അബുദാബി> മലയാളത്തിന്റെ പ്രിയകഥാകാരി കമലാ സുരയ്യയുടെ പന്ത്രണ്ടാം ചരമ വാര്‍ഷികത്തോടനുബന്ധിച്ച് ശക്തി തിയറ്റേഴ്സ് അബുദാബിയുടെ ആഭിമുഖ്യത്തില്‍ കമലാ സുരയ്യ ഓണ്‍ലൈന്‍ കവിതാ ചിത്രരചനാ മത്സരം സംഘടിപ്പിക്കുന്നു.
കമലാ സുരയ്യയെ വിഷയമാക്കിക്കൊണ്ട് നടത്തുന്ന കവിതാ രചനാ മത്സരം 18 വയസ്സിനു മുകളിലുള്ളവര്‍ക്കാണ് സംഘടിപ്പിച്ചിരിക്കുന്നത്. കവിത 16 വരിയില്‍ കുറയാനും 24 വരിയില്‍ കവിയാനും പാടില്ല.
ചിത്രരചന 6 മുതല്‍ 12 വയസ് വരെയുള്ളവര്‍ക്കും 12 മുതല്‍ 18 വരെയുള്ളവര്‍ക്കുമായി രണ്ട് വിഭാഗങ്ങളായാണ് സംഘടിപ്പിക്കുന്നത്. കമലാ സുരയ്യയെ വിഷയമാക്കി നടത്തുന്ന മത്സരത്തിലേക്കുള്ള ചിത്രങ്ങള്‍ പെന്‍സില്‍ ഉപയോഗിച്ചായിരിക്കണം വരയ്‌ക്കേണ്ടത്.
സൃഷ്ടികള്‍ sakthitheatres@gmail.com എന്ന ഇ-മെയിലില്‍ ജൂണ്‍ 15 നകം അയക്കണമെന്ന് സംഘാടകര്‍ അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
