മഞ്ഞൾ എന്ന വേദനസംഹാരി; സന്ധിവാതത്തിന് പരിഹാരം ഇങ്ങനെ

ശരീരത്തിൽ പലപ്പോഴും പല ഭാഗങ്ങളിലും അനുഭവപ്പെടുന്ന വേദന മാറ്റാൻ വേദനാസംഹാരികളെ ആശ്രയിക്കുകയാണ് മിക്കവാറും പേരും ചെയ്യുന്നത്. ഇത്തരം വേദനസംഹാരികളേക്കാൾ ഫലപ്രദം നമ്മുടെ വീട്ടിലുള്ള ഒരു ചേരുവ തന്നെയാണ് – മഞ്ഞൾ! മഞ്ഞൾ ഏറ്റവും മികച്ച ഒരു വേദനാസംഹാരിയായി പ്രവർത്തിക്കുന്നു.

മഞ്ഞൾ നൂറ്റാണ്ടുകളായി പരമ്പരാഗത ഇന്ത്യൻ വൈദ്യത്തിന്റെ ഭാഗമാണ്. ദഹന പ്രശ്നങ്ങൾക്കും വേദനയ്ക്കും ചികിത്സിക്കാൻ ഇത് സാധാരണയായി ഉപയോഗിക്കുന്നു. ഒട്ടേറെ ആരോഗ്യ ഗുണങ്ങൾ ഉള്ളത് കാരണം മഞ്ഞൾ പാൽ പതിവായി കുടിക്കുന്നവരുമുണ്ട്. നിങ്ങളുടെ രോഗപ്രതിരോധ ശേഷി വർദ്ധിപ്പിക്കുന്നത് മുതൽ ശരീരഭാരം കുറയ്ക്കുക, കാൻസർ ലക്ഷണങ്ങളിൽ നിന്ന് മോചനം എന്നിവ വരെ ആരോഗ്യപരമായ പല ഗുണങ്ങൾ ഈ മഞ്ഞൾ പാലിൽ ഉൾക്കൊള്ളുന്നു.

മഞ്ഞളിലെ പ്രധാന സജീവ ഘടകമായ കുർക്കുമിൻ വളരെ ശക്തമായ ആന്റിഓക്‌സിഡന്റാണ്, മാത്രമല്ല വീക്കം തടയുന്ന ശക്തമായ ആന്റി ഇൻഫ്ലമേറ്ററി ഘടകവുമാണ്. കടും മഞ്ഞ നിറമുള്ള ഈ സുഗന്ധവ്യഞ്ജനം ഓസ്റ്റിയോ ആർത്രൈറ്റിസ്, റൂമറ്റോയ്ഡ് ആർത്രൈറ്റിസ് എന്നിവയിൽ നിന്നും വിട്ടുമാറാത്ത സന്ധി വേദനയുമായി പൊരുതുന്ന ആളുകൾക്ക് മോചനം നൽകുമെന്ന് ഗവേഷണങ്ങൾ തെളിയിച്ചിട്ടുണ്ട്.

ആവി പിടിക്കുന്നത് വൈറസിനെ കൊല്ലില്ല; പകരം ഈ ഗുണങ്ങൾ ഉറപ്പാക്കും

സന്ധിവാതത്തിന് ആശ്വാസം നൽകും മഞ്ഞൾ പ്രതിവിധികൾ



വീക്കം ഉണ്ടാക്കുന്ന ചില എൻസൈമുകളെയും സൈറ്റോകൈനുകളെയും തടയാൻ കുർക്കുമിന് കഴിവുണ്ടെന്ന് നിരവധി പഠനങ്ങൾ കണ്ടെത്തിയിട്ടുണ്ട്. ഇത് കാരണം സന്ധിവാതത്തിന് ഫലപ്രദമായ ഒറ്റമൂലിയായി മഞ്ഞൾ നിർദ്ദേശിക്കുന്നു. നിങ്ങളുടെ ഭക്ഷണത്തിൽ മഞ്ഞൾ ചേർക്കാൻ നിരവധി മാർഗങ്ങളുണ്ട്. നിങ്ങൾക്ക് മഞ്ഞൾ ചായ ഉണ്ടാക്കാം, പാലിൽ മഞ്ഞൾപ്പൊടി ചേർക്കാം അല്ലെങ്കിൽ പകരമായി മഞ്ഞൾ ഗുളികകൾ കഴിക്കാം. കറികൾ, സ്മൂത്തികൾ അല്ലെങ്കിൽ സലാഡുകൾ എന്നിവയിൽ നിങ്ങൾക്ക് മഞ്ഞൾപ്പൊടി ചേർക്കാവുന്നതുമാണ്.

മഞ്ഞൾ ചായ



സ്വന്തമായി മഞ്ഞൾ ചായ ഉണ്ടാക്കാൻ രണ്ട് കപ്പ് വെള്ളത്തിൽ ഒരു ടീസ്പൂൺ മഞ്ഞൾപ്പൊടിയും അര ടീസ്പൂൺ കുരുമുളകും ചേർത്ത് തിളപ്പിക്കുക. കുരുമുളക് കുർക്കുമിൻ ആഗിരണം വർദ്ധിപ്പിക്കുന്നു.

ഇത് 10 മുതൽ 15 മിനിറ്റ് വരെ തിളപ്പിച്ച് നാരങ്ങ, തേൻ, അല്ലെങ്കിൽ പാൽ എന്നിവ ചേർത്ത് കുടിക്കാം.

മഞ്ഞൾ പാൽ ചേരുവകൾ



ഒരു ഗ്ലാസ് മഞ്ഞൾ പാൽ തയ്യാറാക്കുവാൻ, നിങ്ങൾക്ക് അര കപ്പ് (120 മില്ലി) മധുരമില്ലാത്ത പാൽ, ഒരു ടീസ്പൂൺ മഞ്ഞൾ, ഒരു ചെറിയ കഷണം ഇഞ്ചി അരിഞ്ഞത് അല്ലെങ്കിൽ അര ടീസ്പൂൺ ഇഞ്ചി പൊടി, അര ടീസ്പൂൺ കറുവപ്പട്ട പൊടി, ഒരു നുള്ള് ചതച്ച കുരുമുളകും ഒരു ടീസ്പൂൺ തേനും മേപ്പിൾ സിറപ്പും (ആവശ്യമെങ്കിൽ മാത്രം) എന്നിവ ആവശ്യമാണ്.

ഈ ചേരുവകളെല്ലാം ഒരു ചെറിയ പാത്രത്തിൽ കലർത്തി തിളപ്പിക്കുക. ഏകദേശം 10 മിനിറ്റ് ഇത് തിളയ്ക്കാൻ അനുവദിക്കുക. ശേഷം, അരിച്ചെടുത്ത് കുടിക്കുക. ഒരു നുള്ള് കറുവപ്പട്ട നിങ്ങൾക്ക് ഇതിന് മുകളിൽ തൂവാം. ഈ പാനീയം അഞ്ച് ദിവസം വരെ നിങ്ങളുടെ റഫ്രിജറേറ്ററിൽ സൂക്ഷിക്കുകയും കുടിക്കുന്നതിനു മുമ്പ് വീണ്ടും ചൂടാക്കുകയും ചെയ്യാം.

ആരോഗ്യമുള്ള തലച്ചോറിനും ഹൃദയത്തിനും ശക്തമായ അസ്ഥികൾക്കും മെച്ചപ്പെട്ട ദഹനത്തിനും മഞ്ഞൾ പാൽ കുടിക്കുന്നത് സഹായിക്കും. ഇതിന്റെ ആൻറി ബാക്ടീരിയൽ, ആൻറിവൈറൽ സവിശേഷതകൾ നിങ്ങളുടെ ശരീരത്തെ അണുബാധകളിൽ നിന്ന് സംരക്ഷിച്ചേക്കാം, അതേസമയം ആൻറി ഓക്സിഡൻറും വീക്കം തടയുന്ന ആന്റി ഇൻഫ്ലമേറ്ററി ഗുണങ്ങളും നിങ്ങളുടെ രോഗപ്രതിരോധ ശേഷിയെ ശക്തിപ്പെടുത്തും.

ഈ ദൈനംദിന പ്രശ്നങ്ങൾക്കൊക്കെ പരിഹാരമാണ് ഒലിവ് ഓയിൽ

സപ്ലിമെന്റുകൾ



കുർക്കുമിൻ ഉപഭോഗം വർദ്ധിപ്പിക്കുന്നതിനുള്ള ഏറ്റവും എളുപ്പവും കാര്യക്ഷമവുമായ മാർഗ്ഗമാണ് കുർക്കുമിൻ സപ്ലിമെന്റുകളും ക്യാപ്‌സൂളുകളും. ആഗിരണം വർദ്ധിപ്പിക്കുന്നതിനായി പൈപ്പറിൻ (കുരുമുളക്) മിക്ക കുർക്കുമിൻ ഗുളികകളിലും അടങ്ങിയിട്ടുണ്ട്.

ഇതിന്റെ ശുപാർശ ചെയ്യുന്ന അളവ് 500 മില്ലിഗ്രാം ഒരു ദിവസത്തിൽ രണ്ടുതവണയാണ്. കുർക്കുമിൻ സപ്ലിമെന്റുകൾ മറ്റ് മരുന്നുകൾ കഴിക്കുകയാണെങ്കിൽ അവയുടെ ഫലപ്രാപ്തിയെ ബാധിച്ചേക്കാം. അതിനാൽ, സപ്ലിമെന്റുകൾ കഴിക്കുന്നതിന് മുമ്പ് ഒരു ഡോക്ടറുമായി സംസാരിച്ച് അഭിപ്രായം തേടുക.