ഹൈലൈറ്റ്:
- അപൂർവ രോഗം ബാധിച്ച കുട്ടിക്ക് സഹായം തേടി പിതാവ്.
- ജീവൻ രക്ഷാ മരുന്ന് വാങ്ങാൻ സഹായം വേണം.
- മരുന്നിന് വേണ്ടിവരുക 16 മുതൽ 18 കോടി രൂപ വരെ.
കൊവിഡ് മരണം ബുധനാഴ്ച മുതൽ റിപ്പോർട്ട് ചെയ്യുക ഓൺലൈൻ വഴി; കാലതാമസം ഒഴിവാകും
കോഴിക്കോട് സ്വദേശി ആരിഫിൻ്റെ കുഞ്ഞിനാണ് ഞരമ്പുകളെയും പേശികളെയും ബാധിക്കുന്ന സ്‌പൈനൽ മസ്‌കുലർ അട്രോഫി എന്ന അപൂർവ ജനിതകരോഗം ബാധിച്ചത്. 16 മുതൽ 18 കോടി രൂപ വരെ വിലയുള്ള ‘ഒനസെമനജീൻ’ എന്ന മരുന്ന് വാങ്ങുന്നതിനായുള്ള സഹായം തേടിയാണ് ആരിഫ് കോടതിയെ സമീപിച്ചത്. മരുന്ന് ഇറക്കുമതി ചെയ്യുന്നതിനൊപ്പം കുഞ്ഞിൻ്റെ ചികിത്സയ്‌ക്കായി സർക്കാരിൻ്റെ ഭാഗത്ത് നിന്നും സഹായം വേണമെന്നുമാണ് ആവശ്യം.
വെൻ്റിലേറ്ററിൽ കഴിയുന്ന കുട്ടിയുടെ ആരോഗ്യനില സംബന്ധിച്ച് മെഡിക്കൽ കോളേജ് അധികൃതർ നൽകിയ റിപ്പോർട്ട് ജസ്‌റ്റിസ് ബെച്ചു കുര്യൻ തോമസ് പരിശോധിക്കുകയും സരിക്കാരിൽ നിന്ന് വിശദീകരണം തേടി. മരുന്നിൻ്റെ ഫലസിദ്ധി, വില, ചികിത്സാ രീതി, ക്രൗഡ് ഫണ്ടിങ് എന്നീ സാധ്യതകൾ കണക്കിലെടുത്ത് 28നകം സത്യവാങ്‌മൂലം സമർപ്പിക്കണമെന്ന് സർക്കാരിനും ആരോഗ്യ വകുപ്പ് ഡയറക്‌ടറോടും കോടതി നിർദേശിച്ചു.
3 വയസുകാരനെ രക്ഷിക്കാന്‍ 16 കോടി രൂപ വിലയുള്ള മരുന്ന്; വാങ്ങുന്നത് ലോകത്തെ ഏറ്റവും വിലകൂടിയ മരുന്ന്
ജനിച്ച് 40 ദിവസം കഴിഞ്ഞിട്ടും കൈ ചലിപ്പിക്കാൻ കഴിയാതെ വന്നതോടെ നടത്തിയ പരിശോധനയിലാണ് രോഗം കണ്ടെത്തിയത്. കഴിഞ്ഞ മൂന്ന് മാസമായി കുട്ടി വെൻ്റിലേറ്ററിൽ കഴിയുകയാണ്. സമാനമായ സംഭവം കഴിഞ്ഞ ദിവസം ഹൈദരാബാദിൽ റിപ്പോർട്ട് ചെയ്‌തിരുന്നു. ഹൈദരാബാദ് സ്വദേശികളായ യോഗേഷ് ഗുപ്‌ത – രൂപൽ ഗുപ്‌ത ദമ്പതികളുടെ മൂന്ന് വയസുകാരനായ മകനാണ് 16 കോടിയുടെ മരുന്ന് ലഭ്യമായത്.
ആവശ്യമായത് വലിയ തുകയായതിനാൽ ക്രൗഡ് ഫണ്ടിങ് പ്ലാറ്റ്‌ഫോമായ ‘ഇംപാക്‌ട് ഗുരു’വിലൂടെ കഴിഞ്ഞ രണ്ട് വർഷമായി തുടരുന്ന ഇടപെടൽ മൂലമാണ് ആവശ്യമായ തുക കുടുംബത്തിന് ലഭിച്ചത്. 65,000 പേരിൽ നിന്നായി 14,84 കോടി രൂപയാണ് സംഭാവനയായി ലഭിച്ചത്. ഡോക്‌ടർമാരടക്കമുള്ളവരുടെ ഇടപെടലാണ് സഹായമായത്.
മുഖ്യമന്ത്രിയെ അത്ഭുതപ്പെടുത്തിയത് പിലിക്കോടിൻ്റെ ‘കേരശ്രീ’; അറിയാം പ്രത്യേകതകൾ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kozhikode native 5 month old child need 16 crore worth medicine
Malayalam News from malayalam.samayam.com, TIL Network
