ഗതികെട്ടാൽ പുലി പുല്ലും തിന്നും! ആന ചിലപ്പോൾ ഒരു ഹെൽമെറ്റും

നമ്മൾ ചെറുപ്പം മുതലേ കേൾക്കുന്ന ഒരു ചൊല്ലണ് ഗതികെട്ടാൽ പുലി പുല്ലും തിന്നും എന്നുള്ളത്. നമ്മൾ ഒരിക്കലും ചെയ്യില്ല എന്ന് വിചാരിക്കുന്ന കാര്യം പോലും മറ്റു വഴികളില്ലെങ്കിൽ നാം ചെയ്യും എന്ന് സാരം. ഭക്ഷണത്തിന്റെ കാര്യത്തിൽ ഇത് കൂടുതൽ അനുയോജ്യമാണ്. ഞാൻ പച്ചക്കറി കഴിക്കുകയെ ഇല്ല എന്ന് പറയുന്ന പലരും നന്നായി വിശന്നാൽ ഏറ്റവും കയ്പുള്ള കയ്പക്ക പോലും നന്നായി കഴിക്കും. പക്ഷെ മൃഗങ്ങൾ വിശന്നു വലഞ്ഞാലോ?



ഗുവാഹത്തിയിലെ ഒരു ആന ചെയ്തതെന്തെന്നോ? ഒരു ഹെൽമെറ്റ് എടുത്ത് അകത്താക്കി. ഗുവാഹത്തിയിലെ നാരംഗിയിൽ പ്രവർത്തിക്കുന്ന സൽഗാവ് ആർമി ക്യാമ്പിലാണ് സംഭവം. ക്യാമ്പിലെ നിത്യ സന്ദർശകനായ ആന റോഡരുകിൽ പാർക്ക് ചെയ്ത ബൈക്കിന്റെ അടുത്തേക്ക് വരുന്നതാണ് വിഡിയോയിൽ. അൽപ നേരം ബൈക്കിനെ നോക്കിയ ശേഷം തുമ്പിക്കകൊണ്ട് മിററിൽ തൂക്കിയിട്ട ഹെൽമറ്റ് വലിച്ചെടുക്കുന്നു.

ലെയ്സ് ചിപ്സ് കറി കൂട്ടി ചോറുണ്ടാലോ? നമ്മടെ പൊട്ടറ്റോ ചിപ്സ് തന്നെ

ഹെൽമെറ്റുമായി ആന കളിക്കുകയോ അല്ലെങ്കിൽ വലിച്ചെറിയുകയോ ചെയ്യും എന്നാണ് പ്രതീക്ഷിച്ചിരുന്നെന്തെങ്കിലും നേരെ വയ്ക്കകത്താക്കി ആന. എന്നിട്ട് കൂളായി നടന്നു പോയി ആന. ഹെൽമെറ്റ് ആന യഥാർത്ഥത്തിൽ വിഴുങ്ങിയോ എന്ന് വ്യക്തമല്ല. “എന്റെ ഹെൽമെറ്റ് പോയി, ഇനി ഞാൻ എങ്ങനെ വീട്ടിൽ പോകും?” എന്ന് വിലപിക്കുന്ന ബൈക്ക് ഉടമയുടെ ശബ്ദം വിഡിയോയിൽ കേൾക്കാം.

ലൂഡോ കളി ജയിക്കുന്നത് കഴിവോ? ഭാഗ്യമോ? മുംബൈ ഹൈക്കോടതി തീരുമാനിക്കും

അടുത്തുള്ള അംചങ് വന്യജീവി സങ്കേതത്തിൽ നിന്നും ഈ ആന ഇടയ്ക്കിടെ തീറ്റ തപ്പി സൽഗാവ് ആർമി ക്യാമ്പിൽ എത്താറുണ്ട് എന്ന് അധികൃതർ വ്യക്തമാക്കി. പട്ടാളകാമ്പിൽ വളരുന്ന വാഴ പലതും ഈ ആന പിഴുതെടുത്തു കൊണ്ടുപോവാറുണ്ടത്രെ. ഏതായാലും ഹെൽമെറ്റ് തിന്നുന്ന ആന എന്ന അടിക്കുറിപ്പിൽ വീഡിയോ വൈറലാണ്.

ഏറ്റവും രസകരമായ കാര്യം പ്രചരിക്കുന്ന വീഡിയോ യഥാർത്ഥത്തിൽ ചിത്രീകരിച്ചത് ഹെൽമെറ്റ് നഷ്ടപെട്ട വ്യക്തി തന്നെയാണ് എന്നതാണ്.