മൺസൂൺ സൗന്ദര്യ സംരക്ഷണം, ആർക്കും പിന്തുടരാം യാമിയുടെ ഈ വിദ്യകൾ

ബോളിവുഡ് അഭിനേതാക്കളുടെ പട്ടികയിൽ വേറിട്ടു നിൽക്കുന്ന അഭിനേത്രിയാണ് യാമി ഗൗതം. എല്ലായപ്പോഴും സൗന്ദര്യം മികച്ച രീതിയിൽ തന്നെ നിലനിർത്താൻ അവർ സ്വീകരിക്കുന്ന ചില വഴികളുണ്ട്. അത് തന്നെയാണ് ഏറെ ആകർഷകമായ അവരുടെ സൗന്ദര്യത്തിന് പിന്നിലെ രഹസ്യവും. സ്വന്തം ശരീരത്തിന്റെ പ്രത്യേകതകൾ അറിഞ്ഞും ഓരോ കാലാവസ്ഥയ്ക്കും അനുയോജ്യമായതുമായ ചർമ സംരക്ഷണ രീതികളാണ് യാമി ഗൗതം തിരഞ്ഞെടുക്കാറുള്ളത്.



മൺസൂൺ കാലത്ത് യാമിയുടെ മുടി സംരക്ഷണം ഇങ്ങനെ



ഏത് കാലാവസ്ഥയിലും തിളക്കവും കരുത്തുള്ളതുമായ മുടിയാണ് യാമി ഗൗതമിന്. കൃത്യമായ പരിചരണമാണ് ഇതിന് പിന്നിലെന്ന് അവർ പറഞ്ഞിട്ടുണ്ട്. അനാവശ്യമായി മുടിയിൽ ഈർപ്പം നിലനിൽക്കാൻ അനുവദിക്കാറില്ല, കൂടാതെ എല്ലായ്പോഴും വൃത്തിയായി സൂക്ഷിക്കാൻ ശ്രദ്ധിക്കാറുണ്ട്.

ഷാംപൂ ഉപയോഗം പരിമിതം



മുടിയിൽ എണ്ണ ഉപയോഗിക്കാറുണ്ട്. എന്നാൽ അത് അൽപ സമയത്തിനകം തന്നെ ഷാംപൂ ഉപയോഗിച്ച് കഴുകി വൃത്തിയാക്കുകയും ചെയ്യും. ഇതിന് വീര്യം കുറഞ്ഞ ഷാംപൂ മിതമായ തോതിൽ ഉപയോഗിക്കും. ഷാംപൂ ഉപയോഗിക്കുമ്പോൾ കണ്ടിഷണർ ഉപയോഗിക്കാൻ ഒരിക്കലും മറക്കാറില്ല.

സൗന്ദര്യ രഹസ്യങ്ങൾ പങ്കുവെച്ച് ജാൻ‌വി കപൂർ

യാമിയുടെ സ്പെഷ്യൽ ഹെയർ മാസ്ക്



വളരെ പ്രകൃതിദത്തമായ ചില ചേരുവകൾ ഉപയോഗിച്ചാണ് യാമി ഗൗതം കേശ സംരക്ഷണത്തിനുള്ള ഹെയർ പാക്ക് തയ്യാറാക്കുന്നത്. സൗന്ദര്യ കൂട്ടിലെ പ്രധാനിയായ കറ്റാർ വാഴ, ഉലുവ, ബദാം ഓയിൽ എന്നിവ യോജിപ്പിച്ച് തയ്യാറാക്കുന്ന പാക്ക് നിശ്ചിത ഇടവേളകളിൽ ഉപയോഗിക്കാറുണ്ട്. ഇത് തന്നെയാണ് മുടിയിഴകളുടെ സൗന്ദര്യത്തിന്റെ രഹസ്യമെന്ന് അവർ ഉറപ്പിച്ച് പറയുന്നു. കൂടാതെ മുട്ടയുടെ വെള്ളയും ഒലിവെണ്ണയും ഒരുമിച്ച് ചേർത്തും യാമി പ്രയോഗിക്കുന്നു.

ചർമകന്തിയുടെ സമവാക്യം ഇങ്ങനെ



മുടിയെക്കാൾ ചർമ സൗന്ദര്യത്തിന് പ്രാധാന്യം നൽകാറുണ്ട്. അതുകൊണ്ട് തന്നെ നിർബന്ധമായും ചെയ്യേണ്ട 3 കാര്യങ്ങൾ ഓർമയിൽ എപ്പോഴും വേണം.

1. ചർമത്തെ എപ്പോഴും മോയ്‌സ്ചറൈസ് ചെയ്യണം.

2. പുറത്ത് പോകുമ്പോഴും വെയിലേൽക്കുന്ന ഏത് സാഹചര്യത്തിലും സൺസ്‌ക്രീൻ ഉപയോഗിക്കണം.

3. എത്രയൊക്കെ മേക്കപ്പ് ചെയ്യുന്നുണ്ടെങ്കിലും ഉറങ്ങുന്നതിനുമുമ്പ് മേക്കപ്പ് നീക്കം ചെയ്യണം.

ഈ മൂന്ന് കാര്യങ്ങളാണ് യാമി ഗൗതം നിർബന്ധമായി പിന്തുടരുന്ന ചർമ സംരക്ഷണ കാര്യങ്ങൾ. ത്വക്കിന്റെ സ്വാഭാവിക ഭംഗി നഷ്ടപ്പെടാതിരിക്കാൻ ശ്രദ്ധിക്കേണ്ട അടിസ്ഥാനപരമായ കാര്യങ്ങളാണ് ഇവ മൂന്നും.

സൗന്ദര്യത്തിന് തേങ്ങാവെള്ളം



ഫേഷ്യലുകൾക്കായി യാമി സാധാരണ വെള്ളത്തിന് പകരം തേങ്ങാവെള്ളമാണ് തിരഞ്ഞെടുക്കുന്നത്. തേങ്ങാ വെള്ളം മികച്ച ഒരു ടോണറായി പ്രവർത്തിക്കുമെന്ന് യാമി പറയുന്നു.

അരിപ്പൊടി ഫേസ് പാക്ക്



അരിപ്പൊടിയാണ് യാമിയുടെ മറ്റൊരു പ്രധാന സൗന്ദര്യ സംരക്ഷണ ചേരുവ. അരിപ്പൊടിയിൽ പാലോ യോഗർട്ടോ ചേർത്ത് മിക്സ് ചെയ്ത് താരം മുഖത്ത് പ്രയോഗിക്കാറുണ്ട്.

‘തേൻ’ വഴി



കൂടാതെ തേനും യാമിയുടെ സൗന്ദര്യത്തിന് പിന്നിൽ മികച്ച രീതിയിൽ പ്രവർത്തിക്കുന്നു. തേൻ, റോസ് വാട്ടർ, ഗ്ലിസറിൻ, നാരങ്ങാനീര് എന്നിവ ചേർത്ത് മുഖത്ത് പുരട്ടുന്നതും യാമിയുടെ പതിവ് രീതികളിലൊന്നാണ്.

കൺപീലികൾക്ക്



കട്ടിയുള്ള പീലികൾക്ക് ആവണക്കെണ്ണ, വിറ്റാമിൻ ഇ ഓയിൽ, കറ്റാർ വാഴ എന്നിവയുടെ മിശ്രിതം യാമി ഉപയോഗിക്കുന്നു.

ചുണ്ടുകൾക്ക് നെയ്യ്



മറ്റ് ലിപ് ബാമുകൾക്ക് പകരമായി ചുണ്ടുകളുടെ സംരക്ഷണത്തിനായി യാമി തിരഞ്ഞെടുക്കുന്നത് നെയ്യ് ആണ്.

മഴക്കാല സൗന്ദര്യ സംരക്ഷണം:



മറ്റ് കാലാവസ്ഥകളിൽ നിന്ന് ഏറെ വ്യത്യസ്തമാണ് മഴക്കാലത്തെ സൗന്ദര്യ സംരക്ഷണം, പ്രത്യേകിച്ച് മുടിയുടെ കാര്യത്തിൽ. മുടി നനയുന്നതും പെട്ടെന്ന് ഉണങ്ങി വൃത്തിയാകാത്ത അവസ്ഥയുമെല്ലാം പ്രയാസം തന്നെയാണ്. എല്ലാ ദിവസവും കഴുകി വൃത്തിയാക്കുക എന്നത് പ്രയോഗികമല്ലാത്തതിനാൽ ഡ്രൈ ഷാംപൂ ഉപയോഗിച്ച് വൃത്തിയാക്കുകയാണ് യാമി ഗൗതം സ്വീകരിക്കുന്ന എളുപ്പ വഴി. ഇത് മുടിയിലെ നനവ് മാറ്റി കൂടുതൽ മനോഹരിതയോടെ നിലനിർത്താൻ സഹായിക്കുന്നു.

മൺസൂൺ കാലത്തേക്ക് ഒരു അഡ്വൈസ്:



മേക്കപ്പ് ഉത്പന്നങ്ങളുടെ ഉപയോഗം ഏറ്റവും കുറച്ച് മാത്രം ഉപയോഗിക്കുക എന്നതാണ് ഈ സമയത്ത് ചെയ്യേണ്ടത്. കൂടാതെ ചർമ സുഷിരങ്ങളിലെ അഴുക്കുകൾ നീക്കം ചെയ്യുന്നതിനായി ആഴ്ചയിൽ ഒരു ദിവസം ചർമം സ്ക്രബ് ചെയ്യുക. സുഷിരങ്ങളിൽ അടിഞ്ഞുകൂടിയ അഴുക്ക്, നിർജീവ കോശങ്ങൾ എന്നിവ നീക്കം ചെയ്യാനും സ്ക്രബ് ചെയ്യുക വഴി സാധിക്കും.

മേക്കപ്പ് ഉത്പ്പന്നങ്ങൾ:



മൺസൂൺ കാലത്ത് മേക്കപ്പ് പൊതുവെ കുറവാണ്. മുഖത്ത് വളരെ കുറഞ്ഞ രീതിയിളുള്ള മേക്കപ്പ്, ന്യൂഡ് പിങ്ക് മാറ്റ് ലിപ്സ്റ്റിക്ക്, വാട്ടർപ്രൂഫ് മസ്കാര എന്നിവ മാത്രമാണ് ഈ കാലാവസ്ഥയിൽ ഉപയോഗിക്കുക.