ഹൈലൈറ്റ്:
- സംഭവം ആന്ധ്രാ പ്രദേശിൽ
- പ്രണയബന്ധത്തോട് കുടുംബത്തിന് എതിര്‍പ്പ്
- ഇളയ സഹോദരനും കേസിൽ പ്രതി
കുടുംബം ആവശ്യപ്പെട്ടതു പ്രകാരമുള്ള വിവാഹത്തിനു തയ്യാറാകാതിരുന്നതിനെ തുടര്‍ന്നാണ് ആക്രമണം നടത്തിയതെന്നാണ് പോലീസ് പറയുന്നത്. കുടുംബം കൊണ്ടുവന്ന ആലോചനകള്‍ക്ക് യുവതി തയ്യാറായില്ലെന്നും ഈ എതിര്‍പ്പ് കൊലപാതകശ്രമത്തിലേയ്ക്ക് നയിക്കുകയായിരുന്നുവെന്നും പോലീസ് പറഞ്ഞു. കാമുകനെ വിവാഹം കഴിക്കണമെന്നായിരുന്നു യുവതി വീട്ടുകാരോടു നിലപാടറിയിച്ചത്. കൊത്തപ്പള്ളി സ്വദേശിയായ താസിം എന്ന യുവതിയാണ് ആക്രമിക്കപ്പെട്ടത്.
Also Read: പുതിയ യുഡിഎഫ് കൺവീനറായി മുരളീധരൻ? മറ്റു രണ്ടു പേരുകളും പരിഗണനയിൽ; തിരക്കിട്ട ച‍ര്‍ച്ചകള്‍ തുടരുന്നു
മാതാപിതാക്കള്‍ നിരവധി വിവാഹാലോചനകളുമായി എത്തുന്നുണ്ടെങ്കിലും താൻ ഇവയെല്ലാം തുടര്‍ച്ചയായി എതിര്‍ക്കുകയായിരുന്നുവെന്ന് യുവതി പോലീസിനു മൊഴി നല്‍കി. ഒരു യുവാവുമായി ഇഷ്ടത്തിലാണെങ്കിലും വീട്ടുകാര്‍ ഈ ബന്ധത്തിന് എതിരായിരുന്നു. ഇതിൻ്റെ പേരിൽ വീട്ടിൽ വഴക്കുണ്ടാകുന്നതും പതിവായിരുന്നു. യുവതി ആക്രമിക്കപ്പെട്ട ദിവസവും വീട്ടിൽ ബഹളമുണ്ടായിരുന്നുവെന്നും പോലീസ് പറഞ്ഞു.
കുട്ടിയുടെ ഇളയ സഹോദരൻ താജുദ്ദീനാണ് പെട്രോളൊഴിച്ച് തീകൊളുത്തിയതന്നാണ് പോലീസിനെ ഉദ്ധരിച്ചുള്ള റിപ്പോര്‍ട്ട്. യുവതിയുടെ സഹോദരി ഉടൻ തന്നെ അടുത്തുള്ള സര്‍ക്കാര്‍ ആശുപത്രിയിലെത്തിക്കുകയായിരുന്നു. വിവരം ലഭിച്ചതിനെ തുടര്‍ന്ന് ആശുപത്രിയിലെത്തി യുവതിയുടെ മൊഴി രേഖപ്പെടുത്തുകയായിരുന്നുവെന്ന് പോലീസ് പറഞ്ഞു. നിലവിൽ കൊലപാതകശ്രമത്തിനാണ് യുവതിയുടെ മാതാപിതാക്കള്‍ക്കും സഹോദരനുമെതിരെ കേസുള്ളത്. പ്രതികളെ ഉടൻ അറസ്റ്റ് ചെയ്യുമെന്നും പോലീസ് അറിയിച്ചു.
സംസ്ഥാനത്ത് മഴ; ഇന്ന് അഞ്ച് ജില്ലകളിൽ യെല്ലോ അലേർട്ട്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : andhra pradesh family allegedly sets 20 year old woman on fire opposing her affair
Malayalam News from malayalam.samayam.com, TIL Network
