സംസ്ഥാനത്തെ ബാറുകള്‍ നാളെ മുതല്‍ അടച്ചിടും; പ്രതികരിക്കാതെ സർക്കാർ

തിരുവനന്തപുരം: ലോക്ക് ഡൗൺ ഇളവുകൾ നിലവിൽ വന്നെങ്കിലും സംസ്ഥാനത്തെ ബാറുകൾ തിങ്കളാഴ്‌ച (21-06-2021) മുതൽ അടച്ചിടും. വെയർ ഹൗസ് മാർജിൻ ബെവ്‌കോ വർധിപ്പിച്ചത് കനത്ത നഷ്‌ടമുണ്ടാക്കുമെന്ന് വ്യക്തമാക്കി ഫെഡറേഷൻ ഓഫ് കേരള അസോസിയേഷനാണ് നാളെ മുതൽ ബാറുകൾ അടച്ചിടാൻ തീരുമാനിച്ചത്.



‘സുധാകരൻ്റേത് മരിച്ചു കിടക്കുന്ന കോണ്‍ഗ്രസിനെ ജീവിപ്പിക്കാനുള്ള ശ്രമം’: പരിഹാസവുമായി എം എം മണി

ബാറുകൾക്ക് 25 ശതമാനവും കൺസ്യൂമർ ഫെഡിൻ്റേത് എട്ടിൽ നിന്ന് 20 ശതമാനവുമായിട്ടാണ് വെയർ ഹൗസ് മാർജിൻ വർധിപ്പിച്ചത്. ഈ സാഹചര്യത്തിൽ കൺസ്യൂമർ ഫെഡ് ഔട്ട്‌ലെറ്റുകളും മദ്യവിൽപ്പന നിർത്തിവെച്ചേക്കുമെന്നാണ് വിവിധ മാധ്യമങ്ങൾ റിപ്പോർട്ട് ചെയ്‌തത്.

വെയർ ഹൗസ് മാർജിൻ ഉയർത്തിയ നടപടിയിൽ ബാറുകൾ ഉൾപ്പെടുന്ന ഫെഡറേഷൻ ഓഫ് കേരള ഹോട്ടൽ അസോസിയേഷൻ ചർച്ചകൾക്കായി സർക്കാരിനെ സമീപിച്ചിരുന്നു. പുതിയ നിർദേശം സാമ്പത്തിക പ്രശ്‌നം ഉണ്ടാക്കുമെന്ന് സംഘടന സർക്കാരിനെ അറിയിച്ചു. പ്രശ്‌നം പരിഹരിക്കാമെന്ന് സർക്കാർ ഉറപ്പ് നൽകിയെങ്കിലും അതുവരെ ബാറുകൾ അടച്ചിടാനാണ് അസോസിയേഷൻ്റെ തീരുമാനം.

അന്തരിച്ച മോഹനൻ വൈദ്യർക്ക് കൊവിഡ് സ്ഥിരീകരിച്ചു

വെയര്‍ഹൌസ് മാര്‍ജിന്‍ വര്‍ദ്ധിപ്പിക്കുമ്പോഴും എംആര്‍പി നിരക്കില്‍ നിന്ന് വിലകൂട്ടി വില്‍ക്കാന്‍ അനുവാദമില്ലാത്തതാണ് കണ്‍സ്യൂമര്‍ ഫെഡിനും ബാറുകള്‍ക്കും തിരിച്ചടിയായത്. ബെവ്‌കോയിൽ നിന്ന് വിൽപ്പനയ്‌ക്കായി മദ്യം വാങ്ങുമ്പോൾ ഈടാക്കുന്ന തുകയാണ് വെയർ ഹൗസ് മാർജിൻ. സർക്കാർ വെയർ ഹൗസ് മാർജിൻ ഉയർത്താമെങ്കിലും ബാറുകൾക്കും കൺസ്യൂമർ ഫെഡിനും റീ ടെയ്‌ൽ വില ഉയർത്താൻ കഴിയില്ല എന്നതാണ് പുതി പ്രതിസന്ധിക്ക് കാരണം.