ഇടുക്കിയിൽ പൂജാരി ദളിത് യുവതിയെ പീഡിപ്പിച്ചു; ദൃശ്യങ്ങൾ പകർത്തി, കേസെടുത്ത് പോലീസ്

ഇടുക്കി: വിവാഹ വാഗ്ദാനം നൽകി പീഡിപ്പിച്ചെന്ന 21കാരിയായ ദളിത് യുവതിയുടെ പരാതിയിൽ ക്ഷേത്ര പൂജാരിക്കെതിരെ കേസെടുത്തു. ഇടുക്കി മുക്കൂട്ടുതറ സ്വദേശിക്കെതിരെയാണ് പരാതി. പോലീസിൽ പരാതി നൽകിയതിന് പിന്നാലെ വിവാഹം കഴിക്കാമെന്ന് പ്രതി വ്യക്തമാക്കിയിരുന്നുവെങ്കിലും പിന്നീട് നിലപാട് തിരുത്തുകയായിരുന്നുവെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു.



സ്ത്രീകളെ ശല്യം ചെയ്തു; യുവാവിനെ മൂത്രത്തില്‍ കുളിപ്പിച്ച് ചെരിപ്പുമാല അണിയിച്ച് നടത്തിച്ചു

മുണ്ടക്കയം സ്വദേശിയായ യുവതിയാണ് മുക്കൂട്ടുതറ സ്വദേശിയായ പൂജാരിക്കെതിരെ മുണ്ടക്കയം പോലീസിൽ പരാതി നൽകിയത്. പ്രദേശത്തെ ക്ഷേത്രത്തിൽ ശാന്തിക്കാരനായി ജോലി ചെയ്യുന്ന പ്രതി കഴിഞ്ഞ മൂന്ന് വർഷമായി പീഡിപ്പിക്കുകയായിരുന്നുവെന്നാണ് യുവതിയുടെ പരാതിയിൽ വ്യക്തമാക്കുന്നത്. ക്ഷേത്രത്തോട് ചേർന്ന ശാന്തി മഠത്തിൽ വെച്ചാണ് പീഡനത്തിന് ഇരയായത്.

വിവാഹത്തിൽ നിന്ന് പൂജാരി പിന്മാറിയതോടെ യുവതിയും കുടുംബവും പോലീസിൽ പരാതി നൽകി. പോലീസ് കേസെടുത്തതോടെ യുവതിയെ വിവാഹം ചെയ്യാൻ തയ്യാറാണെന്ന് പോലീസിൽ രേഖാമൂലം സമ്മതിച്ചു. വിവാഹം നടത്താൻ രജിസ്റ്റർ ഓഫീസിൽ എത്തിയെങ്കിലും ഓഫീസ് സമയം കഴിഞ്ഞതിനാൽ വിവാഹം വ്യാഴാഴ്ചത്തേക്ക് മാറ്റിവച്ചു.

‘ശുചിമുറി വെൻ്റിലേഷനിൽ തോർത്ത് ഉപയോഗിച്ച് തൂങ്ങി’; കിരണിൻ്റെ മൊഴി വിശ്വസിക്കാതെ പോലീസ്

വ്യാഴാഴ്ച വിവാഹം നടക്കാനിരിക്കെ തിരുമാനത്തിൽ നിന്നും പിന്മാറുകയാണെന്ന് യുവതിയുടെ പിതാവിനെ ഫോണിലൂടെ ഇയാൾ അറിയിച്ചു. ഇതോടെയാണ് യുവതിയുടെ കുടുംബവും പോലീസിൽ പരാതി നൽകിയത്. നഗ്ന ചിത്രങ്ങളും വീഡിയോ ദൃശ്യങ്ങളും ഇയാളുടെ കൈവശമുണ്ടെന്ന് യുവതി പരാതിയിൽ വ്യക്തമാക്കുന്നുണ്ട്. മുണ്ടക്കയം പോലീസ് അന്വേഷണം ആരംഭിച്ചു.