മാതാപിതാക്കളെ കൊന്ന് കുഴിച്ചുമൂടി; കൊല്ലപ്പെട്ടവരിൽ സഹോദരിയും മുത്തശ്ശിയും, 19 കാരൻ അറസ്‌റ്റിൽ

കൊൽക്കത്ത: മാതാപിതാക്കളടക്കം കുടുംബത്തിലെ നാല് പേരെ കൊന്ന് കുഴിച്ചുമൂടിയ യുവാവ് അറസ്‌റ്റിൽ. പശ്ചിമ ബംഗാളിലെ മാൾഡ സ്വദേശിയായ ആസിഫ് മുഹമ്മദ് (19) ആണ് കൊലപാതകം നടത്തി മൃതദേഹം വീടിന് സമീപത്തെ ഗോഡൗണിൽ മറവ് ചെയ്‌തത്. യുവാവിൻ്റെ അറസ്‌റ്റ് രേഖപ്പെടുത്തിയതായി പോലീസ് വ്യക്തമാക്കി.



കൊല്ലത്ത് ലിഫ്‌റ്റ് ചോദിച്ച് ബൈക്കിൽ കയറിയ യുവതിയെ തട്ടിക്കൊണ്ടു പോകാൻ ശ്രമം

ആസിഫ് നടത്തിയ കൊലപാതകം സഹോദരൻ പോലീസിനെ അറിയിച്ചതോടെയാണ് വിവരം പുറത്തായത്. ഭയം മൂലമാണ് മാതാപിതാക്കളടക്കമുള്ളവർ കൊല്ലപ്പെട്ട വിവരം പുറത്ത് പറയാതിരുന്നതെന്ന് സഹോദരൻ ആരിഫ് പോലീസിനോട് പറഞ്ഞു. കൊലപാതക ശ്രമത്തിൽ നിന്ന് താൻ രക്ഷപ്പെടുകയായിരുന്നുവെന്നും ഇയാൾ വ്യക്തമാക്കി.

കഴിഞ്ഞ ഫെബ്രുവരി 18നാണ് കുടുംബത്തിൽ കൊലപാതകം നടന്നതെന്ന് ആരിഫ് പോലീസിനോട് പറഞ്ഞു. അച്ഛനെയും അമ്മയെയും സഹോദരിയെയും മുത്തശ്ശിയുമാണ് കൊല ചെയ്യപ്പെട്ടത്. വെള്ളത്തിൽ മുക്കി കൊലപ്പെടുത്തിയ ശേഷം വീടിനോട് ചേർന്ന ഗോഡൗണിൽ മൃതദേഹം കുഴിച്ചിടുകയായിരുന്നുവെന്നും യുവാവ് പറഞ്ഞു.

പിറന്നാൾ ആഘോഷം ബഹളമായി, ചോദ്യം ചെയ്ത വിദ്യാര്‍ത്ഥിയെ കല്ലെറിഞ്ഞ് കൊന്നു

കുടുംബത്തിലെ ആരെയും കാണാതെ വന്നതോടെ വിവരം ആസിഫിനോട് തേടിയിരുന്നു, കൊൽക്കത്തയിലെ പുതിയ ഫ്ലാറ്റിലേക്ക് മാതാപിതാക്കൾ അടക്കമുള്ളവർ മാറിയെന്നാണ് ആസിഫ് പറഞ്ഞതെന്ന് സമീപ വാസികൾ വ്യക്തമാക്കി. വഴക്കുണ്ടാക്കുകയും തുടർന്ന് വീട്ടിൽ നിന്നും മാറി നിൽക്കുന്ന ശീലം ആസിഫിനുണ്ടായിരുന്നുവെന്നും ഇവർ പറഞ്ഞു. ആരീഫ് നൽകിയ പരാതിയിൽ അന്വേഷണം ആരംഭിച്ച പോലീസ് വീട്ടിലും പരിസരത്തും പരിശോധന ആരംഭിച്ചു. മൃതദേഹത്തിൻ്റെ അവശിഷ്‌ടങ്ങളൊന്നും ഇതുവരെ ലഭ്യമായിട്ടില്ലെന്നാണ് റിപ്പോർട്ട്.