ഇരുവരും ഇത് വരെ ഏഴ് തവണ നേര്‍ക്കുനേര്‍ ഏറ്റുമുട്ടിയിട്ടുണ്ട്. അഞ്ച് തവണയും ജോക്കോവിച്ചിനൊപ്പമായിരുന്നു ജയം
French Open 2021 Men’s Final, Djokovic vs Tsitsipas Tennis Live Score Streaming: ഫ്രഞ്ച് ഓപ്പണ്‍ പുരുഷ വിഭാഗം ഫൈനലില്‍ സെര്‍ബിയയുടെ നൊവാക് ജോക്കോവിച്ച് ഗ്രീക്ക് താരം സ്റ്റെഫാനോസ് സിറ്റ്സിപാസിനെ നേരിടും. 19-ാം ഗ്രാന്‍ഡ് സ്ലാം കിരീടം ലക്ഷ്യമിട്ടാണ് ജോക്കോവിച്ച് റോളണ്ട് ഗാരോസില്‍ കലാശപ്പോരാട്ടത്തിന് ഇറങ്ങുന്നത്. സെര്‍ബിയന്‍ താരത്തിന്റെ പ്രധാന ടൂര്‍ണമെന്റുകളിലെ 29-ാം ഫൈനലാണിത്.
കിരീടം നേടാനായാല്‍ 20 വീതം ഗ്രാന്‍ഡ് സ്ലാമുള്ള ഇതിഹാസങ്ങളായ റോജര്‍ ഫെഡററിനും, റാഫേല്‍ നദാലിനും ഒപ്പമെത്താനുള്ള ഓട്ടത്തില്‍ ഒരു പടി കൂടി അടുക്കാന്‍ ജോക്കോവിച്ചിനാകും. നിലവിലെ ചാമ്പ്യനായ റാഫേല്‍ നദാലിനെ കരിയറിലെ തന്നെ മികച്ച പോരാട്ടത്തിലൂടെയാണ് ജോക്കോ സെമി ഫൈനലില്‍ കീഴടക്കിയത്.
ജോക്കോവിച്ചിന്റെ എതിരാളിയാകട്ടെ 22 കാരനായ സിറ്റ്സിപാസ്. അഞ്ചാം സീഡായ സിറ്റ്സിപാസ് തൊട്ടുപിന്നിലുള്ള അലക്സാണ്ടര്‍ സ്വരേവിനെയാണ് സെമിയില്‍ പരാജയപ്പെടുത്തിയത്.
അഞ്ച് സെറ്റ് നീണ്ടു നിന്നു പോരാട്ടം. ആദ്യ രണ്ടും നേടി സിറ്റ്സിപാസ് ജയം അനായാസം നേടുമെന്ന് കരുതിയപ്പോള്‍ അടുത്ത രണ്ട് സെറ്റുകള്‍ സ്വരേവ് സ്വന്തമാക്കി. നിര്‍ണായകമായ അവസാന സെറ്റില്‍ സിറ്റ്സിപാസ് മികവ് തെളിയിക്കുകയായിരുന്നു.
ഇരുവരും ഇത് വരെ ഏഴ് തവണ നേര്‍ക്കുനേര്‍ ഏറ്റുമുട്ടിയിട്ടുണ്ട്. അഞ്ച് തവണയും ജോക്കോവിച്ചിനൊപ്പമായിരുന്നു ജയം. രണ്ട് തവണ സിറ്റ്സിപാസും വിജയിച്ചു.
When and what time will the French Open match between Djokovic vs Tsitsipas begin? ജോക്കോവിച്ചും സിറ്റ്സിപാസും തമ്മിലുള്ള മത്സരം എപ്പോഴാണ് ആരംഭിക്കുന്നത്?
ഇന്ത്യന്‍ സമയം വൈകുന്നേരം 6.30 നാണ് മത്സരം.
Which channel will telecast the French Open match between Djokovic vs Tsitsipas? തത്സമയ സംപ്രേക്ഷണം എവിടെ കാണാം?
ജോക്കോവിച്ചും സിറ്റ്സിപാസും തമ്മിലുള്ള മത്സരത്തിന്റെ തത്സമയ സംപ്രേക്ഷണം സ്റ്റാര്‍ സ്പോര്‍ട്സിലൂടെ കാണാം.
How to watch the live streaming of the French Open match between Djokovic vs Tsitsipas? ലൈവ് സ്ട്രീമിങ് എങ്ങനെ കാണാം?
ജോക്കോവിച്ചും സിറ്റ്സിപാസും തമ്മിലുള്ള മത്സരത്തിന്റെ ലൈവ് സ്ട്രീമിങ് ഹോട്സ്റ്റാര്‍ ആപ്പിലും, വെബ്സൈറ്റിലൂടെയും കാണാവുന്നതാണ്.
