തിരക്കുള്ള മെട്രോ ട്രെയിനിൽ എങ്ങനെ ഒരു സീറ്റ് ഒപ്പിക്കാം? ഉഡായിപ് ഐഡിയ

നിങ്ങൾ ഒരു യാത്ര ചെയ്യാൻ തീരുമാനിക്കുന്നു. കുളിച്ചൊരുങ്ങി പുതിയ വസ്ത്രവുമിട്ട് ബസ്സിൽ അല്ലെങ്കിൽ ട്രെയിനിൽ കയറുന്നു. നല്ല തിരക്കുണ്ട്. നിങ്ങൾക്ക് പക്ഷെ ഇരിക്കണം എന്ന ആഗ്രഹവുമുണ്ട് എന്തുചെയ്യും? ഏതെങ്കിലും ഒരു സീറ്റിനടുത്ത് പോയി നിന്ന ശേഷം ആ സീറ്റിൽ ഇരിക്കുന്ന ആൾ എഴുന്നേറ്റ് പോകുന്നതുവരെ കാത്ത്നിൽക്കുന്നതിൽ ഒരു റിസ്കുണ്ട്. ആ വ്യക്തി അവസാന സ്റ്റോപ്പ് വരെ അവിടെ ഇരുന്നാലോ? പക്ഷെ, തിരക്കുള്ള ട്രെയിനിൽ അല്ലെങ്കിൽ ബസ്സിൽ സീറ്റ് കണ്ടെത്താൻ ഒരു ഉടായിപ്പ് വഴിയുണ്ട്. നിങ്ങൾ ഒരിക്കലും അനുകരിക്കാൻ പാടില്ലാത്ത വഴി.



ട്യൂബ്.ഇന്ത്യൻ എന്ന് പേരുള്ള ഇൻസ്റ്റാഗ്രാം പേജിലാണ് വൈറലാവുന്ന വീഡിയോ പോസ്റ്റ് ചെയ്തിരിക്കുന്നത്. ഡൽഹി മെട്രോയിൽ സഞ്ചരിക്കുകയാണ് യുവാവ്. ഇരിപ്പിടങ്ങൾ എല്ലാം നിറഞ്ഞിരിക്കുന്നു. നിൽക്കുകയായിരുന്ന യുവാവ് പെട്ടന്ന് വിറയ്ക്കാൻ ആരംഭിച്ചു. എന്താണ് എന്ന് മനസ്സിലാകാതെ അടുത്ത് നിന്നവർ പേടിച്ചു. സെക്കൻഡുകൾ കഴിഞ്ഞിട്ടും വിറയൽ മാറാതെ വന്നപ്പോൾ യുവാവിന്റെ അടുത്തുള്ള സീറ്റുകളിൽ ഇരുന്നവർ പലരും പേടിച്ച് എഴുനേറ്റു. ഈ സമയത്ത് അൽപ നേരം വിറക്കുന്നത് നിർത്തി കക്ഷി. എന്നിട്ട് ഒഴിഞ്ഞ സീറ്റിൽ ഇരുന്ന ശേഷം തനിക്ക് സത്യത്തിൽ വിറയലുണ്ടായി എന്ന പ്രതീതി വരുത്താൻ ഒന്നുകൂടെ വിറച്ചു കക്ഷി.

ലെനിന്റെ അനുഗ്രഹത്തോടെ ‘മമത ബാനർജി’ സോഷ്യലിസത്തെ കല്യാണം കഴിക്കുന്നു

“തിരക്കുള്ള മെട്രോയിൽ സീറ്റ് കണ്ടെത്താൻ യുവാവിന്റെ ഉടായിപ്പ്” എന്ന തലക്കെട്ടുമായാണ് വീഡിയോ പോസ്റ്റ് ചെയ്തിരിക്കുന്നത്. അനവസരത്തിലുള്ള പ്രാങ്ക് വീഡിയോ ആണ് ഇതെന്നാണ് ഭൂരിപക്ഷ അഭിപ്രായം. ” ഏതു കടയിലാണ് ഇത്രയും ധൈര്യം ലഭിക്കുക” എന്നാണ് മെഹർ ശരൺ എന്ന യുവാവിന്റെ കമന്റ്. “ഇവൻ ശരീരത്തിൽ വൈബ്രേഷൻ മോഡ് കൊണ്ടാണോ നടക്കുന്നത്?” ശ്രീവത്സവ എന്ന ഇൻസ്റ്റാഗ്രാം ഉപഭോക്താവ് കുറിച്ചു.

ലെയ്സ് ചിപ്സ് കറി കൂട്ടി ചോറുണ്ടാലോ? നമ്മടെ പൊട്ടറ്റോ ചിപ്സ് തന്നെ

“സത്യം മനസ്സിലാക്കി കഴിയുമ്പോൾ നാട്ടുകാർ പിടിച്ചു തല്ലിയ വീഡിയോ എത്തും ‘വിത്ത് മാപ് മാപ്’ എന്നാണ് പായൽ എന്ന യുവതിയുടെ പ്രതികരണം. ‘ടർ കെ ആകെ ജീത്ത് ഹേയ്’ (പേടിക്കപ്പുറം ജയമാണ്) എന്നാണ് കുന്ദൻ എന്ന യുവാവിന്റ കമന്റ്.