ഫൈസർ വാക്‌സിൻ ഇന്ത്യയിലേക്ക്? വിലവിവരം പുറത്ത്, സ്ഥിരീകരിക്കാതെ കേന്ദ്രം

ന്യൂഡൽഹി: ഇന്ത്യയിൽ കൊവിഡ്-19 വാക്‌സിൻ ക്ഷാമം തുടരുന്നതിനിടെ വിദേശ വാക്‌സിനായ ഫൈസർ വാക്‌സിൻ ഇന്ത്യൻ വിപണിയിൽ എത്തുമെന്ന് റിപ്പോർട്ട്. ഓഗസ്‌റ്റ് മാസത്തോടെ ഫൈസർ വാക്‌സിൻ എത്തുമെന്നാണ് വിവിധ മാധ്യമങ്ങൾ റിപ്പോർട്ട് ചെയ്യുന്നത്.



‘പെണ്‍കുട്ടികള്‍ക്ക് ഫോണ്‍ നൽകിയാൽ ബാലാത്സംഗം ചെയ്യപ്പെടാം, ഒളിച്ചോടും’; വനിത കമ്മീഷന്‍ അംഗം

730 രൂപയായിരിക്കും ഫൈസറിൻ്റെ ഒരു ഡോസിന് ഇന്ത്യയിൽ ഈടാക്കുകയെന്നാണ് റിപ്പോർട്ട്. നിയമപരമായ ബാധ്യതകളിൽ നിന്ന് വിദേശ വാക്‌സിൻ കമ്പനികൾക്ക് സംരക്ഷണം നൽകുന്ന നടപടികളിലേക്ക് രാജ്യം നീങ്ങുന്ന സാഹചര്യത്തിലാണ് ഫൈസർ വാക്‌സിൻ ഇന്ത്യയിലേക്ക് എത്തുമെന്ന വാർത്തകൾ പുറത്തുവന്നത്. കേന്ദ്ര സർക്കാരിൻ്റെ ഭാഗത്ത് നിന്നും അനുകൂല നിലപാട് ഉണ്ടായേക്കുമെന്നാണ് പുറത്തുവരുന്ന റിപ്പോർട്ട്.

വിദേശ വാക്‌സിനുകൾക്ക് വേണ്ടിയിരുന്ന പ്രാദേശിക പരീക്ഷണങ്ങൾ കേന്ദ്രം നേരത്തെ പിൻവലിച്ചിരുന്നു. ഫൈസറിൻ്റെ അഭ്യർഥനയെത്തുടർന്നായിരുന്നു ഈ തീരുമാനം. എന്നാൽ നിയമ സംരക്ഷണവുമായി ബന്ധപ്പെടുള്ള ഒരു തരത്തിലുള്ള ഉറപ്പും വാക്‌സിൻ കമ്പനികൾ കേന്ദ്രം നൽകിയിട്ടില്ല. കഴിഞ്ഞ ഏപ്രിലിൽ ഫൈസർ, മൊഡോണ, ജോൺസൻ ആൻഡ് ജോൺസൺ ഉൾപ്പെടെയുള്ള കാമ്പനികളെ ഇന്ത്യ ക്ഷണിച്ചിരുന്നു. കൊവിഡ് വ്യാപനം രൂക്ഷമായതും വാക്‌സിൻ ക്ഷാമം തുടരുന്ന സാഹചര്യത്തിലുമായിരുന്നു ഈ തീരുമാനം.

‘താടിയല്ല, വളർത്തേണ്ടത് രാജ്യത്തെ തൊഴിലവസരങ്ങൾ’; പ്രധാനമന്ത്രിക്ക് ഷേവ് ചെയ്യാൻ 100 രൂപ അയച്ച് ചായക്കടക്കാരൻ

അതേസമയം, സംസ്ഥാനങ്ങളുടെ കൈവശമുള്ള വാക്സിൻ സ്റ്റോക്ക് സംബന്ധിച്ച വിവരങ്ങള്‍ പുറത്തു വിടരുതെന്ന് കേന്ദ്ര നിര്‍ദേശം നൽകി. വാക്സിൻ സ്റ്റോക്ക്, സംഭരണകേന്ദ്രങ്ങളിലെ താപനില തുടങ്ങിയ വിവരങ്ങളുടെ നിയന്ത്രണം കേന്ദ്രസര്‍ക്കാരിനാണെന്നും ഈ വിവരങ്ങള്‍ പുറത്തു വിടരുതെന്നുമാണ് നിര്‍ദേശം. സംസ്ഥാനങ്ങള്‍ക്കും കേന്ദ്രഭരണപ്രദേശങ്ങള്‍ക്കും അയച്ച കത്തിലാണ് കേന്ദ്ര ആരോഗ്യമന്ത്രാലയം ഇക്കാര്യം ആവശ്യപ്പെട്ടിരിക്കുന്നത്.