സുഹൃത്തിന്‍റെ തോളിലിരുന്നു ഡാൻസ്; വിവാഹാഘോഷത്തിനിടെ നടുവും തല്ലി താഴെ വീണ് വരൻ; വീഡിയോ

ന്യൂഡൽഹി: വിവാഹ ദിനവും വിവാഹ ആഘോഷങ്ങളും എല്ലാവർക്കും പ്രധാനപ്പെട്ടതാണ്. വധുവിന്‍റെ വീട്ടിലേക്ക് വരനും സംഘവും പാട്ടും ആട്ടവുമായി എത്തുന്ന ചടങ്ങും രാജ്യത്തിന്‍റെ വിവിധ ഇടങ്ങളിലുണ്ട്. വരനും സംഘവും ഏറെ ആഘോഷത്തോടെയാകും നൃത്തം ചവിട്ടി ചടങ്ങിനെത്തുക. എന്നാൽ അത്തരം ആഘോഷ വേളയിൽ ആർക്കെങ്കിലും അപകടം സംഭവിച്ചാൽ ഉത്സവാന്തരീക്ഷം ആകെ മാറും. അപകടം സംഭവിക്കുന്നത് വരന് തന്നെയാണെങ്കിൽ പിന്നെ പറയുകയും വേണ്ട.

ഇത്തരത്തിൽ വിവാഹാഘോഷത്തിനിടെ വരന് അപകടം സംഭവിച്ച ഒരു വീഡിയോയാണ് സോഷ്യൽ മീഡിയയിൽ വൈറലാകുന്നത്. ഇൻസ്റ്റാഗ്രാമിൽ നിരഞ്ജൻ മഹാപത്ര എന്ന വ്യക്തിയാണ് വിവാഹ ചടങ്ങിനിടെ വരൻ സുഹൃത്തിന്‍റെ തോളിൽ നിന്ന് താഴെ വീഴുന്ന വീഡിയോ പങ്കുവെച്ചിരിക്കുന്നത്.

Also Read : മാസ്ക് ധരിക്കാത്ത വയോധികയ്ക്ക് പോലീസ് പിഴ ചുമത്തിയെന്ന പ്രചാരണം തെറ്റ്: കേരളാ പോലീസ്

വിവാഹ ചടങ്ങിന് പാട്ടും നൃത്തവുമായി ചുവടുവെച്ച് വരനും സംഘവും എത്തുന്ന ദൃശ്യങ്ങളാണ് വീഡിയോയിലുള്ളത്. വരനാകട്ടെ സുഹൃത്തിന്‍റെ തോളിലിരുന്നാണ് ആഘോഷത്തിൽ പങ്കുചേരുന്നത്. പാട്ടിനൊപ്പം ചുവടുവയ്ക്കുന്ന സംഘത്തിനൊപ്പം വരനും സുഹൃത്തും ചുവട് വയ്ക്കാൻ ആരംഭിച്ചതോടെയാണ് യുവാവ് പിന്നിലോട്ട് മറിഞ്ഞ് വീണത്.

അമ്മ മകനെ പീഡിപ്പിച്ചെന്ന പരാതി; കടയ്‌ക്കാവൂർ പോക്‌സോ കേസിൽ വഴിത്തിരിവ്

പാട്ടിനൊപ്പം നൃത്തം ചെയ്യുന്ന സംഘത്തിന്‍റെ ഇടയിലേക്കായിരുന്നു നടുവും തല്ലി കല്യാണ ചെറുക്കൻ വീണത്. ഉടൻ തന്നെ ബന്ധുക്കളെല്ലാവരും ചേർന്ന് യുവാവിനെ എഴുന്നേൽപ്പിക്കുന്നതും വീഡിയോയിലുണ്ട്. മൂന്ന് ദിവസം മുന്നേ പങ്കുവെച്ച വീഡിയോ ഇതിനോടകം തന്നെ വൈറലായിട്ടുണ്ട്. എന്നാൽ ഇത് എവിടെ നടന്ന സംഭവമാണെന്നോ, വരന്‍റെ പേര് എന്താണെന്നോ വ്യക്തമല്ല. സംഘത്തിലുള്ള ആരും മാസ്ക് ധരിച്ച് കാണത്തതുകൊണ്ട് ഇത് പഴയ വീഡിയോ ആണോയെന്ന സംശയവും ചിലർ പങ്കുവെച്ചിട്ടുണ്ട്.