ബെവ്ക്യൂ ആപ്പ് ഒഴിവാക്കി; സാമൂഹിക അകലം ഉറപ്പ് വരുത്തി മദ്യവിൽപ്പന നാളെ മുതൽ

തിരുവനന്തപുരം: സംസ്ഥാനത്ത് ലോക്ക് ഡൗൺ നിയന്ത്രണങ്ങളിൽ അനുവദിച്ച ഇളവുകളുടെ അടിസ്ഥാനത്തിൽ മദ്യവിൽപ്പന നാളെ മുതൽ ആരംഭിക്കും. ബെവ്ക്യൂ ആപ്പ് ഒഴിവാക്കി ബെവ്കോ ഔട്ട്ലെറ്റുകൾ വഴി നേരിട്ടാകും മദ്യവിൽപ്പന നടത്തുക. സാമൂഹിക അകലം ഉറപ്പാക്കി മദ്യവിൽപ്പന നടത്താനാണ് തീരുമാനം.



ബെവ്ക്യൂ ആപ്പ് ഉപയോഗിച്ച് സ്ലോട്ടുകൾ അനുവദിച്ചാകും മദ്യവിൽപ്പന എന്നായിരുന്നു കഴിഞ്ഞദിവസം പുറത്തുവന്ന റിപ്പോർട്ട്. ഈ തീരുമാനത്തിലാണ് മാറ്റം വന്നിരിക്കുന്നത്. ആപ്പ് പ്രവർത്തന സജ്ജമാകുന്നതിനുള്ള പ്രായോഗിക ബുദ്ധിമുട്ടുകൾ കണക്കിലെടുക്കാണ് പുതിയ തീരുമാനം.

Also Read : സികെ ജാനുവിന് കോഴ നൽകിയെന്ന ആരോപണം; കെ സുരേന്ദ്രനെതിരെ കേസെടുക്കാൻ കോടതി ഉത്തരവ്



ബെവ്കോ ഔട്ട്ലെറ്റുകൾക്ക് മുൻപിൽ സാമൂഹിക അകലം പാലിക്കാൻ പോലീസിനെ വിന്യസിക്കുമെന്നാണ് റിപ്പോർട്ട്. വ്യാഴാഴ്ച മുതൽ ബെവ്കോകളും ബാറുകളും തുറന്ന് പ്രവർത്തിക്കുമെന്ന് മുഖ്യമന്ത്രി പിണറായി വിജയനായിരുന്നു അറിയിച്ചത്. ലോക്ക് ഡൗൺ ഇളവുകൾ പ്രഖ്യാപിക്കവെയായിരുന്നു മുഖ്യമന്ത്രി ഇക്കാര്യം വ്യക്തമാക്കിയത്.

Also Read : ഞാൻ പാട്ട്‌ പാടിയാല്‍ തെറ്റ്‌, നിയമസഭയില്‍ ദലീമ പാടിയതോ? രണ്ടുപേർക്കും പാടാന്‍ പറ്റണമെന്ന് രമ്യ ഹരിദാസ്



ബെവ്കോ ഔട്ട് ലെറ്റുകളും / ബാറുകളും രാവിലെ 9 മുതല്‍ വൈകുന്നേരം 7 വരെ പ്രവര്‍ത്തനം അനുവദിക്കുമെന്നാണ് മുഖ്യമന്ത്രി വ്യക്തമാക്കിയിരുന്നത്. കഴിഞ്ഞ ലോക്ക് ഡൗൺ കാലത്ത് ഉപയോഗിച്ച ബെവ്ക്യൂ ആപ്പ് ഉപയോഗിച്ച് മദ്യവിൽപ്പനയ്ക്കായിരുന്നു പദ്ധതി ഇട്ടതെങ്കിലും ആപ്പ് പ്രവർത്തനക്ഷമമാക്കാൻ അഞ്ച് ദിവസമെങ്കിലും വേണ്ടി വരുമെന്ന് ആപ്പ് തയ്യാറാക്കിയ ഫെയർകോഡ് ടെക്നോളജീസ് അറിയിച്ചതെന്നാണ് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നത്.