അതാ വാഷിങ്ങ് മെഷീനിൽ ഒരു കുറുക്കൻ! നിങ്ങളെന്ത് ചെയ്യും?

വീട്ടിൽ പലപ്പോഴും നമുക്ക് പ്രതീക്ഷിക്കാത്ത വിരുന്നുകാർ വരാറുണ്ട്. നമ്മുടെ അനുവാദമില്ലാത്ത വീട്ടിൽ കയറികൂടുന്ന എലികൾ, പാറ്റകൾ എന്നിവയ്ക്ക് ഏറെക്കുറെ മരണമാണ് പ്രതിഫലം (ചില നല്ല മനുഷ്യർ ഓടിച്ചുവിടും). എന്നും കരുതി വീട്ടിൽ ഒരു കുറുക്കൻ വന്നു കയറിയാലോ? എന്നിട്ട് കക്ഷി വാഷിംഗ് മെഷീനിൽ കയറി ഇരിപ്പുറപ്പിക്കുകയും ചെയ്താൽ പിന്നെ എന്ത് ചെയ്യും?

ലണ്ടനിൽ താമസിക്കുന്ന നതാഷ പ്രയാഗ് എന്ന് പേരുള്ള സ്ത്രീയുടെ വീട്ടിലാണ് വാവ സുരേഷിന്റെ ഭാഷയിൽ പറഞ്ഞാൽ അതിഥി എത്തിയത്. അപ്രതീക്ഷിതമായി വാഷിംഗ് മെഷീനിലാണ് കക്ഷി പറ്റിയ ഇടം കണ്ടെത്തിയത്. തുണിയലക്കാൻ എത്തിയ നതാഷ കുറുക്കനെ കണ്ട് ഞെട്ടി. ഉടനെ ഫോണിൽ ചിത്രമെടുക്കാൻ ശ്രമിച്ചു. കാമറ ഫ്ലാഷ് കണ്ടതോടെ അക്രമകാരിയാവും എന്നാണ് ധരിച്ചതെങ്കിലും. സൗമ്യമായി തല പുറത്തിട്ട് കക്ഷി ഫോട്ടോയ്ക്ക് പോസ് ചെയ്തു. ഈ ചിത്രം നതാഷ ട്വിറ്ററിൽ പോസ്റ്റ് ചെയ്തതോടെ വൈറലാവുകയും ചെയ്തു.

കുറുക്കൻ ചിരിക്കുന്നത് കണ്ടിട്ടുണ്ടോ? വൻ കോമഡി ആണ്

നടാഷയും ഭർത്താവ് ആദവും മണിക്കൂറുകൾക്ക് മുൻപ് കടയിൽ പോയി സാധനങ്ങൾ വാങ്ങിച്ചിരുന്നു. തിരികെ വന്ന് വീട്ടിലേക്ക് സാധനങ്ങൾ മാറ്റുന്നതിനായി മുൻവാതിൽ തുറന്നിട്ടിരുന്നു. ഈ സമയത്താവും കുറുക്കൻ വീടിനകത്തേക്ക് കടന്നത് എന്നാണ് നിഗമനം. “ആദ്യ പ്രതികരണം ഞെട്ടലും അലർച്ചയുമായിരുന്നു. എന്നാൽ പിന്നീട് വാഷിംഗ് മെഷീനിൽ ഇരിക്കുന്ന കക്ഷി പട്ടിയോ കുറുക്കനോ എന്ന സംശയമായി. ഞങ്ങൾ ഞങ്ങൾ രണ്ടുപേരും വാഷിങ് മെഷീനിലേക്ക് എത്തിനോക്കി. ഇടയ്ക്ക് കുറുക്കൻ തിരിഞ്ഞു നോക്കുകയും ചെവി കാണുകയും ചെയ്തപ്പോൾ ഉറപ്പിച്ചു, അതിഥി കുറുക്കൻ ആണെന്ന്” നതാഷ മിറർ യുകെയോട് പറഞ്ഞു.

ലോക്ക്നെസ്സിലെ രാക്ഷസൻ യഥാർത്ഥത്തിൽ തിമിംഗലത്തിന്റെ ലിംഗമോ? ട്വിസ്റ്റ്…

‘നിങ്ങളുടെ വീട്ടിൽ ഒരു കുറുക്കനെ കണ്ടാൽ നിങ്ങൾ എന്തു ചെയ്യും?’ എന്ന കുറിപ്പോടെയാണ് നതാഷ തന്റെ വീട്ടിലെത്തിയ കുറുക്കന്റെ ചിത്രം ട്വിറ്ററിൽ പോസ്റ്റ് ചെയ്തത്. ഇതേ തുടർന്ന് പലരും ഇതേ വാക്യം കടമെടുത്ത് കുറുക്കന്റെ ഭാഗത്ത് തങ്ങളുടെ വീട്ടിലെത്തിയ ‘അതിഥിയുടെ’ പേരും ചിത്രവുമായി ട്വിറ്ററിൽ ഒരു ട്രെൻഡ് തന്നെ തുടങ്ങി.