മികച്ച സേവനത്തിന് അംഗീകാരങ്ങൾ ലഭിച്ച എസ്.ഐ തോക്ക് ചൂണ്ടി 15കാരിയെ പീഡിപ്പിച്ചു; സഹായം നൽകി അമ്മയും സഹോദരിയും

ചെന്നൈ: പ്രായപൂർത്തിയാകാത്ത പെൺകുട്ടിയെ തോക്ക് ചൂണ്ടി പീഡിപ്പിച്ച പോലീസ് ഉദ്യോഗസ്ഥൻ അറസ്റ്റിൽ. തമിഴ്നാട്ടിലെ കാശിമേട് പോലീസ് സ്റ്റേഷനിലെ സബ് ഇൻസ്പെക്ടർ സതീഷ് കുമാറിനെതിരെയാണ് പോക്സോ അടക്കമുള്ള വകുപ്പുകൾ ചേർത്ത് കേസെടുത്തത്. 15കാരിയായ കുട്ടിയെ പീഡിപ്പിക്കാൻ സഹായം നൽകിയ അമ്മയും ഇവരുടെ സഹോദരിയും അറസ്റ്റിലായി.



ഇടുക്കിയിൽ പൂജാരി ദളിത് യുവതിയെ പീഡിപ്പിച്ചു; ദൃശ്യങ്ങൾ പകർത്തി, കേസെടുത്ത് പോലീസ്

അറസ്റ്റിലായ സതീഷ് കുമാറിനെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു. മികച്ച സേവനത്തിന് സേനയിൽ നിന്ന് പലതവണ അംഗീകാരങ്ങൾ ലഭിച്ച 37കാരാനായ സതീഷ് ജോലി ചെയ്ത സ്റ്റേഷനുകൾ കേന്ദ്രീകരിച്ച് അന്വേഷണം ആരംഭിച്ചു.

കഴിഞ്ഞ വർഷം ചെന്നൈ മാധവരത്തെ പോലീസ് സ്റ്റേഷനിൽ ജോലി ചെയ്യുന്നതിനിടെയാണ് പെൺകുട്ടിയുടെ അമ്മയുമായി സതീഷ് കുമാർ പരിചയത്തിലായത്. ബന്ധം ശക്തമായതോടെ ഇയാൾ യുവതിയുടെ വീട്ടിൽ എത്തുന്നത് പതിവായി. ഇതിനിടെ യുവതിയുടെ മൂത്ത സഹോദരിയുമായും എസ്ഐ ബന്ധമുണ്ടാക്കി. രഹസ്യമായി വീട്ടിലെത്തുന്ന സതീഷ് കുമാറും അമ്മയും തമ്മിലുള്ള രഹസ്യബന്ധം പതിനഞ്ചുകാരി നേരിൽ കണ്ടു.

സ്ത്രീകളെ ശല്യം ചെയ്തു; യുവാവിനെ മൂത്രത്തില്‍ കുളിപ്പിച്ച് ചെരിപ്പുമാല അണിയിച്ച് നടത്തിച്ചു

അമ്മയുമായുള്ള തൻ്റെ ബന്ധം പുറത്തു പറഞ്ഞാൽ പിതാവിനെയും സഹോദരനെയും കൊല്ലിമെന്ന് സതീഷ് തോക്ക് ചൂണ്ടി ഭീഷണിപ്പെടുത്തി. തുടർന്നുള്ള ദിവസങ്ങളിൽ കുട്ടിയെ ഉപദ്രവിക്കാൻ ആരംഭിച്ചു. വഴങ്ങാതിരുന്ന കുട്ടിക്ക് നേരെ തോക്ക് ചൂണ്ടുകയും ചെയ്തു. ബന്ധം സ്ഥാപിക്കാൻ വിലകൂടി സ്മാർട്ട് ഫോണുകളും സമ്മാനങ്ങളും ഇയാൾ നൽകിയെങ്കിലും കുട്ടി ഇവ നിരസിച്ചെങ്കിലും അമ്മ ഇവയെല്ലാം വാങ്ങി. ഭീഷണി സഹിക്കാനാകാതെ വന്നതോടെ പെൺകുട്ടി വിവരം പിതാവിനെ അറിയിച്ചു.

പോലീസിൽ പരാതി നൽകാനൊരുങ്ങിയ കുട്ടിയുടെ പിതാവിനെ സതീഷ് കുമാർ ഭീഷണിപ്പെടുത്തി. പോലീസിൽ പരാതി നൽകാൻ ഭയന്ന പിതാവ് ഒരു തമിഴ് മാധ്യമത്തോട് വിവരം പറഞ്ഞതോടെയാണ് വിവരം പുറത്തായത്.