ഹൈലൈറ്റ്:
- 10 സ്മാര്‍ട്ട് റോബോട്ടുകളുടെ സേവനം ഉപയോഗപ്പെടുത്താനിരിക്കുകയാണ് സൗദി അധികൃതര്‍
- ഈ വര്‍ഷത്തെ ഹജ്ജ് തീര്‍ഥാടന വേളയില്‍ ഈ റോബോട്ടുകളുടെ സേവനം ഉപയോഗപ്പെടുത്താനാണ് അധികൃതരുടെ തീരുമാനം
മനുഷ്യരുടെ ഇടപെടലില്ലാതെ കൃത്യമായ ഇടവേളകളില്‍ മസ്ജിദിനകം അണുവിമുക്തമാക്കാന്‍ ഈ അത്യാധുനിക റോബോട്ടുകള്‍ക്ക് കഴിയും. ബാറ്ററിയുടെ സഹായത്തോടെ പ്രവര്‍ത്തിക്കുന്ന ഇവയ്ക്ക് അഞ്ച് മുതല്‍ എട്ട് വരെ മണിക്കൂര്‍ പ്രവര്‍ത്തിക്കാന്‍ സാധിക്കുമെന്ന് വിശുദ്ധ ഭവനങ്ങളുടെ കാര്യങ്ങള്‍ക്കായുള്ള ഗ്രാന്റ് പ്രസിഡന്‍സി അറിയിച്ചു. ഇതിന് 23.8 ലിറ്റര്‍ സ്റ്റെറിലൈസര്‍ ഉള്‍ക്കൊള്ളാനുള്ള ശേഷിയുണ്ട്. ഒരു മണിക്കൂര്‍ നേരം അണുവിമുക്തമാക്കുന്നതിന് രണ്ട് ലിറ്റര്‍ സ്റ്റെറിലൈസര്‍ വേണ്ടിവരും. ഹൈ ഡെഫനിഷന്‍ റഡാര്‍ കാമറയുടെ സഹായത്തോടെയാണ് റോബോട്ടുകള്‍ അണുവിമുക്തമാക്കേണ്ട സ്ഥലങ്ങള്‍ കണ്ടെത്തുക. ഈ വര്‍ഷത്തെ ഹജ്ജ് തീര്‍ഥാടന വേളയില്‍ ഈ റോബോട്ടുകളുടെ സേവനം ഉപയോഗപ്പെടുത്താനാണ് അധികൃതരുടെ പദ്ധതി.
Also Read: 
മുറിയിലെ ക്ലോക്കില്‍ രഹസ്യ ക്യാമറ; പരാതിയുമായി കുവൈറ്റ് യുവതി
ഇത്തവണ ഹജ്ജ് തീര്‍ഥാടനത്തിന് വിദേശ രാജ്യങ്ങളില്‍ നിന്ന് വരുന്നവര്‍ക്കും അനുമതി നല്‍കുമെന്ന് സൗദി ഹജ്ജ് കാര്യ മന്ത്രാലയം നേരത്തേ വ്യക്തമാക്കിയിരുന്നു. അതുമായി ബന്ധപ്പെട്ട കൂടുതല്‍ നിര്‍ദ്ദേശങ്ങള്‍ ഉടന്‍ പുറപ്പെടുവിക്കും. വാക്‌സിനെടുത്തവര്‍ക്ക് മാത്രമേ ഹജ്ജ് തീര്‍ഥാടനത്തിന് അനുമതി നല്‍കൂ എന്നും തീര്‍ഥാടകരുടെ എണ്ണത്തില്‍ നിയന്ത്രണം ഏര്‍പ്പെടുത്തുമെന്നും അധികൃതര്‍ നേരത്തേ അറിയിച്ചിയിരുന്നു. കഴിഞ്ഞ വര്‍ഷം സൗദിയിലുള്ള 1000 പേര്‍ക്ക് മാത്രമായിരുന്നു ഹജ്ജിന് അനുമതി.
കൊവിഡിന്റെ പശ്ചാത്തലത്തില്‍ ഹജ്ജിന് പുറമെ ഉംറ തീര്‍ഥാടനവും കഴിഞ്ഞ വര്‍ഷം താല്‍ക്കാലികമായി നിര്‍ത്തിവച്ചിരുന്നു. ഏഴ് മാസത്തെ ഇടവേളയ്ക്കു ശേഷം കഴിഞ്ഞ ഒക്ടോബറിലാണ് ഉംറ തീര്‍ഥാടനം പുനരാരംഭിച്ചത്. ഒക്ടോബര്‍ നാലിന് ആരംഭിച്ച ആദ്യ ഘട്ടത്തില്‍ 6000 പേര്‍ക്ക് മാത്രമേ മക്കയിലെ ഗ്രാന്റ് മസ്ജിദില്‍ ഉംറ നിര്‍വഹിക്കാന്‍ അനുവാദം നല്‍കിയിരുന്നുള്ളൂ. ഒക്ടോബര്‍ 18ന് 40,000 ആരാധകര്‍ക്കും 10,000 ഉംറ തീര്‍ഥാടകര്‍ക്കും അനുമതി നല്‍കി. നവംബറില്‍ ആരംഭിച്ച മൂന്നാം ഘട്ടത്തിലാവട്ടെ പള്ളിയില്‍ നമസ്‌ക്കാരത്തിനെത്തുന്നവരുടെ എണ്ണം 60,000 ആയും ഉംറ നിര്‍വഹിക്കാനെത്തുന്നവരുടെ എണ്ണം 20,000 ആയും ഉയര്‍ത്തി.
ഡ്യൂട്ടിക്കിടെ ഡാൻസ് കളിച്ച് പോലീസുകാര്‍; പിന്നാലെ പണികിട്ടി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 10 robots join in makkah grand mosques disinfection team previous
Malayalam News from malayalam.samayam.com, TIL Network
