സമ്മർദ്ദം കുറയ്ക്കാനും ശ്വസന പ്രവർത്തനങ്ങൾ മെച്ചപ്പെടുത്താനും സഹായിക്കുന്ന ചില ശ്വസന വ്യായാമങ്ങൾ ഉണ്ട്. അത്തരത്തിൽ നിങ്ങൾക്ക് ദിവസവും ശീലിക്കാവുന്ന മൂന്ന് വ്യായാമരീതികൾ പരിചയപ്പെടാം.
സമ്മർദ്ദം കുറയ്ക്കാൻ 3 ശ്വസന വ്യായാമങ്ങൾ
ഹൈലൈറ്റ്:
- ഉത്കണ്ഠ, സമ്മർദ്ദം എന്നിവ കുറയ്ക്കാൻ നിങ്ങളെ സഹായിക്കുന്ന ചില വ്യായാമങ്ങളുണ്ട്.
- ഈ ശ്വസന വ്യായാമങ്ങൾ ശീലിക്കുന്നത് സമ്മർദ്ദം അകറ്റാൻ ഏറെ സഹായകരമാണ്.
സമ്മർദ്ദം കുറയ്ക്കാൻ സഹായിക്കുന്ന ചില ശ്വസന വ്യായാമങ്ങൾ പരിചയപ്പെടാം.
01. ചുണ്ടുകളുടെ സഹായത്തോടെയുള്ള ശ്വസനം
ഈ രീതി (Pursed Lip Breathing) നിങ്ങൾ ശ്വസിക്കുന്ന വേഗത കുറയ്ക്കുകയും നിങ്ങളുടെ ശ്വാസകോശത്തിലേക്ക് കൂടുതൽ ഓക്സിജൻ നൽകുകയും ചെയ്യുന്നു. ഈ രീതിയിൽ, നിങ്ങളുടെ ശ്വാസോച്ഛ്വാസം ബോധപൂർവവും സാവധാനത്തിലുള്ളതും മനസ്സറിഞ്ഞ് ചെയ്യുന്നതുമായിരിക്കും. രീതി ശരിയാക്കാൻ ദിവസത്തിൽ നാലോ അഞ്ചോ തവണ ഈ വ്യായാമം പരിശീലിക്കുക. ഇത് ഉത്കണ്ഠ ഒഴിവാക്കുന്ന ഒരു ലളിതമായ വ്യായാമമാണ്, മാത്രമല്ല ശ്വാസകോശ സംബന്ധമായ അസുഖങ്ങളാൽ ബുദ്ധിമുട്ടുന്നവർക്ക് ഇത് പ്രത്യേകിച്ചും പ്രയോജനകരമാണ്. കയറ്റം കയറുക, ഭാരം ഉയർത്തുക, വ്യായാമം ചെയ്യുക തുടങ്ങിയ ശ്വാസതടസ്സം ഉണ്ടാക്കുന്ന പ്രവർത്തനങ്ങളിൽ ഏർപ്പെടുമ്പോൾ നിങ്ങൾക്ക് ഇത് ചെയ്യാൻ കഴിയും.
1. സുഖപ്രദമായ സ്ഥാനത്ത് ഇരിക്കുക, നിങ്ങളുടെ കഴുത്തും തോളും വിശ്രമിക്കുക.
2. നിങ്ങളുടെ വായ അടച്ചുകൊണ്ട്, നിങ്ങളുടെ മൂക്കിലൂടെ 2 സെക്കൻഡ് ശ്വസിക്കുക.
3. അടുത്തതായി, നിങ്ങൾ വിസിൽ അടിക്കുകയോ സ്ട്രോ കുടിക്കുകയോ ചെയ്യുന്നതുപോലെ നിങ്ങളുടെ ചുണ്ടുകൾ കൂർപ്പിച്ച് പിടിക്കുക.
4. 4 സെക്കൻഡ് നേരം നിങ്ങളുടെ ചുണ്ടിലൂടെ സാവധാനത്തിൽ ശ്വാസം പുറത്തേക്ക് വിടുക.
Kickboxing : കിക്ക്ബോക്സിംഗ് ചെയ്‌താൽ ഗുണങ്ങൾ ഇതൊക്കെയാണ്
02. ലയൺസ് ബ്രീത്
ഇത് പ്രാണായാമത്തിന്റെ ഒരു രൂപമാണ്, നെഞ്ചിലെയും മുഖത്തെയും പിരിമുറുക്കം ഒഴിവാക്കുക, ശ്വാസകോശങ്ങളെ ശക്തിപ്പെടുത്തുക, വികാരങ്ങൾ ശുദ്ധീകരിക്കുക, നിങ്ങളെ ഊർജ്ജസ്വലമാക്കുക തുടങ്ങിയ ഗുണങ്ങൾ ഇത്.നൽകുന്നു. നിങ്ങൾക്ക് ഇത് ഒരു യോഗാസനത്തിന് മുമ്പോ ശേഷമോ അല്ലെങ്കിൽ നിങ്ങളുടെ ധ്യാന പരിശീലനത്തിന്റെ അവസാനത്തിലോ ചെയ്യാം – അല്ലെങ്കിൽ ദിവസത്തിൽ ഏത് സമയത്തും സ്വന്തമായി ചെയ്യാവുന്നതുമാണ്
1. സുഖപ്രദമായ സ്ഥാനത്ത് ഇരിക്കുക – ചമ്രംപടിഞ്ഞ് ഇരിക്കാം അല്ലെങ്കിൽ കാലുകൾ കുത്തുവച്ച് ഇരിക്കാം.
2. നിങ്ങളുടെ വിരലുകൾ നിങ്ങളുടെ കാലുകളിലോ തറയിലോ വയ്ക്കുക. സിംഹത്തിന്റെ നഖങ്ങളെ അനുകരിച്ചുകൊണ്ട് അവയെ നിങ്ങളുടെ നേരെ അകത്തേക്ക് തിരിക്കുക, കഴിയുന്നത്ര വീതിയിൽ പരത്തുക.
3. നിങ്ങളുടെ മൂക്കിലൂടെ ശ്വസിക്കുക. നിങ്ങളുടെ വായ അടച്ചിട്ടുണ്ടെന്ന് ഉറപ്പാക്കുക.
4. നിങ്ങളുടെ വായ തുറക്കുക, നിങ്ങളുടെ നാവ് നിങ്ങളുടെ കീഴ്താടിയിലേയ്ക്ക് നീട്ടുക.
5. ‘ഹ’ ശബ്ദത്തോടെ ശക്തിയായി ശ്വാസം പുറത്തേക്ക് വിടുക. ശ്വാസം ഉള്ളിൽ നിന്ന് വരുന്നതും നിങ്ങളുടെ നാവിലൂടെ കടന്നുപോകുന്നതും സ്വയം അനുഭവിക്കുക. നിങ്ങളുടെ മുഴുവൻ ശ്വാസം പുറത്തേക്ക് വിടുന്നുണ്ടെന്ന് ഉറപ്പാക്കുക.
6. കുറച്ച് സെക്കൻഡ് സാധാരണ രീതിയിൽ ശ്വസിക്കുക, ഏഴ് തവണ ഈ പ്രക്രിയ ആവർത്തിക്കുക.
7. രണ്ടോ മൂന്നോ മിനിറ്റ് ആഴത്തിൽ ശ്വസിച്ചുകൊണ്ട് അവസാനിപ്പിക്കുക.
03. ഏകാഗ്രത നൽകുന്ന ശ്വസനം
മന്ദഗതിയിലുള്ളതും മനസ്സറിഞ്ഞ് ആഴത്തിലുള്ളതുമായ ശ്വസനത്തിൽ ശ്രദ്ധ കേന്ദ്രീകരിക്കാനും ശ്രദ്ധ തിരിക്കുന്ന ചിന്തകളും സംവേദനങ്ങളും ഫലപ്രദമായി കൈകാര്യം ചെയ്യാനും ഈ സാങ്കേതികവിദ്യ നിങ്ങളെ പ്രാപ്തരാക്കുന്നു.
1. ഇരിക്കാൻ സുഖപ്രദമായ സ്ഥലം കണ്ടെത്തുക. നിങ്ങൾക്കു കിടന്നും ഇത് ചെയ്യാം.
2. നിങ്ങളുടെ കണ്ണുകൾ അടയ്ക്കുക. ശ്വാസം നന്നായി അകത്തേക്ക് എടുക്കുക.
3. ശ്വസിക്കുക. അങ്ങനെ ചെയ്യുമ്പോൾ, നിങ്ങളുടെ ചുറ്റുമുള്ള വായു സമാധാനത്താൽ നിറഞ്ഞിരിക്കുന്നുവെന്ന് സങ്കൽപ്പിക്കുക.
4. ശ്വാസം വിടുക. ഇപ്പോൾ, നിങ്ങളുടെ ശ്വാസോച്ഛ്വാസത്തിലൂടെ നിങ്ങളുടെ സമ്മർദ്ദവും ഉത്കണ്ഠകളും നിങ്ങളുടെ ശരീരത്തിൽ നിന്ന് പുറത്തുപോകുന്നത് സങ്കൽപ്പിക്കുക.
5. അടുത്ത റൗണ്ടിൽ, ഏകാഗ്രത പകരുന്ന വാക്കുകൾ/വാക്യങ്ങൾ, ദൃശ്യങ്ങൾക്കൊപ്പം സങ്കല്പിക്കുന്നത്, നിങ്ങൾക്ക് അൽപ്പം കൂടി വിശ്രമം നൽകും.
6. ഏകദേശം 10-20 മിനിറ്റ് ഇത് തുടരുക.
ബീറ്റ്റൂട്ട് ചേർത്ത ഡീറ്റോക്സ് ഡ്രിങ്ക്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : 3 breathing exercises that will help you relieve stress and anxiety
Malayalam News from Samayam Malayalam, TIL Network
Podcast: Play in new window | Download
