ഫോൺ ഉപയോഗിക്കുന്നതിൽ മാതാപിതാക്കൾ വഴക്ക് പറഞ്ഞു; 16കാരി ജീവനൊടുക്കി

ഹൈദരാബാദ്: മൊബൈൽ ഫോൺ ഉപയോഗിക്കുന്നതിൽ മാതാപിതാക്കൾ വഴക്ക് പറഞ്ഞതിനെ തുടർന്ന് 16 വയസുകാരി തീകൊളുത്തി ജീവനൊടുക്കി. ഹൈദരാബാദ് സ്വദേശിയായ പ്ലസ് വൺ വിദ്യാർഥിനി ആത്മഹത്യ ചെയ്‌തത്. സംഭവത്തിൽ പോലീസ് അന്വേഷണം തുടരുകയാണ്.



മാലിന്യമിട്ടതിന് യുവാവിന്റെ കൈ വെട്ടിയ സംഭവം; പ്രതി ജോമോൾ പിടിയിൽ

ഇക്കഴിഞ്ഞ വെള്ളിയാഴ്‌ച രാത്രിയാണ് വീടിന് സമീപത്തെ ആളൊഴിഞ്ഞ പ്രദേശത്ത് തീകൊളുത്തി മരിച്ച നിലയിൽ കുട്ടിയുടെ മൃതദേഹം ലഭിച്ചതെന്ന് പോലീസ് വ്യക്തമാക്കി. മൊബൈൽ ഫോണിൽ കൂടുതൽ നേരം ഉപയോഗിക്കുന്നതിനെ തുടർന്ന് മാതാപിതാക്കളും കുട്ടിയും തമ്മിൽ തർക്കമുണ്ടാകുകയും വഴക്കിലേക്ക് എത്തുകയും ചെയ്‌തിരുന്നു. ഇതിന് പിന്നാലെയാണ് പെൺകുട്ടി വീട്ടിൽ നിന്നും ഇറങ്ങിപ്പോയത്.

കുട്ടിയെ കാണാതായതോടെ സമീപവാസികളുടെ സഹായത്തോടെ മാതാപിതാക്കൾ അന്വേഷണം ആരംഭിച്ചു. തെരച്ചിലിനൊടുവിൽ ആളൊഴിഞ്ഞ പ്രദേശത്ത് നിന്നും തീകൊളുത്തിയ നിലയിൽ പെൺകുട്ടിയുടെ മൃതദേഹം കണ്ടെത്തി. സമീപവാസികൾ വിവരമറിയിച്ചതോടെ പോലീസ് സ്ഥലത്തെത്തി പരിശോധന നടത്തി. പെൺകുട്ടിയുടെ മൊബൈൽ ഫോൺ സമീപത്ത് നിന്നും കണ്ടെത്തി.

മാതാപിതാക്കളെ കൊന്ന് കുഴിച്ചുമൂടി; കൊല്ലപ്പെട്ടവരിൽ സഹോദരിയും മുത്തശ്ശിയും, 19 കാരൻ അറസ്‌റ്റിൽ

സംഭവസ്ഥലത്തേക്ക് മാതാപിതാക്കളെ വിളിച്ചുവരുത്തി പോലീസ് പരിശോധന നടത്തി. ഫോണിലേക്ക് എത്തിയ കോളുകൾ പോലീസ് പരിശോധിച്ചു. കുട്ടിയുടെ മാതാപിതാക്കൾ നൽകിയ പരാതിയുടെ അടിസ്ഥാനത്തിലാണ് അന്വേഷണം നടക്കുന്നത്. വിശദമായ അന്വേഷണം നടത്തി റിപ്പോർട്ട് സമർപ്പിക്കുമെന്ന് ഉദ്യോഗസ്ഥർ വ്യക്തമാക്കി.