ആറ് ദിവസം പ്രായമുള്ള കുഞ്ഞിനെ 3.6 ലക്ഷം രൂപയ്ക്ക് വിറ്റു; മാതാപിതാക്കൾ അറസ്‌റ്റിൽ

ന്യൂഡൽഹി: ആറ് ദിവസം മാത്രം പ്രായമുള്ള കുഞ്ഞിനെ വിറ്റ സംഭവത്തിൽ മാതാപിതാക്കൾ അടക്കമുള്ളവർ അറസ്‌റ്റിൽ. ഡൽഹിയിൽ നടന്ന സംഭവത്തിൽ കുട്ടിയുടെ മാതാപിതാക്കൾ, കുഞ്ഞിനെ വാങ്ങിയവർ ഇടനിലക്കാർ എന്നിവരടക്കമുള്ള ആറ് പേരാണ് പിടിയിലായത്.



‘ലോക്ക് ഡൗണിൽ വരുമാനമില്ല’, ഹോസ്റ്റലിൽ നിന്ന് പണം മോഷ്ടിച്ചു; രണ്ട് ടിവി താരങ്ങള്‍ അറസ്റ്റിൽ

ഉത്തർപ്രദേശ് പോലീസും ഡൽഹി പോലീസും സംയുക്തമായി നടത്തിയ അന്വേഷണത്തിലാണ് പ്രതികൾ പിടിയിലായത്. ഗോവിന്ദ് കുമാറും (30) ഇയാളുടെ 22 കാരിയായ ഭാര്യയുമാണ് 3.6 ലക്ഷം രൂപയ്‌ക്ക് വിറ്റത്. 25 വർഷങ്ങളായി കുട്ടികളില്ലാതിരുന്ന ദമ്പതികൾക്കാണ് ഇവർ കുഞ്ഞിനെ കൈമാറിയത്. കുട്ടിയെ വിറ്റ ശേഷം ഗോവിന്ദ് കുമാറും പോലീസിനെ സമീപിക്കുകയും കുട്ടിയെ ആരോ തട്ടിക്കൊണ്ട് പോയെന്ന പരാതി നൽകുകയും ചെയ്‌തു.

പോലീസ് നടത്തിയ വിശദമായ അന്വേഷണത്തിൽ പണം വാങ്ങി കുട്ടിയെ വിൽക്കുകയായിരുന്നുവെന്ന് കണ്ടെത്തി. വിദ്യാനന്ദ് (50) ഇയാളുടെ ഭാര്യ രംപാരി ദേവി (45) എന്നിവർക്കാണ് കുഞ്ഞിനെ വിറ്റതെന്നും മനസിലാക്കി. ഇവരെ സ്‌റ്റേഷനിലേക്ക് വിളിച്ചു വരുത്തിയ നടത്തിയ ചോദ്യം ചെയ്യലിൽ കുഞ്ഞിനെ വിറ്റതാണെന്ന് വ്യക്തമായി.

പെൺമക്കളെ രണ്ട് വർഷത്തോളം പീഡിപ്പിച്ചു; അച്ഛൻ അറസ്റ്റിൽ

ഗോവിന്ദ് കുമാറും ഭാര്യയും നൽകിയ മൊഴിയിൽ സംശയം തോന്നിയതോടെ പോലീസ് നടത്തിയ വിശദമായ ചോദ്യം ചെയ്യലിലാണ് വിദ്യാനന്ദിലേക്ക് കാര്യങ്ങൾ എത്തിയത്. കുഞ്ഞിനെ വിറ്റ ശേഷം ഗോവിന്ദ് കുമാറിനും ഭാര്യക്കും മനം മാറ്റം ഉണ്ടായതാണ് കുട്ടിയെ ആരോ തട്ടിക്കൊണ്ട് പോയെന്ന പരാതി നൽകാൻ ഇവരെ പ്രേരിപ്പിച്ചതെന്ന് അഡീഷണൽ ഡെപ്യൂട്ടി കമ്മീഷണർ ഹർഷ് വർദ്ധൻ വ്യക്തമാക്കി.