പരിശീലകന്‍ ഇല്ലാതെ ഫുട്‌ബോള്‍ താരമാവാം
രണ്ട് നിലകളിലായി നിര്‍മിച്ച ആര്‍ട്ടിഫിഷ്യല്‍ ഇന്റലിജന്‍സ് ഉള്‍പ്പെടെയുള്ള സാങ്കേതിക വിദ്യകളുടെ സഹായത്തോടെ രൂപകല്‍പ്പന ചെയ്ത ഫുട്‌ബോള്‍ പരിശീലന- വിനോദ പാര്‍ക്കാണിത്. ചെറിയ കുട്ടികള്‍ക്ക് ഉള്‍പ്പെടെ ഫുട്‌ബോള്‍ കളിയുടെ വിവിധ ടെക്‌നിക്കുകളില്‍ മികവ് നേടാന്‍ ഇവിടത്തെ ശാസ്ത്രീയ പരിശീലനത്തിലൂടെ സാധിക്കും. ഒരു ട്രെയിനറുടെ അഭാവത്തിലും സ്വന്തമായി ഫുട്‌ബോള്‍ കളിയുടെ എല്ലാ മേഖലകളിലും കഴിവ് അളക്കാനും അവ വികസിപ്പിക്കാനും മെച്ചപ്പെടുത്താനും സാധിക്കും എന്നതാണ് ഇവിടത്തെ സവിശേഷത.
ഷോട്ടിന്റെ കൃത്യത അളക്കാന്‍ സംവിധാനം
ഫുട്‌ലാബിലേക്ക് പ്രവേശിക്കുമ്പോള്‍ ലഭിക്കുന്ന ഒരു ബ്രേസ്‌ലെറ്റ് പരിശീലനത്തിന് ഉപയോഗിക്കുന്ന എല്ലാ യന്ത്രങ്ങളിലും സൈ്വപ്പ് ചെയ്ത് ഉപയോഗിക്കുന്നതാണ് ഇവിടത്തെ രീതി. വ്യത്യസ്ത ആംഗിളുകളില്‍ ഗോളടിക്കാനും പോസ്റ്റിലേക്കുള്ള ഷോട്ടിന്റെ കൃത്യത അളക്കാനും ഇവിടെ സംവിധാനമുണ്ട്. ഫുട്‌ബോളിനാവശ്യമായ രീതിയിലുള്ള ശാരീരികക്ഷമത കൈവരിക്കുന്നതിനുള്ള പരിശീലന സംവിധാനവും ഇവിടെയുണ്ട്. അതോടൊപ്പം കളി കാണാനും കളി ആസ്വാദിക്കാനും ഫുട്‌ബോള്‍ ലോകത്തെ വിശേഷങ്ങളിറിയാനുമുള്ള സംവിധാനങ്ങളും ഇവിടെ ഒരുക്കിയിട്ടുണ്ട്.
ലോകത്തൈ രണ്ടാമത്തെ ഫുട്‌ലാബ് സംരംഭം
അവസരമൊരുക്കുന്ന സംരംഭമാണ് ഫുട്‌ലാബ്. റൂയ് കോസ്റ്റയുടെ തന്നെ ആശയത്തിന്റെ അടിസ്ഥാനത്തില്‍ വികസിപ്പിച്ച ആദ്യ ഫുട്‌ലാബ് പാര്‍ക്ക് തന്റെ ജന്‍മനാടായ പോര്‍ച്ചുഗലിലെ ലിസ്ബണിലാണ് നിലവില്‍ വന്നത്. രണ്ടാമത്തേതാണ് ദുബായ് സ്‌പോര്‍ട്‌സ് സിറ്റിയിലെ ഇന്‍ഡോര്‍ വിനോദകേന്ദ്രം. മൂന്നാമത്തെ ഫുട്‌ലാബ് സൗദിയിലെ ജിദ്ദയിലാണ് ഒരുങ്ങുന്നത്. 3000 ചതുരശ്രമീറ്റര്‍ വിസ്തൃതിയിലാണ് ദുബായിലെ ഫുട്‌ലാബ് ഒരുക്കിയിരിക്കുന്നത്. സ്ട്രീറ്റ് സോക്കര്‍, അഞ്ചുപേരുടെ ടീമിന് ഫുട്ബാള്‍ കളിക്കാവുന്ന മൈതാനങ്ങള്‍, ഫുട് വോളി സ്റ്റേഷന്‍ എന്നിവയല്ലൊം ഫുട്‌ലാബിന്റെ പ്രത്യേകതകളാണ്. അതോടൊപ്പം ബര്‍ത്ത്‌ഡേ പാര്‍ട്ടികള്‍ ഒരുക്കാനും കുടുംബ സമേതം സമയം ചെലവഴിക്കാനും മീറ്റിംഗുകള്‍ ചേരാനുമൊക്കെയുള്ള സൗകര്യങ്ങളും ഫുട്‌ലാബില്‍ ഒരുക്കിയിട്ടുണ്ട്. ഫുട്‌ബോള്‍ കമ്പക്കാര്‍ ഏറെയുള്ള ദുബായില്‍ കളിയുടെ നിലവാരം പുതിയൊരു തലത്തിലേക്ക് ഉയര്‍ത്താന്‍ ഫുട്‌ലാബിലൂടെ കഴിയുമെന്ന് ഇതിന്റെ മാനേജിംഗ് ഡയരക്ടര്‍ ഹുസൈന്‍ മുറാദ് പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : new indoor football and entertainment park opens in dubai
Malayalam News from malayalam.samayam.com, TIL Network
