ഹൈലൈറ്റ്:
- സ്ഥലത്ത് രക്ഷാപ്രവര്‍ത്തനം തുടരുന്നു
- കെട്ടിടം തകര്‍ന്നത് അര്‍ധരാത്രിയോടെ
- മറ്റൊരു കെട്ടിടവും ഒഴിപ്പിച്ചു
അപകടത്തിൽ ഇതുവരെ ഏഴു പേര്‍ക്ക് പരിക്കേറ്റിട്ടുണ്ടെന്നാണ് എഎൻഐ റിപ്പോര്‍ട്ട്. അഞ്ച് പേരെ പരിക്കില്ലാതെ രക്ഷപെടുത്തി. സ്ഥലത്ത് രക്ഷാപ്രവര്‍ത്തനം തുടരുകയാണെന്ന് ഉദ്യോഗസ്ഥര്‍ അറിയിച്ചു. കൂടാതെ അപകടനിലയിലുള്ള സമീപത്തെ മറ്റൊരു കെട്ടിടത്തിൽ നിന്നും ബൃഹൻമുംബൈ മുനിസിപ്പൽ കോര്‍പ്പറേഷൻ അധികൃതര്‍ ആളുകളെ ഒഴിപ്പിക്കുന്നുണ്ട്.
Also Read: ‘പ്രതിസന്ധി ഘട്ടത്തിൽ പാർട്ടിയെ മുന്നോട്ട് നയിച്ചയാൾ’; രമേശ് ചെന്നിത്തലയെ സന്ദർശിച്ച് കെ സുധാകരൻ
ഉദ്യോഗസ്ഥര്‍ക്കൊപ്പം പ്രദേശവാസികളും രക്ഷാപ്രവര്‍ത്തനത്തിൽ പങ്കെടുക്കുന്നുണ്ട്. പരിക്കേറ്റവരെ കണ്ഡീവലിയിലുള്ള ആശുപത്രിയിലേയ്ക്കാണ് മാറ്റിയിട്ടുള്ളത്. “17 പേരെയാണ് പരിക്കേറ്റ നിലയിൽ ആശുപത്രിയിലെത്തിച്ചത്. ഇവരിൽ ഒൻപതു പേര്‍ ആശുപത്രിയിലെത്തുമ്പോള്‍ രിച്ചിരുന്നു.” ഒരു ഡോക്ടര്‍ വാര്‍ത്താ ചാനലിനോടു പറഞ്ഞു. അപകടസമയത്ത് കുട്ടികളടക്കം നിരവധി പേര്‍ കെട്ടിടത്തിനുള്ളിലുണ്ടായിരുന്നുവെന്ന് ഇന്ത്യ ടുഡേ റിപ്പോര്‍ട്ട് ചെയ്തു.
രാത്രി പതിനൊന്നരയോടെയാണ് സംഭവമുണ്ടായതെന്നാണ് ബിഎംസി ദുരന്തനിവാരണ സെൽ പറയുന്നത്. അപകടത്തിനു പിന്നാലെ പോലീസും ഫയര്‍ഫോഴ്സും സ്ഥലത്തെത്തി രക്ഷാപ്രവര്‍ത്തനം ആരംഭിക്കുകയായിരുന്നു.
Also Read: തിരുവനന്തപുരത്ത് വാക്സിന്‍ ഉല്‍പ്പാദന യൂണിറ്റ്; ഡോ. എസ് ചിത്ര പ്രോജക്ട് ഡയറക്ടർ
കഴിഞ്ഞ ഏതാനും ദിവസമായി മുംബൈ നഗരത്തിലും പരിസരത്തും കനത്ത മഴ തുടരുകയാണ്. മഴ മൂലമാണ് കെട്ടിടം തകര്‍ന്നതെന്ന് മഹാരാഷ്ട്ര മന്ത്രി അസ്ലം ഷെയ്ഖ് പറഞ്ഞു. പരിസരത്തെ മറ്റു നാലു കെട്ടിടങ്ങളും അപകടാവസ്ഥയിലാണെന്നും റിപ്പോര്‍ട്ടുകളുണ്ട്. ബുധനാഴ്ച ഏകദേശം മുഴുവൻ സമയവും മഴ പെയ്തതോടെ നഗതത്തിൻ്റെ പല ഭാഗങ്ങളിലും വെള്ളക്കെട്ടുണ്ടായിട്ടുണ്ട്.
പഠനം 10 ൽ ഒതുങ്ങുന്നു; ഉപരി പഠന സൗകര്യമില്ലാതെ അടിമാലി ഗവ. സ്‍കൂൾ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : many feared trapped as residential building collapsed in mumbai malad west
Malayalam News from malayalam.samayam.com, TIL Network
