യുഡിഎഫ് നേതാക്കൾ മുട്ടിൽ സന്ദർശിച്ചപ്പോൾ തന്നെ വിളിച്ചില്ല: മാണി സി കാപ്പൻ

കോട്ടയം: യുഡിഎഫ് നേതാക്കൾ മരം മുറി വിവാദത്തിന്‍റെ പശ്ചാത്തലത്തിൽ മുട്ടിൽ സന്ദർശിച്ചപ്പോൾ തന്നെ വിളിച്ചില്ലെന്ന് പാലാ എംഎൽഎ മാണി സി കാപ്പൻ. പ്രതിപക്ഷ നേതാവിനെ തെരഞ്ഞെടുത്ത രീതി ശരിയായില്ലെന്നും അദ്ദേഹം പറഞ്ഞതായി ഏഷ്യാനെറ്റ് ന്യൂസാണ് റിപ്പോർട്ട് ചെയ്തത്.



കഴിഞ്ഞ ദിവസമായിരുന്നു യുഡിഎഫ് നേതാക്കൾ മുട്ടിൽ സന്ദർശിച്ചത്. ബെന്നി ബെഹനാന്‍റെ നേതൃത്വത്തിൽ ഉള്ള യുഡിഎഫ് സംഘം, ഇടുക്കിയിൽ അനധികൃതമായി മരം മുറിച്ച സ്ഥലങ്ങളും സന്ദർശിക്കുന്നുണ്ട്. ഇതിനിടെയാണ് മാണി സി കാപ്പൻ മുട്ടിൽ സന്ദർശനത്തിൽ തന്നെ ഉൾപ്പെടുത്തിയില്ലെന്ന പ്രതികരണവുമായി രംഗത്തെത്തിയത്.

Also Read ഇടുക്കി ജില്ലയുടെ മന്ത്രിയെന്ന നിലയിൽ പ്രഥമ പരിഗണന ഇക്കാര്യത്തിന്; നയം വ്യക്തമാക്കി റോഷി അഗസ്റ്റിൻ



പ്രതിപക്ഷ നേതാവിനെ തെരഞ്ഞെടുത്തിലെ അതൃപ്തി യുഡിഎഫ് നേതാക്കളെ അറിയിച്ചെന്നും രമേശ് ചെന്നിത്തല മികച്ച പ്രതിപക്ഷ നേതാവാണെന്നും മാണി സി കാപ്പൻ കൂട്ടിച്ചേർത്തു.

എൻസികെ എന്ന പാർട്ടിയുടെ പേര് മാറ്റുമെന്നും മാണി സി കാപ്പൻ പറഞ്ഞതായി റിപ്പോർട്ട് വ്യക്തമാക്കുന്നു. തെരഞ്ഞെടുപ്പ് കമ്മീഷന്‍റെ അനുമതിയില്ലാത്തതിനാലാണ് അങ്ങനെയൊരു തീരുമാനം. പകരം രണ്ട് പുതിയ പേരുകൾ നൽകിയിട്ടുണ്ടെന്നും അദ്ദേഹം പറഞ്ഞെന്നാണ് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നത്.

ഇന്നലെയായിരുന്നു പ്രതിപക്ഷ നേതാവ് വിഡി സതീശന്‍റെ നേതൃത്വത്തിൽ യുഡിഎഫ് സംഘം മുട്ടിൽ സന്ദർശിച്ചത്. പ്രതിപക്ഷ ഉപനേതാവ് പികെ കുഞ്ഞാലിക്കുട്ടി, എംഎൽഎമാരായ പി ടി തോമസ്, എം കെ മുനീർ, മോൻസ് ജോസഫ്, ടി സിദ്ദിഖ്, ഐ സി ബാലകൃഷ്ണൻ, നേതാക്കളായ സിപി ജോൺ, ഡി ദേവരാജൻ തുടങ്ങിയവരാണ് ഈ സംഘത്തിലുണ്ടായിരുന്നത്.

പ്രതിപക്ഷത്തിൻ്റെ വായടപ്പിച്ച് മേയറുടെ പ്രതികരണം; പക്വത അളക്കാൻ ആരും വരേണ്ടെന്ന് ആര്യാ രാജേന്ദ്രന്‍

എറണാകുളം, ഇടുക്കി, പത്തനംതിട്ട ജില്ലകളിൽ ബെന്നി ബെഹനാൻ എംപിയുടെയും തൃശൂർ, പാലക്കാട് ജില്ലകളിൽ ടി എൻ പ്രതാപൻ എംപിയുടെയും നേതൃത്വത്തിലുള്ള യുഡിഎഫ് പ്രതിനിധിസംഘം സന്ദർശിക്കുമെന്നും നേതൃത്വം വ്യക്തമാക്കിയിരുന്നു.