ഹൈലൈറ്റ്:
- 50 പെട്ടി മദ്യം കണ്ടെടുത്തതായി പോലീസ്
- നാലു പ്രതികള്‍ അറസ്റ്റിൽ
- അന്വേഷണം തുടരുന്നു
കേന്ദ്രസര്‍ക്കാര്‍ വാഹനമെന്നു തെറ്റിദ്ധരിപ്പിക്കത്തക്ക വിധത്തിലുള്ള മാറ്റങ്ങള്‍ വരുത്തിയ വാഹനമായിരുന്നു പ്രതികള്‍ ഉപയോഗിച്ചിരുന്നത്. കാറിൽ അശോകചിഹ്നവും ഗവൺമെൻ്റ് ഓഫ് ഇന്ത്യ എന്ന എഴുത്തും ഉണ്ടായിരുന്നുവെനന് പോലീസ് പറഞ്ഞു. നഗരത്തിലെ വിവിധ മദ്യശാലകളിൽ നിന്നായി മോഷ്ടിച്ച മദ്യക്കുപ്പികളുടെ വലിയ ശേഖരവും കാറിൽ ഉണ്ടായിരുന്നു. ഇതും പോലീസ് കണ്ടുകെട്ടിയിട്ടുണ്ട്. ഇത്തരത്തിൽ അൻപതോളം മദ്യപ്പെട്ടികള്‍ വാഹനത്തിലുണ്ടായിരുന്നു.
ദീപക് കശ്യപ്, രോഹിത് കശ്യപ്, മോഹിത്, ദിലീപ് കുമാര്‍ എന്നിവരാണ് അറസ്റ്റിലായതെന്നാണ് പോലീസിനെ ഉദ്ധരിച്ചുള്ള ടൈംസ് ഓഫ് ഇന്ത്യ റിപ്പോര്‍ട്ട്. വാഹനത്തിൻ്റെ ഉടമ റെയിൽവേ പോലീസിലെ ഒരു അസിസ്റ്റൻ്റ് കമാൻഡൻ്റാണെന്നാണ് പ്രതികള്‍ പറഞ്ഞതെന്ന് പോലീസ് പറഞ്ഞു. പ്രതികളിൽ ഒരാള്‍ ഒരു സ്വകാര്യ സ്ഥാപനത്തിലെ ഡ്രൈവറായിരുന്നു. കരാര്‍ അടിസ്ഥാനത്തിൽ നല്‍കിയിരുന്ന വാഹനമാണ് ദുരുപയോഗിക്കപ്പെട്ടതെന്നും പോലീസ് വ്യക്തമാക്കി. സംഭവത്തിൽ അന്വേഷണം തുടരുകയാണ്.
Also Read: “ഫ്രാൻസിസ് കത്തിയുമായി നടക്കുന്ന ആളായിരുന്നില്ല”; സുധാകരനെതിരെ കുടുംബം
രോഹിത് എന്ന പ്രതിയാണ് മോഷണത്തിൻ്റെ സൂത്രധാരനെന്നാണ് പോലീസ് പറയുന്നത്. ലഖ്നൗവിലെ ആഷിയാന, ഠാക്കൂര്‍ഗഞ്ച് എന്നിവിടങ്ങളിലെ മദ്യശാലകള്‍ കേന്ദ്രീകരിച്ചായിരുന്നു സംഘം മോഷണം നടത്തിയിരുന്നത്. വാഹനത്തിൽ പകൽ ചുറ്റിക്കറങ്ങി മദ്യശാലകളുടെ വിശദാംശങ്ങള്‍ കണ്ടെത്തുന്ന സംഘം രാത്രിയിലായിരുന്നു മോഷണം നടത്തിയിരുന്നതെന്ന് കണ്ടെത്തിയതായി പോലീസ് പറഞ്ഞു. പോലീസിൻ്റെ കണ്ണുവെട്ടിക്കാനായി കാറിലെ ബീക്കൺ ലൈറ്റ് ഉപയോഗിച്ചിരുന്നതായും പോലീസ് പറഞ്ഞു.
വായനയുടെ പ്രാധാന്യം ഓർമ്മപ്പെടുത്തി രാജീവ് ആലുങ്കൽ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : gang used car with govt emblem and beacon busted after repeated theft from liquor shops
Malayalam News from malayalam.samayam.com, TIL Network
