സ്റ്റെർലിങ്ങിന്റെ ഗോളിൽ ക്രൊയേഷ്യയെ പരാജയപ്പെടുത്തി ഇംഗ്ലണ്ട്

ക്രൊയേഷ്യയെ എതിരില്ലാത്ത ഒരു ഗോളിന് ഇംഗ്ലണ്ട് പരാജയപ്പെടുത്തി

യൂറോ 2020ൽ ഇംഗ്ലണ്ടിന് വിജയത്തുടക്കം. ലണ്ടനിലെ വെംബ്ലി സ്റ്റേഡിയത്തിൽ ഞായറാഴ്ച നടന്ന മത്സരത്തിൽ ഫിഫ 2018 ലോകകപ്പ് ഫൈനലിസ്റ്റുകളായ ക്രൊയേഷ്യയെ എതിരില്ലാത്ത ഒരു ഗോളിന് ഇംഗ്ലണ്ട് പരാജയപ്പെടുത്തി.

യൂറോയുടെ തുടക്കത്തിൽ തന്നെ വിജയം നേടാൻ ഇത്തവണ ഇംഗ്ലണ്ടിന് കഴിഞ്ഞു. 57-ാം മിനിറ്റിൽ റഹീം സ്റ്റെർലിങ്ങാണ് വിജയഗോൾ നേടിയത്.

മിഡ്‌ഫീൽഡിന്റെ ഹൃദയഭാഗത്ത് നിന്ന് കാൽവിൻ ഫിലിപ്സ് നൽകിയ പാസ് മാഞ്ചസ്റ്റർ സിറ്റി ഫോർ‌വേഡ് ഒരു നിസ്സഹായനായ ഗോൾകീപ്പറെ മറികടന്ന് വലയിലെത്തിക്കുകയായിരുന്നു. ഇംഗ്ലണ്ട് തുടക്കം മുതൽ തന്നെ ആധിപത്യം പുലർത്തിയിരുന്നു. അവസാന ഭാഗത്ത് ക്രൊയേഷ്യയുടെ മൂർച്ച കുറഞ്ഞ പോരാട്ടം ഇംഗ്ലണ്ടിനെതിരെ സമ്മർദ്ദം ചെലുത്തുന്നതിൽ പരാജയപ്പെട്ടു.