ഹൈലൈറ്റ്:
- എട്ട് പേര്‍ പിടിയിൽ
- പരാതി നല്‍കിയത് പെൺകുട്ടിയുടെ അച്ഛൻ
- സംഭവം ഹരിയാനയിൽ
ഹരിയാനയിലെ റേവാരി ജില്ലയിലെ ഒരു ഗ്രാമത്തിലാണ് സംഭവമുണ്ടായതെന്നാണ് ദേശീയ മാധ്യമങ്ങളുടെ റിപ്പോര്‍ട്ട്. പീഡനം നടത്തിയ പ്രതികള്‍ സംഭവം മൊബൈലിൽ ചിത്രീകരിച്ചതായും റിപ്പോര്‍ട്ടിൽ പറയുന്നു. പ്രതികളിൽ ചിലര്‍ ഈ വീഡിയോകള്‍ സമൂഹമാധ്യമങ്ങളിൽ പ്രചരിപ്പിച്ചതോടെ സംഭവം ഇരയായ കുട്ടിയുടെ അച്ഛൻ്റെ ശ്രദ്ധയിൽപ്പെടുകയായിരുന്നു. തുടര്‍ന്ന് ഇദ്ദേഹം പോലീസിൽ പരാതിയുമായി എത്തുകയായിരുന്നു.
Also Read: ആറാം ക്ലാസ് വിദ്യാർഥിനിയെ ബലാത്സംഗം ചെയ്‌ത് ഗർഭിണിയാക്കി; അധ്യാപകർ ഒളിവിൽ
മധ്യവേനലവധിക്കാലത്ത് സ്കൂളുകള്‍ അടച്ചതോടെ കുട്ടികള്‍ പുറത്തു കളിക്കുന്നതു പതിവായിരുന്നു. മെയ് 24നാണ് സംഭവമുണ്ടായതെന്ന് പോലീസ് പറഞ്ഞു. ഒരു 18 വയസ്സുകാരനും പ്രായപൂര്‍ത്തിയാകാത്ത ഏഴു പേരുമാണ് കേസിൽ ഉള്‍പ്പെട്ടിട്ടുള്ളതെന്ന് റേവാരി ഡിവൈഎസ്‍പി ഹംസ് രാജ് മാധ്യമങ്ങളോടു പറഞ്ഞു. പ്രതികളിൽ ചിലര്‍ക്കെതിരെ ബലാത്സംഗക്കുറ്റം ചുമത്തിയിട്ടുണ്ടെന്നും മറ്റുള്ളവര്‍ക്കെതിരെ ഫോണിൽ പീഡനദൃശ്യങ്ങള്‍ പകര്‍ത്തിയതിനാണ് കേസെടുത്തിട്ടുള്ളതെന്നും പോലീസ് പറഞ്ഞു. കേസിൽ ഉള്‍പ്പെട്ട കുട്ടികള്‍ക്ക് 10 വയസ്സിനും 15 വയസിനും ഇടയിൽ മാത്രമാണ് പ്രായമെന്നും പോലീസ് വ്യക്താക്കി.
Also Read: വിവാഹേതര ബന്ധമെന്ന് സംശയം; ഗർഭിണിയെ ഭർത്താവ് കഴുത്തുഞെരിച്ചു കൊന്നു
ഇരയായ കുട്ടി സംഭവം വീട്ടിൽ പറഞ്ഞിരുന്നില്ലെന്നും എന്നാൽ വീഡിയോ ദൃശ്യങ്ങള്‍ അച്ഛൻ ശ്രദ്ധിച്ചതോടെ ചൊവ്വാഴ്ച കുടുംബം പരാതി നല്‍കുകയായിരുന്നുവെന്നും ഇതിൻ്റെ അടിസ്ഥാനത്തിലാണ് കേസെടുത്തതെന്നും പോലീസ് പറഞ്ഞു. പ്രതിയായ 18കാരനെ അറസ്റ്റ് ചെയ്തെന്നും പ്രായപൂര്‍ത്തിയാകാത്ത പ്രതികളെ നിരീക്ഷണത്തിൽ അയച്ചെന്നും പോലീസ് പറഞ്ഞു.
വീടിനടുത്തുള്ള സ്കൂള്‍ പരിസരത്തായിരുന്നു കുട്ടികള്‍ കളിച്ചിരുന്നത്. പ്രതികള്‍ കുട്ടിയെ വീടിനുള്ളിലേയ്ക്ക് കൊണ്ടുപോയി പീഡിപ്പിക്കുകയായിരുന്നുവെന്നും കേസിൽ അന്വേഷണം തുടരുകയാണെന്നും പോലീസ് പറഞ്ഞു.
കേരള കോണ്‍ഗ്രസിന് തിരിച്ചടി; നേതാക്കളും പ്രവര്‍ത്തകരും സിപിഐയിൽ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 8 including 7 minors held for gang molestation on 10 year old girl in haryana
Malayalam News from malayalam.samayam.com, TIL Network
