ഹൈലൈറ്റ്:
- 2016 – 18 കാലഘട്ടത്തിൽ കേരളത്തിൽ നിന്നും ഐഎസിൽ ചേര്‍ന്ന് ഖോരാസൻ പ്രവശ്യയിലേക്ക് പോയവരാണ് ഇവര്‍
- 2019 നവംബര്‍ ഡിസംബര്‍ മാസങ്ങളിലായി അഫ്ഗാൻ ഭരണകൂടത്തിന് കീഴടങ്ങുകയായിരുന്നു
- ഇവരുടെ ഭര്‍ത്താക്കന്മാര്‍ ഏറ്റുമുട്ടലിൽ കൊല്ലപ്പെട്ട ഐഎസ് ഭീകരരുടെ വിധവകളാണ്
Also Read : ‘ദിവ്യ പ്രേമം അല്ല മനുഷ്യാവകാശ ലംഘനം’; നെന്മാറ സംഭവത്തിൽ റിപ്പോര്‍ട്ട് തേടി വനിതാ കമ്മീഷൻ
2016 – 18 കാലഘട്ടത്തിൽ കേരളത്തിൽ നിന്നും ഐഎസിൽ ചേര്‍ന്ന് അഫ്ഗാനിസ്ഥാനിലെ ഖോരാസൻ പ്രവശ്യയിലേക്ക് പോയവരാണ് ഇവര്‍. പിന്നീട്, 2019 നവംബര്‍ ഡിസംബര്‍ മാസങ്ങളിലായി അഫ്ഗാൻ ഭരണകൂടത്തിന് കീഴടങ്ങുകയായിരുന്നു. പിന്നീട്, ഇവരെ കാബൂളിലെ ജയിലിൽ തടവിൽ പാര്‍പ്പിച്ചിരിക്കുകയാണ്.
ഇവരുടെ ഭര്‍ത്താക്കന്മാര്‍ ഏറ്റുമുട്ടലിൽ കൊല്ലപ്പെട്ട ഐഎസ് ഭീകരരുടെ വിധവകളാണ്. അഫ്ഗാനിസ്ഥാനിൽ ഉണ്ടായ വിവിധ ഏറ്റുമുട്ടലുകളിലാണ് ഇവരുടെ ഭര്‍ത്താക്കന്മാര്‍ കൊല്ലപ്പെട്ടത്. ഇവരെ ഇന്ത്യയിലേക്ക് മടക്കി കൊണ്ടുവരണമെന്ന് അഫ്ഗാൻ സര്‍ക്കാര്‍ ആവശ്യപ്പെട്ടിരുന്നു. മുതിർന്ന സര്‍ക്കാര്‍ ഉദ്യോഗസ്ഥനെ ഉദ്ധരിച്ച് ദി ഹിന്ദു ദിനപത്രമാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.
13 രാജ്യങ്ങളില്‍ നിന്നുള്ള ഇസ്ലാമിക് സ്റ്റേറ്റിലെ 408 അംഗങ്ങളെ തടവിൽ പാര്‍പ്പിച്ചിട്ടുള്ളതായി നാഷണൽ ഡയറക്ടറേറ്റ് ഓഫ് സെക്യൂരിറ്റി അഹമ്മദ് സിയ സരാജ് ഏപ്രിൽ 27ന് കാബൂളിൽ മാധ്യമങ്ങളോട് വ്യക്തമാക്കിയിരുന്നു.
പിടികൂടിയവരിൽ നാല് ഇന്ത്യക്കാരും 16 ചൈനക്കാരും 299 പാകിസ്താനികളും രണ്ട് ബംഗ്ലാദേശികളും രണ്ട് മാല ദ്വീപുകാരുമാണുള്ളത്. ഇവരെ മടക്കി അയക്കുന്നതിന് മുൻപ് 13 രാജ്യങ്ങളുമായി അഫ്ഗാൻ സ‍ർക്കാര്‍ ചര്‍ച്ചകള്‍ നടത്തുകയും ചെയ്തതായി നാഷണൽ ഡയറക്ടറേറ്റ് ഓഫ് സെക്യൂരിറ്റി അറിയിച്ചു. അതേസമയം, ഡൽഹിയിലെ അഫ്ഗാന്‍ ഉദ്യോഗസ്ഥര്‍ ഇക്കാര്യത്തിൽ പ്രതികരിച്ചിട്ടില്ല. ഇന്ത്യയുടെ നിര്‍ദ്ദേശത്തിന് വേണ്ടി കാത്തിരിക്കുകയാണെന്ന് കാബൂളിലെ മുതിർന്ന ഉദ്യോഗസ്ഥര്‍ വ്യക്തമാക്കുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : india unlikely to allow return of kerala women who join the islamic state in khorasan province
Malayalam News from malayalam.samayam.com, TIL Network
