ഗോൾ രഹിത സമനിലയിൽ മുന്നോട്ട് പോയ മത്സരത്തിൽ 84ാം മിനുറ്റിലാണ് പോർച്ചുഗലിന്റെ ആദ്യ ലീഡ്
UEFA Euro 2020 Portugal 3- 0 Hungary- Result Goal: യൂറോ 2020 മത്സരത്തിൽ എതിരില്ലാത്ത മൂന്ന് ഗോളിന് ഹംഗറിയെ തകർത്ത് പോർച്ചുഗൽ. പോർച്ചുഗലിന് വേണ്ടി നായകൻ ക്രിസ്റ്റ്യാനോ റൊണാൾഡോ ഇരട്ട ഗോൾ നേടി. 87ാം മിനുറ്റിലും ഇഞ്ച്വറി ടൈമിന്റെ രണ്ടാം മിനുറ്റിലുമാണ് റോണോയുടെ ഗോളുകൾ.
ഗോൾ രഹിത സമനിലയിൽ മുന്നോട്ട് പോയ മത്സരത്തിൽ 84ാം മിനുറ്റിലാണ് റാഫേൽ ഗ്വറേറിയോയുടെ ഗോളിലൂടെ പോർച്ചുഗൽ ആദ്യ ലീഡ് നേടിയത്. 87ാം മിനുറ്റിൽ റോണോയുടെ ആദ്യ ഗോളിൽ പോർച്ചുഗൽ ലീഡുയർത്തി. എക്സ്ട്രാ ടൈമിൽ രണ്ടാം മിനുറ്റിൽ റോണോയുടെ രണ്ടാം ഗോൾ പിറന്നതോടെ ഹംഗറിയെ 3-0ന് തോൽപിച്ച് പോർച്ചുഗൽ ആദ്യ മത്സരം പൂർത്തിയാക്കി.
