ഹൈലൈറ്റ്:
- യുവതിയെ നഗ്നയാക്കി നടത്തിച്ചു
- ക്രൂരത വിവാഹേതര ബന്ധം ആരോപിച്ച്
- സംഭവം ചിത്രീകരിച്ച് പ്രചരിപ്പിച്ചു
പശ്ചിമബംഗാളിലെ ആലിപ്പൂര്‍ദുര്‍ ജില്ലയിലെ കുമർഗ്രാം പോലീസ് സ്റ്റേഷൻ പരിധിയിൽ ജൂൺ 9നാണ് ക്രൂരകൃത്യം അരങ്ങേറിയത്. അക്രമത്തിന്‍റെ ദൃശ്യങ്ങൾ ഞായറാഴ്ച പുറത്ത് വന്നതോടെയാണ് വാർത്ത പുറംലോകം അറിയുന്നതും നടപടി ഉണ്ടാകുന്നതും. ആറുമാസം മുൻപായിരുന്നു യുവതി ഭര്‍ത്താവിനെ ഉപേക്ഷിച്ച് പോയത്. വിവാഹേതര ബന്ധത്തെ തുടര്‍ന്നാണ് ഇവർ വീടുവിട്ടതെന്നാണ് നാട്ടുകാർ ആരോപിക്കുന്നത്.
Also Read : സ്കൂള്‍ കുട്ടികളെക്കൊണ്ട് നഗ്നനൃത്തം, പഠിച്ചത് മറക്കാതിരിക്കാൻ ചുംബനം; ആള്‍ദൈവത്തിനെതിരെ കേസ്
കഴിഞ്ഞയാഴ്ച ഇവർ തിരിച്ചെത്തിയതോടെയാണ് നാട്ടുകാർ വിഷയത്തിൽ ഇടപെടുന്നതും ശിക്ഷ നടപ്പിലാക്കുന്നതും. കഴിഞ്ഞ ബുധനാഴ്ച രാത്രി ഗ്രാമവാസികളിൽ കുറച്ച് പേർ വീട്ടിലെത്തുകയും യുവതിയെ വീടിന് പുറത്തേക്ക് വലിച്ചിഴക്കുകയുമായിരുന്നു. ക്രൂരമർദ്ദത്തിനിരയാക്കിയ ഇവരെ നഗ്നയാക്കി നടത്തിക്കുകയും ചെയ്തു.
ഇതിന് ശേഷം യുവതിയെ ആരും കണ്ടിരുന്നില്ല. സംഭവത്തെക്കുറിച്ച് പോലീസിനെ ആരും അറിയിക്കുകയും ചെയ്തില്ല. വീഡിയോ പുറത്ത് വന്നതിന് പിന്നാലെയാണ് ഇവരെക്കുറിച്ച് അന്വേഷണം നടക്കുന്നത്. തുടര്‍ന്ന് യുവതിയെ അസമിലെ മാതാപിതാക്കളുടെ വീട്ടിൽ നിന്ന് കണ്ടെത്തി. അവിടെ നിന്ന് ഇവരെ തിരികെ കൊണ്ടുവരികയും ചെയ്തു.
17കാരനെ തട്ടിക്കൊണ്ടു പോയി ലൈംഗികമായി പീഡിപ്പിച്ച 23 കാരി അറസ്‌റ്റിൽ
തുടർന്ന് കൗണ്‍സലിങ്ങിന് വിധേയമാക്കിയ ശേഷമാണ് യുവതി പരാതി നൽകുന്നത്. തന്നെ ഉപദ്രവിച്ചവരുടെ പേരും യുവതി വെളിപ്പെടുത്തിയിരുന്നു. കേസില്‍ പ്രതികളായ അഞ്ചുപേര്‍ ഒളിവിലാണ്. അറസ്റ്റിലായ ആറുപേരെ 12 ദിവസത്തെ പോലീസ് കസ്റ്റഡിയിൽ വിട്ടിരിക്കുകയാണ്.
ലോക്ക് ഡൗൺ അവസാനിക്കുന്നു; പ്രാദേശിക നിയന്ത്രണം വന്നേക്കും
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : a tribal woman in west bengal attacked by some villagers allegedly as punishment for an extra-marital affair
Malayalam News from malayalam.samayam.com, TIL Network
