ഒത്തുപിടിച്ചാൽ മലയും പോരും! ഫാന്റ കുടിച്ച് തെളിയിച്ച് രണ്ട് കടന്നലുകൾ

സൈബർ ലോകത്ത് ലക്ഷോപലക്ഷം വിഡിയോകൾ വൈറലാവുണ്ട്. അതിൽ കുട്ടികൾ കളിക്കുന്നതും, മൃഗങ്ങളുടെയും, തമാശ നിറഞ്ഞതും, ആർക്കെങ്കിലും അമളി പറ്റിയത് പോലെയുള്ള വിഡിയോകൾക്ക് ഇപ്പോഴും കാഴ്ചക്കാർ കൂടുതലാണ്. ചില വിഡിയോകൾ ചെറിയ ഇടവേളക്ക് ശേഷം പിന്നെയും വൈറാലാവും. ഇത്തരത്തിൽ ഒരു വീഡിയോ ഇപ്പോൾ സമൂഹ മാധ്യമങ്ങളിൽ വൈറലാവുന്നുണ്ട്. മുൻ അമേരിക്കൻ ബാസ്‌ക്കറ്റ് ബോൾ താരമായ റെക്‌സ് ചാപ്മാൻ 2 ദിവസം മുൻപ് ട്വിറ്ററിൽ പോസ്റ്റ് ചെയ്ത വീഡിയോ ആണ് വീണ്ടും ശ്രദ്ധ നേടുന്നത്.

എന്തിന് ചുഴലിക്കാറ്റിനിടെ പുറത്തിറങ്ങി? ചോദിച്ച റിപ്പോർട്ടറെ വട്ടംകറക്കി മറുപടി

ഒരുമയുണ്ടെങ്കിൽ എന്തും നടക്കും നടക്കും എന്ന പാഠം വ്യക്തമാക്കി തരുന്നതാണ് വീഡിയോ. രണ്ട് കടന്നലുകളാണ് വീഡിയോയിലെ താരങ്ങൾ. ശീതളപാനീയമായ ഫാന്റയുടെ മുകൾ ഭാഗത്ത് അടപ്പിനോട് ചേർന്ന് ഇരുഭാഗങ്ങളായി ഇരിക്കുകയാണ് ഇരുവരും. രണ്ട് പേർക്കും ഫാന്റ കുടിക്കണം. പക്ഷെ ഇത്രയും ഭാരമുള്ള അടപ്പ് എങ്ങനെ മറ്റും? തോറ്റു പിന്മാറുകയല്ല മറിച്ച് രണ്ട് പേരും ഇരു ഭാഗങ്ങളിൽ നിന്നും വലത്തേക്ക് അടപ്പ് തിരിക്കുന്നതും ഒടുവിൽ ശ്രമം വിജയിച്ച് അടപ്പ് കുപ്പിയിൽ നിന്നും താഴെ വീഴുന്നതും കാണാം. ഒത്തു പിടിച്ചാൽ മലയും പോരും എന്ന പഴഞ്ചൊല്ല് അന്വർത്ഥമാക്കും വിധമാണ് കടന്നലുകളുടെ കൂട്ടായ പ്രവർത്തനം.

വായിക്കണം, ദിവാസ്വപ്നം കാണണം! ജോലി രാജിവച്ച് ശതകോടീശ്വരൻ സിഇഓ

രണ്ട് കടന്നലുകൾ ഫാന്റയുടെ അടപ്പ് തുറക്കുന്ന വീഡിയോ നിങ്ങൾ ഇതിനകം കണ്ടിട്ടുണ്ടെങ്കിലും നിങ്ങൾക്ക് സ്ക്രോൾ ചെയ്യാം എന്ന കുറിപ്പുമായാണ് റെക്‌സ് ചാപ്മാൻ വീഡിയോ പോസ്റ്റ് ചെയ്തിരിക്കുന്നത്. യഥാർത്ഥത്തിൽ ബ്രസീലിലെ സാവോപോളോയിൽ നിന്നാണ് ഈ വീഡിയോ പകർത്തിയിരിക്കുന്നത്. ജോലിക്കിടെ ഉച്ചഭക്ഷണത്തോടൊപ്പം താൻ വാങ്ങിയ ഫാന്റ കുടിക്കാൻ കടന്നലുകൾ പരിശ്രമിക്കുന്നത് കണ്ട് ഒരു തൊഴിലാളിയാണ് വീഡിയോ ചിത്രീകരിച്ചത്. “ഞാൻ ഒരു സോഡാ വാങ്ങി എന്നാൽ താമസിയാതെ തേനീച്ച അത് മോഷ്ടിച്ചു” എന്നാണ് തൊഴിലാളി എഴുതിയത്.