അധികഭാരം കുറയ്ക്കാനായി ട്രെഡ്‌മില്ലിൽ എത്ര നേരം നടക്കണമെന്ന് അറിയാമോ?

ഭാരം കുറയ്ക്കാൻ ട്രെഡ്‌മില്ലിൽ എത്രനേരം നടക്കണം



ശരീരഭാരം കുറയ്ക്കൽ ഉൾപ്പെടെയുള്ള വിപുലമായ ആരോഗ്യ ആനുകൂല്യങ്ങൾക്കായി ട്രെഡ്മില്ലിൽ ആഴ്ചയിൽ കുറഞ്ഞത് 300 മിനിറ്റ് നടക്കണം. ഓരോ ദിവസവും 43 മുതൽ 44 മിനിറ്റ് വരെ നടന്ന് ഒരാൾക്ക് ഈ ലക്ഷ്യത്തിലെത്താൻ കഴിയും. ഇത് ഒരാഴ്ചയ്ക്കുള്ളിൽ 1 കിലോ കുറയ്ക്കാൻ നിങ്ങളെ സഹായിക്കും.

എന്നാൽ നിങ്ങൾ ശരീരഭാരം കുറയ്ക്കാനുള്ള യാത്ര ആരംഭിച്ചുവെങ്കിൽ ഒരു ദിവസം 20 മിനിറ്റ് നടന്നുകൊണ്ട് ആരംഭിക്കാം. നിങ്ങളുടെ ആരോഗ്യനില അനുസരിച്ച് നിങ്ങൾക്ക് സമയത്തിൽ മാറ്റം വരുത്താൻ കഴിയും. തുടക്കത്തിൽ 5 അല്ലെങ്കിൽ 10 മിനിറ്റ് നേരം നടന്നതിന് ശേഷം സമയം ക്രമേണ വർദ്ധിപ്പിക്കുക. നിങ്ങൾക്ക് ഇത് ഒരു ദിവസം രണ്ട് ഭാഗങ്ങളായി വിഭജിക്കാം. രാവിലെ 10 മിനിറ്റും വൈകുന്നേരം ബാക്കി 10 മിനിറ്റും ഇത് ചെയ്യുക.

ഭാരം കുറയ്ക്കാൻ കഴിയുന്നില്ലേ? ഈ 10 യോഗാസനങ്ങൾ സഹായത്തിനെത്തും

നടക്കുമ്പോൾ നിങ്ങളുടെ വേഗത എത്രയായിരിക്കണം



തുടക്കത്തിൽ, കുറച്ച് വേഗത്തിൽ നടത്തം ആരംഭിക്കുക. നിങ്ങൾക്ക് ഒരു വഴക്കം ലഭിച്ചുകഴിഞ്ഞാൽ, വേഗത വർദ്ധിപ്പിക്കുക. കൃത്യമായ ഇടവേളകളിൽ വേഗത വർദ്ധിപ്പിക്കുന്നത് കുറഞ്ഞ സമയത്തിനുള്ളിൽ കൂടുതൽ കലോറി കത്തിക്കുന്നതിന് സഹായിക്കുന്നു. എന്നാൽ കൂടുതൽ വേഗത എടുത്തുകൊണ്ട് ആരംഭിക്കുന്നത് പേശികളുടെ ബുദ്ധിമുട്ടിനും പരിക്കിനും കാരണമാകും. പതുക്കെ ആരംഭിക്കുക, അതിൽ ഇടവേള പരിശീലനം ചേർത്ത് തീവ്രത വർദ്ധിപ്പിക്കുക.

ഓർമ്മിക്കേണ്ട ചില കാര്യങ്ങൾ



പരമാവധി കലോറി എരിച്ച് കളയാൻ, നിങ്ങൾ ശ്രദ്ധിക്കേണ്ട ചില കാര്യങ്ങൾ ഇതാ:

>

ഹാൻ‌ഡ്റെയ്‌ലോ കൺസോളോ മുറുകെ പിടിക്കരുത്.

> നിങ്ങളുടെ തോളുകൾ കുനിക്കരുത്, ശരീരം നിവർന്ന് തന്നെ നടക്കാൻ ശ്രമിക്കണം.

> നടക്കുമ്പോൾ കൈകൾ വീശി നടക്കാൻ ശ്രദ്ധിക്കുക

> കാലുകൾ അമിതമായി വലിച്ചുനീട്ടി നടക്കുന്നത് ഒഴിവാക്കുക.