ഡേവിഡേട്ടാ, ബിയർ ഐസ് ക്രീമിണ്ടാ?…ചിൽഡ്

‘മ്മക്കൊരു നാരങ്ങാവെള്ളം അങ്ങ്ട് കാച്ചിയാലോ?’ കേരളത്തിലെ സിനിമ ആസ്വാദകർ ഒരിക്കലും മറക്കാത്ത ചോദ്യമവുമിത്. 1987-ൽ പുറത്തിറങ്ങിയ തൂവാനത്തുമ്പികൾ എന്ന സിനിമയിൽ മോഹൻലാൽ കഥാപാത്രം ജയകൃഷ്ണൻ, ഋഷി എന്ന് പേരുള്ള അശോകൻ അവതരിപ്പിച്ച കഥാപാത്രത്തോട് ചോദിക്കുന്ന ചോദ്യമാണിത്. ഒടുവിൽ നാരങ്ങാവെള്ളം കാച്ചാൻ കാസിനോയിലെ ശരഭി ബാറിൽ ചെന്ന് അവസാനം ‘ഡേവിഡേട്ടാ, കിങ് ഫിഷറിണ്ടാ?…ചിൽഡ്’ എന്ന് ചോദിക്കുന്നതും മലയാളികൾക്ക് മറക്കാനാവാത്ത സീൻ ആണ്. അതെ സമയം ജയകൃഷ്ണനും ഋഷിയും ഇപ്പോൾ ബെൽജിയത്തിലേക്ക് ഒരു യാത്ര നടത്തിയാൽ തീർച്ചയായും ട്രൈ ചെയ്യേണ്ട ഒന്നുണ്ട്, ബിയർ ഐസ് ക്രീം.



ബെൽജിയത്തിലെ നാമൂർ എന്ന് പേരുള്ള സ്ഥലത്തെ ഹൌപ്പെ ബ്രെവെറി ബിയർ നിർമ്മാണശാലയും ഹൂപോപോപ് എന്ന് പേരുള്ള ഐസ് ക്രീം ബ്രാൻഡും ചേർന്നാണ് ബിയറിന്റെ രുചിയുള്ള ഐസ് ക്രീം അവതരിപ്പിച്ചിരിക്കുന്നത്. ബിയറും ഐസ് ക്രീമും പ്രധാന ചേരുവകളായ ബിയർ ഐസ്‌ക്രീമിൽ 2.8 ശതമാനാണ് ബിയർ ഘടകങ്ങൾ ചേർത്തിരിക്കുന്നത്.

ലെയ്സ് ചിപ്സ് കറി കൂട്ടി ചോറുണ്ടാലോ? നമ്മടെ പൊട്ടറ്റോ ചിപ്സ് തന്നെ

“ഇനി ബിയർ ഐസ്ക്രീം ഒരു ഏപ്രിൽ ഫൂൾ ഡേ തമാശയല്ല” എന്ന കുറിപ്പോടെയാണ് ബിയർ ഐസ്ക്രീമിന്റെ ചിത്രങ്ങൾ ഇൻസ്റ്റാഗ്രാമിൽ പോസ്റ്റ് ചെയ്തിരിക്കുന്നത്. 2020 ഏപ്രിൽ ഒന്നിന് ബിയർ ഐസ്ക്രീം എത്തി എന്ന് ഫോട്ടോ സഹിതം ഹൌപ്പെ ബ്രെവെറി ഇൻസ്റ്റാഗ്രാമിൽ പോസ്റ്റ് ചെയ്തിരുന്നു. ലോക വിഡ്ഢിദിന പോസ്റ്റ് ആയിരുന്നെങ്കിലും അനേകം പേർ എന്തുകൊണ്ട് ബിയർ ഐസ്ക്രീം നിര്മ്മിച്ചുകൂടാ എന്ന ചോദ്യവുമായെത്തി. ഇതേ തുടർന്നാണ് ഒന്നേകാൽ വർഷത്തിന് ശേഷം ബിയർ ഐസ്ക്രീം യാഥാർത്ഥയമായത്.

മാഗ്ഗി ന്യൂഡിൽസ് + ഓറിയോ ബിസ്ക്കറ്റ് + ഐസ് ക്രീം! ലേശം ഓവറായാലേ എല്ലാരും ശ്രദ്ധിക്കൂ

ചൂടുകാലത്ത് ബിയർ കഴിക്കുന്നതിനേക്കാൾ നല്ലതാണ് ബിയർ ഐസ് ക്രീം കഴിക്കുന്നത് എന്നാണ് ഹൌപ്പെ ബ്രെവെറിയുടെ അവകാശവാദം. അതെ സമയം ബിയർ ഐസ് ക്രീമിന്റെ വാണിജ്യവില്പന ഹൌപ്പെ ബ്രെവെറി ആരംഭിച്ചിട്ടില്ല. തത്കാലം ജയകൃഷ്ണനും ഋഷിയും മാത്രമല്ല ബിയർ ഐസ് ക്രീം നുണയണം എന്നാഗ്രഹിക്കുന്നവർ നമൂറിലെ ബിയർ നിർമ്മാണ ശാലയിൽ തന്നെ എത്തണം.

2.8 ശതമാനം ആൽക്കഹോൾ കണ്ടന്റ് ഉള്ളതിനാൽ മുതിർന്നവർ മാത്രമേ ബിയർ ഐസ് ക്രീം കഴിക്കാൻ പാടുള്ളൂ എന്നും കുട്ടികൾക്ക് ഇത് കൊടുത്ത് ഉണ്ടാകുന്ന പ്രശ്ങ്ങൾക്ക് തങ്ങൾ ഉത്തരവാദികൾ അല്ല എന്നും ഹൂപോപോപും ഹൌപ്പെ ബ്രെവെറിയും വ്യക്തമാക്കിയിട്ടുണ്ട്.