ഹൈലൈറ്റ്:
- മരിച്ചത് 28കാരി
- സംഭവം കൊല്ലം അഞ്ചലിൽ
- യുവാവിനും പൊള്ളലേറ്റു
കഴിഞ്ഞ ദിവസം രാത്രിയാണ് ആതിരയെ ഒപ്പം താമസിച്ചിരുന്ന കാമുകൻ തീകൊളുത്തിയതെന്നാണ് റിപ്പോര്‍ട്ടുകള്‍. രാത്രി ഏഴു മണിയോടെ നിലവിളി കേട്ട് ഓടിയെത്തിയ അയൽക്കാരാണ് ആതിര ദേഹത്ത് തീപടര്‍ന്ന നിലയിൽ വീട്ടിൽ നിന്ന് ഇറങ്ങി ഓടുന്നത് കണ്ടത്. കാമുകനും ഇതോടൊപ്പം പൊള്ളലേറ്റിരുന്നു. തുടര്‍ന്ന് നാട്ടുകാരും പോലീസും ചേര്‍ന്ന് ഇരുവരെയും മെഡിക്കൽ കോളേജ് ആശുപത്രിയിൽ എത്തിക്കുകയായിരുന്നുവെന്നാണ് ജനയുഗം റിപ്പോര്‍ട്ട്.
Also Read: അഞ്ച് വയസ്സിൽ താഴെയുള്ള കുട്ടികൾക്ക് മാസ്ക് വേണ്ട; പുതിയ നിര്‍ദേശവുമായി ആരോഗ്യ മന്ത്രാലയം
ആതിരയുടെ മരണമൊഴിയുടെ അടിസ്ഥാനത്തിൽ കാമുകനായ ഷാനവാസിനെതിരെ പോലീസ് കേസെടുത്തിട്ടുണ്ട്. സോഷ്യൽ മീഡിയയിൽ വീഡിയോ കോള്‍ ചെയ്തതിൻ്റെ പേരിലുണ്ടായ വഴക്കിനിടെയാണ് ഷാനവാസ് ആതിരയുടെ ദേഹത്ത് മണ്ണെണ്ണയൊഴിച്ചതെന്നാണ് മൊഴി. ചികിത്സയ്ക്കിടെ ഇക്കാര്യം ആതിര ഡോക്ടറോടും ബന്ധുക്കളോടും വെളിപ്പെടുത്തിയിരുന്നതായി പോലീസ് പറഞ്ഞു. കഴിഞ്ഞ രണ്ട് വര്‍ഷമായി ആതിരയും ഷാനവാസും ഒരുമിച്ച് താമസിക്കുകയായിരുന്നു. ഷാനവാസിനും ആതിരയ്ക്കും മൂന്ന് മാസം പ്രായമായ ഒരു കുട്ടിയുമുണ്ട്.
മുൻപ് വിവാഹിതയായ ആതിരയ്ക്ക് മറ്റു രണ്ട് കുട്ടികള്‍ കൂടിയുണ്ട്. കൂടാതെ മറ്റൊരു സ്ത്രീയുമായി വിവാഹിതനായ ഷാനവാസിനും മൂന്ന് കുട്ടികളുണ്ട്. എന്നാൽ ഷാനവാസും ആതിരയും തമ്മിൽ വിവാഹം ചെയ്തിട്ടില്ലെന്നാണ് നാട്ടുകാരെ ഉദ്ധരിച്ചുള്ള ജനയുഗം റിപ്പോര്‍ട്ട്. അഞ്ചൽ പോലീസ് സംഭവത്തിൽ അന്വേഷണം നടത്തുന്നുണ്ട്.
‘ഓക്സിജൻ കട്ട് മോക്ക് ഡ്രിൽ’; ആശുപത്രി ഉടമയ്ക്കെതിരെ എഫ്ഐആർ രജിസ്റ്റർ ചെയ്തു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kollam woman athira burns to death after her boyfriend allegedly sets her on fire
Malayalam News from malayalam.samayam.com, TIL Network
